احترت حقا

[مشكلتي]

السلام عليكم
انا شاب 28 سنة جامعي عامل مقيم انا و والدتي
منذ سنتين اردت الزواج و طرقت ابواب كثيرة لكن ماكاش مكتوب و الاغلب يكون رفض من طرف البنت او اهل البنت
احترت في سبب الرفض هل هي شروطي ؟؟؟
و لا ارى شروطي تعجيزية ; كنت ابحث عنها سلفية و هي نادرة ثم المهم ان تكون من اسرة طيبة و تكون متوسطة الجمال مستواها التعليمي مقبول او جيد تعمل في وسط به اطفال او نساء فقط حبذا لو تبقى فقط في البيت
احيانا ارى المشكل في عملي الذي يتطلب مني السفر مدة 28 يوم ثم الراحة 28 يوم او ربما امر اللحية التي لا تلقى قبول و سط المجتمع عامة و البنات خاصة
او ربما لا يرغبن في البقاء مع امي طيلة غيابي !!!!
هل اصبح حقا عيب ان تستتر المرأة بجلبابها و تراه عقوبة او عذاب (حتي في بعض البنات من اسر متدينة )
حين لم اجد مبرر للرفض اردت ان اطرح الموضوع هنا ممكن اعرف اكثر ( بديت نشك بلي معمولي عمل هههههههه)

[sarraamina]

السلام عليكم
في بداية اخي اكيد لن تاخذ الا ماكتبه الله لك و ربي راح يرزقك ببنت الحلال لي تستوفيها شروطك ان شاء الله عليك بالصبر فقط و بالتوفيق

[وَحْـــ القلَمْ ـــيُ]

سبحان الله سلفية تدعو الله أن يطرق بابها سلفي لكن لا
وسلفي يدعو الله ان يطرق باب سلفية لكن لا
سبحان الله !!

[خالد عنابي2]

المجتمع فيه سلفيات واسر سلفية نحير وعلاه تروحو للمتبرجة ولي شعرها اصفر وتحوسو تردوها سلفية
من يزعم التدين فعليه اتباع ما يزعمه
اظفر بذات الدين مالا وضحي بالجمال والمستوى التعليمي

[جنى الجنتين]

السلام عليكم يا اخي الكريم و الله ضحكتني تاع معمول ليك عمل ههههههههههههههه مرانيش اخصائية ف التحليل المشاكل الاجتماعية و لكن حبيت نفيدك

1 - قضية الجلباب راني عارفة بلي فرض و نرمالمو هذي هي لبسنا و لكن كاين لبسة محترمة مغير الجلباب متشوفش الى الجلباب بنظرة هو و لا مكاش هاذا طبعا الا راك حاب

تتزوج في القريب العاجل و مرانيش نقولك اتخلى على دينك قضية الجلباب نقطة شائكة

2- لا ارى اللحية او طبيعة عملك عائقا امام زواجك توكل على الله و ان شاء الله تصيب مرادك و لكن نصيحة في سبيل الله كن صريحا صريحا في شروطك و من اليوم 1

يعني ف الرؤية الشرعية

3- اذا وجدت فتاة في سلك التعليم فاللهم بارك على خاطر تخدم مع اطفال صغار و مكاش اختلاط المدير ف الاذارة و لاهي مع المطعم غير تهنى

4- اما اظا حبيتها قاعدة ف الدار ف من الاول لازم تكون قاعدة ف الدرا نظن فهمت قصدي و الا حبيتها سلفية كاين المدارس القرانية بصح حرز روحك كاين لي تلبسه

مظهر باش تتزوج برك علابالي تجيك حاجة بيزار مي كاين منها كل الطرق تؤدي الى روما

5- انت لازم تعرف واش راك حاب خدامة و لا ماكثة باش رحلة البحث تكون صحيحة

6- صلاة الاستخارة و حذاري من المظاهر الخداعة يعني قيس قبل ما تغيس

وفي الاخير االله يوفقك و يرزقك ببنت الحلال المراة الصالحة التي تحب و ترضى

[زبدة ذايبة]

شوف صحابك السلفيين
بنات بزاف راهم من غير زواج
خفف الشروط تاع الجمال
الجزائر مافيهاش نسبة كبيرة من الزين
إذا راك تقرى في مشاكل الجميلات هنا أو في مكان ثاني رح تعرف وش راه صاير في الواقع.
كاين السلفيات متوسطات الجمال وكاين بنات حابين يتزوجوا ويديروا بيوت
إبحث عن بيت فيه الرجال
ولا تبحث عن بيت فيه النساء
لأن ماأكثر البيوت المليئة بالإناث دونما صلاح
أسأل الله العلي العظيم ان يوفقك

[ALHIKMA]

شوف اتنازل على كلللللللللللللل شيء
غير الزين حذاااااااااااار ي تتنازل عليه
راك تندم

[~طَـــمُـــوحْ~]

المشاركة الأصلية كتبت بواسطة alhikma

شوف اتنازل على كلللللللللللللل شيء
غير الزين حذاااااااااااار ي تتنازل عليه
راك تندم

بئس النصيحة هي لاحول ولا قوة الا بالله ... اين الدين والاخلاق ووو ؟؟؟؟؟

[وَحْـــ القلَمْ ـــيُ]

شفتهم عطاوك معلومات قيمة ياه !

وحدة تقولك كاين لباس محترم خلاف الجلباب

واحد يقولك تنازل على شروطك!!


ووحدة توصي بسلك التعليم
عن نفسي يا اللي يختارها في سلك التعليم غير يندم ، تخرج على 6 وترجع على 6 مذكرات وفروض واختبارات لا دار لا ماكلة لا هم يحزون وكل عشية تكسرلوا راسو بمشاكل التلاميذ و النقل
***
ثم يا اخانا ألم تقل أنه قد مرت بك صالحات من قبل ؟ لم لا تستخير وتتقدم لإحداهن
راني نتساءل ايلاكان صح نشفت الارض من الصالحين؟؟

[جنى الجنتين]

المشاركة الأصلية كتبت بواسطة وَحْـــ القلَمْ ـــيُ

شفتهم عطاوك معلومات قيمة ياه !

وحدة تقولك كاين لباس محترم خلاف الجلباب

واحد يقولك تنازل على شروطك!!


ووحدة توصي بسلك التعليم
عن نفسي يا اللي يختارها في سلك التعليم غير يندم ، تخرج على 6 وترجع على 6 مذكرات وفروض واختبارات لا دار لا ماكلة لا هم يحزون وكل عشية تكسرلوا راسو بمشاكل التلاميذ و النقل
***
ثم يا اخانا ألم تقل أنه قد مرت بك صالحات من قبل ؟ لم لا تستخير وتتقدم لإحداهن
راني نتساءل ايلاكان صح نشفت الارض من الصالحين؟؟

كي تحبي تهدري مدي رايك مشي تعلقي على العباد و تادبي شوية يا القارية

و اخر كلمة يا محترمة هي واذا خاطبهم الجاهلون قالوا سلاما

[إسلام الفاروق]

حرية القبول لا دخل لك فيها

لا تشترط خذها تلبس الجلباب قبل ان تنوي الزواج

انت تعلم انك اذا اشترط فنيتها في لبس الجلباب ’’’’’’’’’’’’’’

[hodayena]

بلعقل بؤك السيد مقالكمش حبيت نخطب من المنتدى
ثانيا اما تكون نصيحه في محلها اما السكوت افضل قل خيرا او اصمت
ثالثا اخي
المشكل مراهش في الجلباب او اللحيه ربي مزال محركش مكتوبك زوجتك مكتوبتلك في السماء اصبر برك وادعي ربي ولا تبالي بمن يرفضن كل له حريه اختيار ولا تياس عدها اختبار صبر من الله
ثانيا هل انت وحيد امك يعني انت طفل واحد وعندك خياتك ام انت ووالدتك فقط لانو الي وزحيد امو بزاف يخافو يمدولو لخطرش نصل المطلقات تقريبا تقلك ديت وحدي يماه وووو هدي حقيقه
ااخير
ثالثا الجلباب ماهو فرض بالنسبه ليا انا ولا اهتم للبقيه في رايهم
انا الحجاب الي نقتنع بيه هو خمار يغطي الصدر وحجاب فضفاض ميكونش لاسق وميكونش يجدب الانتابه او الانضار
العمل كاين الي يخدمو في الروضه مهنه جميله ومع الاطفال وكاين الي تحب تقعد في الدار
متقلقش اخي نها الي رب يكتبلك تتزوج ياو تتزوج وبلاك تدي وحده ماهي متحجبه وتتحجب وتكون خدامه وتبطل والصح تكون متربيه ودات اخلاق ومتفهمه وبنت ناس وبنت اصل
وربي يلاقيك بها في القريب العاجل لا تياس

[ثلجَة]

كان الله في عونك

ورزقك الزوجة التي تقر بها عينك

و التي تعينك على عبادة ربك

[nouri.tg]

وليستعفف الذين لا يجدون نكاحا حتى يغنيهم الله من فضله

[nouri.tg]

استعن بالله ولا تعجز
مشكل الكل يعاني منه ذكورا أو إناثا أعتقد أنه ليس لديك الوقت لتبحث فقط لانه 6 أشهر في ألسنة تذهب في العمل
إن شئت تنازل عن الجمال لكن إياك إن تتنازل عن التربية و الدين و أيضا تعليمها حذاري من الش خص الفارغ من العلم حتى و إن كان متدين و أنت تعلم فضل العالم على العابد
إن كانت سلفية طيبة تطيعك فنعم و إلى بنات المسلمين في الجزائر كلهم على السنة ما دام مستورين و يصلو و يصومو لكن إحذر من المنتميات إلى فرق ظالة