زوجي يكره اهلي

[مشكلتي]

سلام عليكم اخوتي ’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’’’’’’’’’’’’’’’ربما بالغت في العنوان لكن اليوم صارحني زوجي انه يتضايق عندما يزورني في بيت اهلي عاملين عقد شرعي وكان يزورني باستمرار واصبح مرة مرتين اسبوعيا لكن عندما راى ان امي تنزعج قال لي انه راه يجي فوق قلبه واش معناها؟ والمرة الاخيرة قعد معايا وانا اغلقت الباب تع الغرفة من باب الخصوصية فقال لي رايت امك زعفت كي بلعنا الباب وانا ملاحظتش هدا الامروصراحة امي كي نقولها زوجي جاي تقولي شاجايبو الدار مش مخملة وتصرخ ديما هك كيفاش نديرو قالي نعود نلقاك برا وخلاص كي نحب نشوفك ما الحل اخوتي ولي يقول علاش امك تكره زوجك صراحة منعرف كانت تحبو كي ابنها اخوي لي مات الله يرحمه وتغيرت بعد العقد علي جذريا تقولي زوجك براني مهوش خوك ولا ابوك الله يرحمهم متحكيلوش كلش وديما توسوس تقولي راكم تحكوا علي بالسوء لدرجة ان رسائلي مرات تقراها او عاملتي برنامج تجسس والله اعلم لانها تقولي علاش قلتي هك وهك واش نعمل مع العلم ان زوجي ماشاء الله انسان متدين لكن متواضع فقير وكانت امي حاسباتو بدراهموا قبل منتزوجوا انا ميهمنيش دراهم المهم الهنا لكن الان حتى الهنا مش موجود ديما انا وياه في مشاكل ما الحل علما ان الزفاف مزال حتى بعد اشهر لظروف زوجي

[مراد سابقا10]

ساهلة ماهلة كيعاد ميحمولش بعضاهم كل واحد في طريقوا

قوليلوا ميزديش يجيك للدار او يجيك كل شهر فقط علاه يجيك كل سمانة هذي بعد تفسد العلاقات كثرة الزيارة...؟؟؟؟

[لمسة ابداع]

ا صحبتي يضل ييجي و لا مول الدار تفرح بيه النهار الاول النهار الثاني يجي نهار و تكره
بكل صراحة هو الي سمط بروحو
و انتي من المفروض ماتسمحيلوش يجي كل يوم من باب الحشمة
اكي تشوفي المشاكل بداو و انتي مازلتي مارحتيش خلاص

[محمد جديدي التبسي]

وعليكم السلام ورحمة الله
علابالك انت محيرتني وزوجك محيرني أكثر كيفاه يزورك كل أسبوع مرة ولا اثنين ماهذا؟ هل الأمر عادي عندكم؟؟؟
طبيعي الرجل ما يحملش أهل زوجته خاصة في بلادنا هذا هو الأصل تقريبا مش كره لكن مش حب أيضا إلا في حالات محدودة
في حالتك والدتك عندها الحق حتى لو عقد عليك هذا مش زوجك لازم اعلان الزفاف
كما ان زيارته لك أسبوعيا غير مقبول عرفا وعقلا ناهيك عن الالتقاء به خارج البيت هذه كارثة بكل المقاييس لأن العواقب قد تكون وخيمة وهناك من طلقت قبل الدخول بأسباب واهية فخذي حذرك وخليه ينقص زيارات وأسرعوا بالزواج ربي يتمم على خير

[ابو سليمان10]

.................

[ابو سليمان10]

انا ارى ان الزيارات هذه ليست في محلها ابدا و زيادة عليها غلق الابواب الى اخره..بالرغم من تواجد العقد فهذا يتجاوز الحدود
بعض العلماء افتى انه بالرغم من وجود العقد الا ان امور الخلوة هذه لاتجوز لانها تاتي قبل اعلان الزواج و تخالف الاعراف السائدة و اهم ما في الامر انها قد تضع اهل الزوجة نحت طائلة القيل و القال ...قلتي ان امك قد تغيرت بعد العقد ربما من افعالكما هذه..
كما انكي قلتي انه خفف زياراته و اصبحت مرة او مرتين...يعني قبل ذلك كان ياتي كل يوم...فعلا امر غير معقول...انا اعرف الناس و حتى الاقارب و الاهل ...الرجل عندنا لا يكثر الذهاب الى بيت زوجته و هي عنده و يترك الاحترام قائم ...صديقي اصهاره لما يخضر زوجته لبيت اهلها احيانا يرجع من الباب ان لم يجدارجلا في البيت و ان وجد اباها او اخاها لايبقى اكثر من مدة شرب قهوة و يذهب رغم دعواتهم الملحة للبقاء ...و الاحترام قائم و لايوجد مشاكل

ملاحظة اخرى...رايت انه يوجد مناطق في الجزائر يقومون بالعقد قبل مدة طويلة من الزواج و هذا غريب فعلا و لا مبرر له...في منطقتي العقد يقام خلال اخر اسبوع قبل الزواج لتفادي ان يحصل طلاق قبل الدخول و لاتفادي هذه الحركات البنت تقول زوجي و هو زوجتى و يتجاوزون الحدود بذريعة العقد و طبعا الخاطب يعامل كغريب لاياتي للمنزل من خطبها الا ضمن مراحل الخطوبة مرة او اثنين

[قدور بن عاشور]

و نتوما علاش تغلقو الباب؟؟
لوكان جيت باباك هو نحاوزو من الدار و أنت حسابك عسير.
كلميه في التلفون مرة أو مرتين في الأسبوع
و اذا حب يزور، يجي في زيارة رسمية و يجلس معك مع أحد محارمك.

[FATIHA131]

اكيد امك تزعف عندها الحق زيارته لاداعي لها
نتوما جبتوها لرواحكم من المفروض من نهار الرؤية الشرعية مايوليش هكذا احنا عنا
وين راحت الحشمة والحياء ؟؟؟
ربي يهديكم ويهدينا

[nihal159]

أمّك عندها الحق تنزعج من زيارات زوجك؛ حتى و لو عاقدين يبقى غريب و الإحترام واجب؛ و زيد ياختي كيفاش تغلقي عليكم الباب؟؟؟ و تقولي من باب الخصوصية؟؟؟ واش من خصوصية عندك مع راجل مازال ماذخلش بيك و زيادة على هذا في دار باباك؟؟؟؟؟؟ لازم شوية حشمة.

[القبايلية]

أختي العزيزة لان اهاجمك و لن انتقدك و لكن ساحاول شرح موضوعك بطريقة مبسطة لعلك تفهمي الأمور و تتفهمي ردة فعل الإخوة اللي جاوبوك قبلي.
أحنا رانا عايشين في مجتمع ، مجتمع تحكمه القوانين و الشريعة و العرف
أنت مخطوبة و درتي عقد شرعي كل هذه أمور قانونية و شرعية تعطيك بعض الحقوق و الصلاحيات و لكنها محدودة على خاطر العرف هو اللي يحددها.
بزاف بنات يحسبو العقد الشرعي يحلل كل شيء و لكن لازم تفهمي بلي العقد الشرعي ما يعنيش زواج كامل و الزوج ما عندوش كامل الحقوق تسقط عليه بعض الأمور و تسقط عليك بعض الأمور
العقد الشرعي لا يوجب على الزوج النفقة و لا يوجب الطاعة للزوجة
راكي في دار باباك تسقط عليك طاعة الزوج يعني بالعامية باباك اللي يحكم مادام مازلتي في دارو هذا مثال
و ثاني الخلوة ما هيش محرمة و لكنها عرفا ماشي جايزة على خاطر تضر الطفلة و عايلتها أكثر من الزوج
لا قدر الله لم يتمم الزواج و فسختو العقد يعني طلقتو قبل الدخول في حالة تفرض عليك العدة على خاطر كانت هناك خلوة تامة و لكن في حالة عدم وقوع خلوة ما تكونش كاين عدة
راني مديتلك بعض الأمثلة باه تفهمي
في منطقتنا (القبايل) حتى بعد العقد لاشرعي و الفاتحة الزوج ما يزورش مرتو في دارهم يجي فقط في المناسبات و ضروري و أكيد يكون باباها أو أخوها حاضر للدار حتى إلا خلاوهم يهدرو وحدهم الباب يبقى مفتوح و هوما داخلين خارجين ماكاش خلوة تماما كاين بزاف يشوفوها تزيار و لكن هي محافظة على البنت و شرفها و الراجل يبقى عزيز عند نسابو

[زبدة ذايبة]

غالطة على طول الخط.

الراجل هذا اللي راكي معاه وتعتقدي أنه سيكون زوجك.

ممكن يدور عليك.

لحكاية تاع تغلقي الباب معاه دارت كوارث في المجتمع الجزائري.

وش خليتي للزواج؟؟؟؟؟؟؟

الأسبوع كامل وهو يدقدق في الباب جاي لعندكم للدار.

وش يسحق؟؟؟؟؟

وزيد فوق هذا يشنف ويعلن بصريح العبارة أنه يكره أهلك!!!!!!

كثر خيرو

هذا اللي فتحتولو الباب يدخل كبما يحب ويخرج كيما يحب.

لا حسيب ولا رقيب.

شوية يا أختي ديري الحرمة لداركم.

هذا ما زال مارحتيش لعندو وراه يعبر على الانزعاج.

تروحي ليه وش يزيد يسمعك عليهم.

وممكن حتى مايروحش لعندهم للزبارة.

يحطك عند الباب ويروح.

وهذاك النهار حليها إذا قدرتي.

أنت السبب فيما بحصل عندكم.

وأهلك للأسف طاوعوك في هذ الزيارات وخلاوك على رأيك وعلى حريتك.

لدرجة تغلقي الباب بدون أدنى إحراج في بيت أهلك أمام الأب والأم والإخوة!!!!!!!!!

راجعي تصرفاتك يا اختي.

اللي تتنازلي عليه اليوم بلاثمن.

غدوة تدفعي ثمنه بغير حساب.

رب يهديك.

[*أم سجى*]

مايهمش كره امك لزوجك او حتى انك تحطي موضوع لهذالشي الأهم انك تحضري لموعد زفافك وتلتاي بأمور اخرى تنفعك ...الخلوة مع خطيبك مهيش راح تنفعك غدوة تتزوجي ومايدوم غير الصح ان شاءالله رب يعجل زواجك ويهنيك في حياتك هذاك هو عين الصواب

[um hajar]

هذي كامل قالتلهم اسكتوا : يجي مرتين في السمانه ويغلق الباب ويحوسوا يحبوه
وزيد ثان متدين ��
يا مالا لو كان ما جاتش متدين واش راح يصرا ������
افطني لعمرك يا لعزيزه وردي الحرمه لداركم وقوليلوا بكل أدب وحشمة:
نهدر معاك مره واحده في التلفون وبالحدود
كي تديني لدارك ما تخافش مانيش رايحه نجيب يما معايا .
واغلقي الباب وقتها وواحد ما يلوم عليك
تساهلنا في دينا وعرفنا جعل المصائب تنزل علينا من كل حدب وصوب
اللهم ارحمنا برحمتك

[sohaibdz]

كون زدتي درتي غرفة النوم تعكم في داركم خير و اقعدو براحتكم !!
بصراحة مفهتش ويني رجولتو باش يقدر يروح لدار نسابو زوج مرات في السمانة و علابالو بلي نسيبتو ميعجبهاش الحال
وانتي تاني متجيكش الحشمة كيما تقعدي معاه في داركم قدام امك خوتك و باباك؟؟؟!!!!!
على كل حال هادي تربية امك و درك راهي تحصد واش زرعت

[هـــدوء]

قالك كلمة زوج على يماك صاي ولات جاسوسة وموسوسة و هو الملاك الطاهر المسكين .سبحان الله كيفاه راجل عرفيته من عامين خلاك تشكي في امك لي ولداتك و تقولي عليها الكلام هذا.

المهم .عامين عقد شرعي و زيد رايح جاي على داركم معلوم يتقلق السيد .كيفاه ما يقلقش وهو لم ينل ما يناله الرجل من زوجته بسبب عجزه و فشله .السيد حابها واجدة يروح لدار نسابو يلقى مرتو تستناه و حماتو ترحب بيه و تقدملو بنتها على طبق من ذهب .

بصح يماك فحلة و هي الوحيدة الفايقة فيكم راهي بنفورها منو تحافظلك على وش بقى من كرامتك مع سيد هذا لي عامين عقد و و رايح جاي عليك و ماقدرش حتى يكري.المتسول في الشارع اعطيبلو عامين في يدو يكريلك دار اقل شي شهر . و هذا قاعد يماطل و يزيد يتكسل حاب يشوفك برا بدل ما يتحزم و يديرلك دار كي ناس لابغى غرفة وحدة.

و نتي بدل ما تقفزي و تعاوني راجلك ديرو دار تسترو رواحكم فيها جاية تشكي من يماك لي راهي في ظهرك و حايرة في راجلك يكرها و لا يشتيها.يروح يلعب على روحو في دار الناس و زيد يتكسل!