مـــــــــــائدتــــــــــي الــــــرمضــــــــانية

ام كادي · 2017-05-26, 13:28

السلام عليكم

بما أن عدد الصفحات فاق الـ 94 صفحة ( الله يبارك طبعا ) في كوزينة الاخت سيليا اضافة الى اننا مقبلين على شهر رمضان وين نتفننو في الطبخ و نحاولو تكون موائدنا زاهية بالاطباق من مختلف الالوان ارتأيت انني نفتاتح كوزينة جدية خاصة بواش طيبنا في ايام رمضان و ماشي شرط التكلف بالعكس الي يهم هو التقديم الجيد و الاهم اننا نحاولو يكون صحي

نتمنا تتفاعلو و رمضان مبارك كريم

الرجاء من المشرفات تثبيت الموضوع

نور الصباح · 2017-05-26, 18:16

مساء الخير ام كادي مبروك عليك الكوزينة اتمنى من المشرفات يثبتوه حتى نستفاد جميعا

جبتلك باروكي قاطو و قهوة حليب

لي عودة ان شاء الله

ام كادي · 2017-05-26, 23:13

يبارك فيك حنونة

يااااا عمرييي شهيتينييييييييييييي و الله القاطو خموس عليه يبان متقون الله يسلم هادوك اليدين ميغسي حنونة ربي يحفظك

حياة نور الدين · 2017-05-27, 00:33

السلام عليك

اختي ام كادي الكوزينة قوانينها تفتحيها لما تلحق 100 صفحة
ولازم في العنوان تكتبي الجزء ،،،،،،،،من كوزينة وتسمي واش حبيتي

راسلي المشرفة زينب تحجزلك مكانك كي تكمل كوزينة سيليا

رمضان كريم ونتمنى فهمتيني ومتزعفيش قتلك برك القوانين

ام كادي · 2017-05-27, 08:30

اقتباس:

المشاركة الأصلية كتبت بواسطة حياة نور الدين

السلام عليك

اختي ام كادي الكوزينة قوانينها تفتحيها لما تلحق 100 صفحة
ولازم في العنوان تكتبي الجزء ،،،،،،،،من كوزينة وتسمي واش حبيتي

راسلي المشرفة زينب تحجزلك مكانك كي تكمل كوزينة سيليا

رمضان كريم ونتمنى فهمتيني ومتزعفيش قتلك برك القوانين

لالا بالعكس مادا بيا فهمتيني شكراااا حنونه و صح رمضانك اختي

أم فاطمه · 2017-05-27, 19:44

السلام عليكم رمضان كريم ام كادي ننصح نفسي و اخواتي باش منبدروش في هدا الشهر المبارك

اميريم19 · 2017-05-28, 11:21

يعطيك الصحة اختي فكرة مليحة هكذا ناخذو افكار وفعلا لازم نبتاعدو على التكلف ومانضيعوش كامل الوقت في المطبخ للاسف رجع رمضان من شهر عبادة لشهر اكل ومسلسلات ربي يقدرنا على الطاعة ويتقبل منا ورمضان مبارك للجميع

ام نور ندى · 2017-06-04, 02:15

عندك الحق الاخت اميريم، لازم يكون شهر عبادة من صلاة و صيام و ختم القرآن أكثر من حاجات أخرى ،ربي يتقبل صيامنا وقيامنا و شكرا