ياخوتي ذالعيد راه محيرني وطول الليل نبات نحلم بالخرفان

محمد علي 12 · 2017-08-20, 23:21

ياخوتي ذالعيد راه محيرني وطول الليل نبات نحلم بالخرفان
هاذي مدة عام قلبي يوجعني وماغاضوني غير هاذوك الصبيان
كي يقرب العيد جيبي يخدعني ونشومر ونعود نسند فالحيطان
زاوالي محتاج واحد يفهمني يشريلي علوش و نعيد فرحان
مالازمش يكون واعر ينطحني و يبعبع فالدار قدام الجيران
صافي من لمراض لحمو ينفعني ويكون معمر ماهوشي مشيان
مافيهش الشحم ياسر يقهمني و ماياكلش القرط سارح فالعطلان
ناكل لكرومة اليوم اتشبعني ولغدوة من ذاك نفطر بالعصيان
المشوي نبغيه والكبدة ثاني ما ناكلش الراس نشتي غير اللسان
احلم يافقير راه كلش فاني حتى في لمنام ما تدفعش ثمان
الغاني مسؤول قدام الغني وين اصرفت المال يا وحد الانسان

kacimo.samy · 2017-08-21, 19:51

لي ما عندوش ما يعيدش وين المشكل

فاطمة شلف · 2017-08-23, 06:27

السلام عليكم ورحمة الله وبركاته
صح لسانك اخي محمد وعيدك بالصحة والهناء ان شاء الله
وكل الشعب الجزائري وكل المسلمين والمسلمات اينما كانوا وحيثما وجدوا
نسال الله ان يوفقنا الى مافيه الخير والرشاد

عشريني متمرد · 2017-08-23, 10:34

وفقنـــا الله إلـى مايحبــه ويرضــــاه

بوبكر بن علي · 2017-08-23, 11:16

بارك الله فيك
والله يجيب الخير

عبدالودود13 · 2017-08-27, 11:59

السلام عليكم. شكرا لك اخي الكريم بارك الله فيك