طبق البقولة التقليدي بكل تفصيله من . مطبخي مممممممم ماترطيوش

[أم فاطمه]

السلام عليكم اخواتي ربما مكانش الي مايعرفش البقولة خاصتا في غرب البلاد

اليوم حبيت نعرفكم على هده الاكلة التقلدية اللديدة البسيطة كانو جدأتنا يتفنو في طبخها
تفضلو تتعرفو على طريقتي
المقدير
البقولة
التوم 4 سنان
مغرفة كبيرة فلفل احمر
مغرفة صغيرة ملح
2 مغارف كبار كمون
نص مغرفة صغيرة حار
مصغيرة فلفل اسود
2. حبات طماطم
حبة بطاطة مسلوقة
مغرفة صغيرة طماطم مصبرة
والزيت طبعا
الطريقة

خدي البقولة نقيها وغسليه جيدا من الاتربة ثم قطعيها قطع صغيرة كما في الصورة

عمريها في كسكاس ومن الافضل يكون تاع الحلفة باش تطيبلك خفيف ضريف

غطيها بي البلاستيك الغدائي ومغطا منفوقه
ومن جهة اخرى اسلقي حبة بطاطة صغيرة اختيارية.
بعد ما تفور البقولة ارحيها بي المغرف شوية

خدي مقلاة ضعي فيها قليل من الزيت الطماطم مرحية التوم وقطعي البطاطة مربعات صغيرة ضفي الملح وتركيها تتقلى شوية

ضفي البقولة والتوابل ضعي الكمون الفلفل السود الفلفل الاحمر الفلفل الحار وقليل من الطماطم المصبرة وحركي الكل وتركيها تنضج مع التحريك وفي الاخير زدي 2 مغارف كبار زيت الزيتون.

اتمنى تعجبكم لانو مهما قلت عليها منعطيهاش حقها

.


.


.


.


.

[طيور الجنان]

يعطيك الصحة ام فاطمة على الوصفة التقليدية تبان بنينة هذا البقولة ربي يبارك سلمت يديك

[ام هدول]

امممممم باينة بنينة طبعا تقليدية بسيط ولددييد مايتشبعش شكرا ام فاطمة ..على الوصفة الرائعة

[nihal159]

يعطيك الصحة أم فاطمة؛ كل مرة تعرفينا على أكلة تقليدية جديدة؛ الله يبارك عليك؛ أنتي موسوعة.

[أم فاطمه]

السلام عليكم اخواتي طيور ونهال وام هدول شكرا على مروركم وتعليقكم الجميل تحياتي

[فردوس الرحمان]

ام فاطمة مافهمتش واش هي البقولة ، كشما عندها اسم اخر تعيشي

[أم فاطمه]

اهلا بيك فردوس هي الخبيز انا سميتها كما نقلولها في منطقتي شرفتني

[فردوس الرحمان]

تعيشي اختي دك فهمت ، تسلمي حبوبة

[أم فاطمه]

شدكرا اختي تحياتي

[شاف مريم]

شكرا جزيلا

[سوسن تسنيم]

امممم عجبتني الفكرة تاع البطاطا ان شاء الله نجربها

[أم فاطمه]

أهلاسوسن وشاف شرفتوني تحياتي