واش رايكم

mohamed.2000 · 2017-09-11, 21:32

هذا برنامجي للتوقيت الاسبوعي انا بانلي شارجي + نقراو ثلاثاء مساء وانتوما واش رايكم فيه واش تنصحوني كبرنامج للمراجعة في المنزل يكون يتناسب مع هذا البرنامج +++ الاستاذ تاع الفيزياء زادلنا ساعة نهار الاربعاء صباحا قالنا من عندي نجيب سلاسل ونحلوهم لانه يدرس الدروس الخصوصية في مدرسة خاصة

المُعادلة الصّعبة · 2017-09-11, 21:42

العكس مليح ،،
عجبني نورمال ماهوش داخل في بعضاه كي تاعنا
نصيحتي ليك هكا
نهار الاحد : ترجع تعبان من السبور وعيان ارتاح حتى لل6 راجع نشاطات العلوم واقراها وراجع الدرس لي درتوه فالفيزيا ولا حل تمارين ولا اي شي يخص هذو زوز مواد ، واقسم الوقت بيناتهم مليح حسب الحاجة ،،
الاثنين : رياضيات + فيزياء + حفظ درس الشريعه لي درتوه قبل ما ترقد
الثلاثاء : رياضيات + علوم + حفظ الاجتماعيات
والله حاجه هايله اصلا مقسمين ليكم كل يوم مادتين اساسيتين مختلفتين سهلوا عليكم الحالة
الاربعاء : فيزياء + علوم
الخميس معلاباليش اذا تحب تقرا في عشيتها ولالا !!
انا عن نفسي قلت نخصصها للفلسفه باذن الله
والويكاند راجع الحفظ ودير وش راك مقرر
ويبقى مجرد اقتراح =)
بالتوفيق اخي ،،

Mr.R · 2017-09-11, 21:45

حنا ثاني دارولنا الثلاثاء حشية باش منخرجوش 5:30
استعمال زمن تعكم شباب غي نهار الاربعاء حشية يفوت شوية ثقيل ههه
برنامج مراجعة انا خاطيني هههه
مازال منقرر هذوك الصوالح
رانا غي مع تقويم تشخيصي ...

المُعادلة الصّعبة · 2017-09-11, 21:49

اقتباس:

المشاركة الأصلية كتبت بواسطة mr.r

حنا ثاني دارولنا الثلاثاء حشية باش منخرجوش 5:30
استعمال زمن تعكم شباب غي نهار الاربعاء حشية يفوت شوية ثقيل ههه
برنامج مراجعة انا خاطيني هههه
مازال منقرر هذوك الصوالح
رانا غي مع تقويم تشخيصي ...

سلام اخي عز الدين ،،
ابعثلي توقيتكم الزمني نشوف كيفاش داير خويا من فضلك ،،

!~•عًــ سُــيّــدٍ ــلــيّ •~! · 2017-09-11, 21:51

نتاعكم خير من تاعنا حنا لل5
وشوية مكتض بصح عموما معقول

ترانيم الامل · 2017-09-11, 22:17

السلام عليكم
توقيتكم رائع وغير مكتظ ، الحصة الوحيدة التي اظن انها لو كانت صباحا لكانت افضل هي حصة الرياضيات يوم الاربعاء مساءا
بالنسبة لبرنامج المراجعة لم انجز برنامجا بعد ، اظن انني سأنجزه في عطلة نهاية الاسبوع ان شاء الله
موفق

طالبة لها هدف · 2017-09-12, 11:05

برنامجكم يقارب برنامجنا برك حنا من 2 لل5 مساءا
اما نتوما من 1 لل4
عن برنامج مراجعة راني صممت واحد والله اعلم
مباعد نشوف باع نسكانيه و نبعثولك
على العموم اتبعت في برنامجي ان لا انام دون ان اهضم ما درسته في ذلك اليوم
و اعتمد النهوض صباحا على 4.30 لحفطظ الدروس او كتابة مقالات
اما مساءا بعد العودة جعلته للمواد العلمية حل ما يقارب 7 الى 10 تمارين في كل درس من المادة المدروسة و قبل النوم ندير طلة خفيفة على المواد الادبية

sousi.dz · 2017-09-12, 12:52

لبروقرام تاعكم احسن من تاعنا بزااااف
حنا المواد العلمية كامل ورا بعضاهم والادبية كامل مع بعضاهم
بالنسبة للثلاثاء لعشية من اولى ثانوي وحنت نقراوها نورمال

jieona · 2017-09-13, 07:08

برنامجكم هايل عجبني حنا مازالو يلعبو بينا كل يوم يمدونا برنامج و ممبعد يبدلوه
أنا شخصيا محاش نعتمد جدول ، راح نعتمد على الأهداف اليومية و الأسبوعية بإذن الله
خاطرش نعرف روحي مليح و محال نلتزم أنا
درت في بالي كل يوم نوض بكري مع الفجر نحفظ أو نراجع حفظي
و كي نرجع كل يوم من الليسي نريح نصف ساعة ممبعد نبدا نراجع الدروس تع اليوم
مع وضع هدف يومي لعدد التمارين و يزيد مع الوقت لكن ما يتجاوزش 10
خاطرش علابالي يمدولنا بزاف خدمة للدار
و السبت و الجمعة هوما اللي درتلهم جدول و أهداف في زوج يعاونو
عندي الجمعة نوض على الفجر نحفظ ممبعد نروح للدروس الخصوصية من 8 للـ 11
كي نرجع قيس الفطور و صلاة الظهر نجيب بيهم 01:30 بإذن الله و هادي فترة راحتي
من 1:30 للعشية نحل تمارين في مادتين أساسيتين و في الليل نراجع حفظي
نهار السبت حفظ مع الفجر و حتى للـ 12:00 علوم ممبعد دروس خصوصيو حتى للـ 4
كي نرجع نريح ساعة و نحل الواجبات ممبعد ندير مراجعة لواش قريت في الدروس الخصوصية
و نهار الخميس بإذن الله نويت ندير كيما الاخت الريانة الطموحة و نراجع الفلسفة
عن نفسي المواد الأدبية مشي عائق ما عدا الحفظ
أخي اذا أنت متمكن من الأدب و الانجليزية و الفرنسية متخصصش لهم وقت كبير في جدولك
ممكن ميتعدوش ساعة في نهاية الأسبوع
إذا مشي متمكن منهم خصص لهم مساء السبت في بلاصة وحدة من المواد اللي درتهم للعشية

varamara · 2017-09-13, 08:16

سلام اخي
انا ايضا في الباك كنت نقرا الثلاثاء العشية
والتوقيت الي عجبني تجده في الموقع الاول للدراسة
مع اني طبقته لاسبوعين
لكن قطعت شوط كبير
هي اهم حية دروس خصوصية ديرهم في الجمعة والسبت افضل