☺❤حكآاية👇 #العالم_المتقدم_و_العالم_المتخلف#🤗
العالم ينقسم لـــزوج أقسام2⃣
👈 #العالم_المتقدم#📈 و #العالم_المتخلف#📉 و باش نفرقوا بيناتهم و لا باش نعرفوا إذا دولة متقدمة🔝و لا متخلفة 🔽كآاين #معايير# 💯 و يسموهم #معايير_تصنيف_الدوّل#🔤 و هذي المعايير تنقسم لأقسام مختلفة🔢 كاين👈 معايير: إقتصاديّة؛ إجتماعيّة؛ ثقافيّة...إلخ
نبداو من الناحيّة #الإقتصاديّة#💰 نشوفوا الإقتصاد الخاص بهذي الدولة فمثلا إذا كانت هذي الدولة عندها صناعة تحويليّة🔩أو إستخراجيّة⛏
و الصناعة التحويليّة نقصدوا بيها: الدولة تحوّل المواد الأوليّة إلى مواد مستهلكة🔄 و هذي نعتبروها دولة #متقدمة#⏫
أمّا الدول #المتخلفة#⏬تعتمد على إستخراج المواد الأوليّة فقط كـــ #البترول# أو #الغاز#⛽ و مآا تحولوش لمواد مستهلكة❌ كما #الجزائر# 🇩🇿مثلا.
في العالم المتقدم 😍 نسبة العمال في القطاع الصناعي و الخدماتي مرتفع⬆عكس دول العالم المتخلف😞تلڨاهم كامل يخدموا في الزراعة⛏🌱🌳
و نلاحظوا أنّ الفرد في العالم المتقدم يستهلك ضعف ما يستهلكه الفرد في العالم المتخلف😳
و مستوى الترفيه🎉🎈عند دول العالم المتقدم يكون أكثر بكثير من دول العالم المتخلف.
و كاين متوسط الدخل الوطني الخام في الو.م.أ🇺🇸الدخل نتاعها أكثر من 7000 مليار أما في كاش دولة متخلفة تلڨالها أقل من 4 مليار دولار😥
نحكوا شوية على العوامل #الإجتماعيّة#👬 👭
في الدول المتقدمة راتب الفرد كبير بزاف يعني الشهريّة💸فمثلا في أمريكا🇺🇸تلڨى العامل يخلص 60 مليون أو أكثر في الشهر، بينما في الجزائر🇩🇿تلڨاه يخلص 4 ملاين.
نسبة الأميّة كبيرة بزاف في الدول المتخلفة عكس الدول المتقدمة تكاد نسبة الأميّة تكون معدومة 😍و هذا يرجع لنسبة التمدرس 📚
و نلاحظوا بلي في الدوّل المتقدمة يعيشوا بزاف
وحد الـــ78سنة أمّا في الدوّل المتخلفة يعيشوا أقل وحد
الـــ60سنة و هذا راجع إلى الأسباب الصحيّة💉و البيئيّة🏞الغير ملائمة 😥😞
في الدوّل المتقدمة ⬆ نشوفوا في الغذاء 🍔🍗نسبة السعيرات الحراريّة لي يستهلكها الفرد كبيرة بزاف مقارنة بالدوّل المتخلفة يعني مكاش كفته دير الحديد و أنت تاكل اللوبيا كل يوم😂😄
المهم خآاوتي هذي هي أهم النقاط لي طرقنا ليها نتمنىٰٓ الحكاية تكون عجبتكم و استفادوا منها ☺😇
و بلا ما نوصيكم #دعوة_الخير#☺👐
و بالتوفيق
( تقرير عن مشاركة سيئة )، و الموجودة أسفل كل مشاركة .
2017-10-15, 23:06
العالم المتخلف والمتقدم
العرض العادي
