تجربتي مع سلاسل مصطفاي (روووعة)

[سُـــمَـــيَّـــه]

السلام عليكم و رحمة الله تعالى و بركاته
هادا الموضوع موجه بالأخص للي عندهم مشكل مع الدوال بصفة عامة من دوال كثيرة الحدود أو أسية أو لوغاريتمية أو حتى في المتتاليات
أنا صراحة من النوع اللي مايكتافيش بالدرس المقدم في القسم و بالاك قاع حنا هاكا خاصة في الدوال خاترش مشي دائما تنحطلك نفس شكل الدالة اللي قريتها
مين قرينا الدالة الاسية تعقققدت تعرفو كيفاش تعققدت .......... يعني خلاص فقدت الأمل منها تماما و كنت نعد روحي من الراسبين على خاطرها جبت في الاختبار 6 تصدقوا ؟ كنت نجيب العام لي فات 18 17 و مين نقلل 15 و طحت طيحة قوية على راسي و للللكن ...........كلما نطيحو نوضوا أقوى و أقوى
بالصدفة شفت في المنتدى الكل يتكلم عن سلاسل مصطفاي خاصة في مواضيع الليلي البيضاء و التحديات و بشكل عام شفت بلي الهدرة على هادي السلاسل كثيرة و قاع يحلوهم قلت أنا علاه مانجربش ... و صرااحة لقيت فيها كللشي قاع الصوالح اللي كنت نخافهم و نجهلهم في الدوال لقيتهم عنده كل اشكال الدوال مع الحل و كل الاسئلة اللي نصادفوها
راني عاقلة كانت الليلة تاع الجمعة للغدوة السبت في ديك الليلة بديت نحل هادو التمارين و الحاجة اللي نغلط فيها نصححها و مين نكمل التمرين نبلع الpc و نعاود نحل التمرين وحدي و يدددخل في رااسي
موراها حمملت كاامل السلاسل تاع الدوال و المتتاليات و مانستغناش عليهم ضروك جااامي
الحاجة الزاوجة اللي بغيت ننبهكم عليها هي اعداء النجاح . الناس اللي تحسبهم صحابك يبغولك الخير و هوما يحطموك . في كلاستي كاين حنا % تلاميذ متفوقين المنافسة بيناتنا وصلت لأنو صديقتي ماتقوليش بلي كاين استاذ في الليسي راه يدير الدعم لكامل التلاميذ غيل باش مانجيش و نستفاد و مانحكيلكمش على الولاد ..... هههه أطفال و صايي
المهم ركزوا في قرايتكم مكاش بزاف و حاولوا تسهروا أو تنوضوا بكري وحدة من زوج
ربي يوفقككككم و ينجحنا كااااامل يا ربي بالمعدل اللي رانا نطمحوله
بالمناسبة روابط السلاسل قيد الرفع نخليهالكم هنا
وفقكم الله .