هل أنا اتكالية؟ أم محقة؟؟

[مشكلتي]

السلام عليكم عصارة القصة هي أنني فتاة جامعية كنت اتقاضى راتب التقاعد انا واخواتي وأمي كل واحد يخلص وحدو لأن أبي مات وكان يخدم في الشرطة, المهم أنا عقدت العقد الشرعي ونحولي خلصتي كانت 860 الف برك لكن على الأقل كنت اشتري لوازمي ولو قليلا وزوجي أعطاني قبل ست اشهر المهر 15 مليون الحمد لله على كل حال قلت معليش هو كان استاذ ربح في الاحتياط عيطولو في 2015 جانفي قبل المسابقة صراتلو مشكلة رجعوه مستخلف والله مفهمت راه غير يجري مفروض لي في الاحتياط يرجعوا اساتذة عادي هو رجعوه متعاقد وكل اربع اشهر يخلصوه وراه في شحال مخلصوهش ممكن راه يسالهم فايت 25 مليون المهم الان قالي راني بطال خلاص العقد راح يكمل وكرهت التعليم راه يستنى في مسابقة تع الامامة بلاك يقبلوه وزيد انا نحولي خلصتي لكن الحمد لله دائما, اختي ماشاء الله تبارك الله ربحت المسابقة رياضيات 2016وراها استاذة هذا الشهر خلصوها فيفري قالتي خلصوني شهر برك لكن شاكة خلصوها اكثر ومش حابة تقول خايفة نطمعلها في دراهم المهم انا طلبت منها مبلغ مالي بحكم انه خلصتي ومعنديش عطاتني 500 الف وامي عطاتني 300 حسيت روحي طلابة , وامي قالت لاختي متقوليش لاختك اختنا الكبيرة تقصد انك خلصتي ونشوف امي تقولها متخليهمش يطمعوا فيك صراحة تغيضني عمري راني نفكر نخدم في اقرب وقت وزوجي لا يمانع ان اشتغل استاذة لكن انا حابة بلاصة ميكونش فيها اختلاط كبير كيما الابتدائي قلت نستفتي كاش شيخ ويقولي المهم خلاصة الامر انا نخمم على زوج جيهات ما الحل مع زوجي ومشكلته؟ وهل انا اتكالية عندما اطلب من اختي وتتشنف عليا وليوم محبتش طلبت مية الف قلتلها سلف دارت روحها تضحك هي وامي ومردتش عليا وجهي طاح والله وراني جهازي ناقص بزاف الى الله المشتكى جزيتم خيرا ارجو حذف موضوعي بعد استكمال الردود