لا استطيع المراجعة لا استطيع الاكل اريد ترك الدراسة كرهت الحياة ماذا افعل ارجووكم ساعدوني

[yy95-Mecanique]

السلام عليكم ورحمة الله وبركاته

كثير من الناس لديه هاته الحالة خاصة مع اقتراب الوقت او مع معدلات الفصل الاول التي احبطته لذا اريد ان اقول لك مهما كنت ومهما قصرت وضيعت انت احسن مني . من انا انا الان طالب جامعي ماستر 1 تخصص اينارجيتيك في جامعة باب الزوار وقد اجتزت باكلوريا 2014 و هو عام لن انساه كنت غاية في الاهمال لاكتب الدروس لا احضر الحصص لانه كانت لنا الحرية في تلك الثانوية بسبب اهمال الادراة اذا تمر الايام وانا في نفس هاذا التفكير الذي هو في اللعنوان اذا رايتني ترى حالة من الياس الاحباط كره الحياة كاني شجرة ذبلت اوراقها صدقا مع اني ذكي قوي الشخصية سريع البديهة لكن ماذا يحدث وماذا حدث لا اعلم او بالاحرى كنت اتغافل و اتقمصص دور الضحية الذي اتقنته ب الفعل والذي انت الان تريد ان تتقنه وتريد مساعدة الناس واهتمامهم ووووووو ف اريد ان اقول لن تجد اي شيى لانه اصلا هاذا التفكير من الشيطان بعد مرورو الفصل الاول والثاني قرب امتان الباكالوريا وارى الناس تجتهد وتدرس الناس قريب تكمل وانا ماشي مزال مبديتش مازالا اصلا معلاباليش مين نبدا ولا و اصلا راني كاره معليش بقاو 60 يوم لتم عرفت روحي مليح عرفت بلي الله عز وجل امدنا بقوة و عقل وامكانيات قد تتفاوت من شخص لاخر لكن ب التوكل على الله ثم الجد والاجتهاد تستطيع تطويرها اذا بديت نبحت وصار الانترنت ومواقع الاساتدة هي مدرستي و بالفعل قريت شوية وجبت ونجحت مع اني قصرت كثيرا لكن الله عز وجل اكرمني وديت 12.80 الحمد لله انا مقريتش اصلا ومخديتش بالاسباب مليح تسما نتا لي راك تشوف وتسمع ابلا مازالك تخمم بلي انت انسان فاشل جيبت نقولك ليوم نتا لالا نتا لي راك حاب تكون فاشل قاع الناس تحب تنجح بصح ماشي قاع يخدمو باش ينجحو حبيت نقولك صح مع لول جيك صعيبة وكلي راح تموت اصبر سمانة زوج شهر اومبعد تولي نتا تستمتع بالدراسة وصلت في الايام اني فليل نوصل نحل 13 تمرين الفيزياء لي كانت مخفوتني كي مدولي الامتحان كلش نعرف الحمد لله الرياضايات بديت نضحك على السوجي كي جاني ساهل بزاف هادي هي حبيت نقوللك اخطيكم من هاذ الفشل ولالاحباط ايا من درك قادر تبدا وتضرب معدل حتى 16 عاادي صح صعييييبة بصح هي بسيطة و معقولة مازال الوقت مازال الحال متقوليش حياتي قاع وانا هكدا متقوليش عائلتي و وو و و متقوليش معنديش دراهم ندير دروس خصوصوية شكون قالك لازم دير شكون شكون شكون هبلونا بهذا لعفايس كرهولنا حياتنا ولينا نامنو بلي لي يدير ليكور راه ناجح ايه امنا كي كنا صغار درك متعفسهاليش كي متلقاش قاع جيب كراس من صاحبك تاع الدروس الخصوصية صور او اقرا ساهلة متسحقو يفهمك ماتسحق تروح دير دروس خصوصية اسمعوني مليح كل واحد فيككم قادر وعندو وحش مخبي راني حاب تخرجو ليوم هاداك الوحش بصح لازم ماشي كيما كل خطرة تقول نبدا او تفشل علابالك وعلاش على خاطر لازم 1/ تتوكل على الله عز وجل 2/ تدعي ربي سبحانه باش يوفقك 3/ تدير خطة يوميو او اسبوعية 4/ تسقسي الناس كيفاه دارت باش نجحت كاين بزاف عفايس حاب نقولهم مي راني طولت بزاف لكن كل هاذا باش نفيدكم وهاذ الموضوع ديرتو مقدمة فقط لاني كنت اقدم مواضيع في عامي ونظرا للاقبال الذي وجدتو كنت دايمن نحط تجارب و العاوئق لي تقدرتفيد الناس و اخير ايلا عجبكم المووع صوتو ا باش نعرف ايلا ناس مهتمة او لا وبالتوفيق او ادعولنا ب الخير