بسبوسة البيسكوي و جوز الهند

[إلهام07]

البسملة1


سلام بنات


على بالي لوكان نزيد نطول نهار على هذي الوصفة نلقى روحي مطلوبة من عند الشرطة


حبيت فقط نقول للأخوات انني لا اتجاهل طلباتكن ولكن الله يبارك ما شاء الله طلباتكم ماشي بزاف خلاص هههههههههه

راني نحاول قد مانقدر نحطلكم الوصفات اللي طلبتوها ولكن عمركم سمعتو بسلحفاة سبقت أرنب ؟ خخخخخ

مانجي نحط وصفة نلقاكم طلبتو عشرين وععععع

هذي وصفة بسبوسة خفيفة ظريفة وساهلة وريحة البيسكوي فيها روعة ( استعملو البيسكوي اللي في الصور في الاسفل مفهوم ؟ )

رائعة تعجبنا بزاف واتمنى تنال إعجابكم وأترككم مع الشرح المختصر والصور ... بصح بالاكو كي تزيدو في الميزان تقولو لأزواجكم بسبوسة لهلوبة أنا خاطية

بسبوسة البيسكويت و جوز الهند

المقادير :

نستعمل كأس متوسط الحجم في المقادير

1 كاس سميد

½ كأس جوز الهند

½ كأس بيسكويت شاي مطحون ( نستعمل ماركة كروستي الموجود في الصورة )

3 بيضات

½ كأس سكر عادي

¾ كاس زيت

½ كأس حليب بودرة

علبة ياوورت ( ممكن نستعمل ياوورت طبيعي أو أي نكهة مفضلة )

1 خميرة ( ساعات ندير واحد ونصف باكي خميرة )

فاني

مقادير الشربات :

1 ونصف كاس كبير سكر + 3 كيسان كبار ماء

الطريقة:

نشعل الفرن يسخن على 180°

نضرب السكر مع البيض والفاني مليح ثم نضيف باقي المكونات السائلة ونخفق بالباتور ثم المكونات الجافة ونخفق جيدا .

نضع الخليط في صينية فرن مدهونة بالزبدة وندخلها للفرن ونحمرها من تحت ومن فوق .

نخرجها من الفرن ونخليها تبرد دقائق فقط ثم نسقيها بالشربات .

نخليها على الأقل ساعة تتشرب ثم نقطعها ونقدمها .

ملاحظة : إذا حسيتوها ناقصة ممكن تزيدولها شوية شاربات كل واحد وذوقو كاين اللي يحبها مشربة بزاف أو لا .

لا نستعمل صينية صغيرة لأنو هذي البسبوسة تطلع وتنتفخ ونحسها كلي ثقيلة كي تكون خشينة.

وصفة فعلا رائعة ومجربتها عدة مرات ومضمونة بإذن الله ننصحكم جربوها اخواتي


هيا باي باي ضرك راح عليا الحال على الخدمة ... اليوم المدير يخنقني

تحياتي .... أنا لهلوبة