هل يجوز هذا شرعا

[مشكلتي]

السلام عليكم
زوجي يملك سيارة اشتراها من عند اختي بعد ما قتلها ديريله سعر مليح وقصطتله مبلغ منها وكاين مبلغ منها سددته انا باش نمحيله دينه نهائيا لانه يماطل في تسديده
المهم هو شراها لاننا في ولادتي ملقيناش وقبلها عدة مرات يطلعني للمستشفى وميلقاش كيفاش يستعمل سيارة العمل وهو ممنوع عليها يحركها والان لزموهم يركنوها في الشركة لكن الحمد لله قبل الولادة وبعدها سلفله بابا واختي وكل سيارات دارنا سلفوهمنله باش منطيحوش في ازمة وخصوصا البلاصة اللي ساكنين فيها شوي بعيدة
شراها وكان يقولي نفريو بيها امورنا وخصوصا على ولدنا كي نديوه للتلقيح والطبيب الخ كان في بادء الامر لاباس علينا بعد قبل ميقولوله اركن سيارة العمل قتله اركن سيارتك عند دار والديك وخليهالهم خصوصا انه خوه الصغير يموت على سارات اللي يشريها زوجي ويحب يقسمها معاه وتفاديا باش منزيدوش المصاريف تاع زوج طوموبيلات تاع الحضيرة قتله هكاك من وقتها عادت الطوموبيل تديها امه وتعطيها لولدها الصغير واحنا نحتاجوا نقضيو منلقاش السيارة حتى ولدي نديه انا باش نديرله التلقيح نركب في الطاكسيات واللع تعبت وانا نقوله ادينا مع العلم يا اخوتي والده عنده سيارة جديدة لوكان معندهمش بالاك نتفهم
حتى النقود تدي لولادها المتزوجين وتمد لولدها الصغير كي نقولكم صغير راه عمره 24 سنة حبيت نفهم هل يجوز ؟
يروح للعمل على رجليه والطوموبيل يركبها خوه اللي لا عمل ولا صنعة ؟ احنا عايشين في الكرا ومصاريف لولاد كبيرة باش نروح نقضي لبلايص اللي يبيعوا بارخض ثمن باش نوفروا شوي منقدروش نروحوا والطوموبيل عادت طاكسي سارفيس لخالته وزوج ابن خالته وولاد خواله الخ وراجلي كره الطوموبيل حتى هو قال
مفهمتش خاجة وحدة هل من حق الام الاستيلاء على مال الابن المتزوج الفقير واعطائها لابن اخر ؟

[ريان 7]

الطاكسي باسم شكون ؟ إذا كانت باسم زوجك أو اسمك رجعوها حتى لو عنوة و ليذهب البقية إلى الجحيم

[خالد عنابي2]

يركن السيارة قدام بيت والديه تجنبا لمصاريف القاراج وفهمناها ولكن لماذا يركن المفاتيح تع السيارة عندهم يركنها في جيبه ؟

وفي فمو الطمين ميعرفش يقول بلي السيارة يحتاجها في امور حيوية وموش تع لعب ؟

مليحة السيارة تاعكم تمدوها لواحد يلعب بيها وانتم في امس الحاجة اليها !

[color=red [/color]

[عين الصقر]

واش داك لشرعا ما شرعا
إسمحيلي أنتم مغفلون قولي لراجلك يروح يجيب سيارته بما أنها بإسمه
لو كان أخوه يعمل بالسيارة تفهمنا الأمر لكن بما أنه حيطيست فيجب عليكم إسترجاع السيارة في أقرب وقت
زيدو اصرفو شوية واركنوها في حضيرة خير من دراهم الطاكسيات

[lalib40]

الداب دابي وانا راكب موراه.......

[طيور الجنان]

اختي بصح المفاتيح علاش يمدهم لخوه او حتى ليماه يخليهم عندو او عندك في الدار و يماه اذا احتاجت راجلك يوصلها و خوه ماعندو حتى سلطة عليكم تحوسو حتى نهار يخبطها في كاش حاجة و يرجعهالكم خردة غير خفو رجعوها.

[sarl02]

باختصار زوجك انسان ضعيف الشخصية ووالديه ودارهم انتهازيين هاته هي المعادلة ربي اكون في عونكم.

[intel-i7]

24 سنة مهوش صغير. فيه ناس اصغر منه خرجت من الدراسة باكرا وبدأت الكد والعمل وهي الان بأولادها.

اما بخصوص الاستلاء على سيارته وماله , اذا السياره بإسمه
فلا يحق لاي كان ان يأخذها دون اذنه. او يقول بالحرف الواحد "أمي علابالي الجنة تحت رجليك بالصح اسمحيلي راني مولا دار والطونوبيل شاريها باش نعاون بها روحي مش لعبة لخاوتي, ويهز لمفاتح واللي يحوس على الطونوبيل يقلي واذا معندي ما ندير بها يمكن نمدهالو"
لابد من الحزم حتى مع العائلة , لانهم ان بقيت مكتوف الايدي يذذلوك واللي يجي يركب

بالتوفيق

[صُبح الأندلس]

أعجب من هذا ما سمعت

[salamsi]

24 سنة مهوش صغير.