ذايقة // بقلمي

[عبد العزيز الرستمي]

لعنوان :/ ذايقة

ذايقة ملحوال لبدا في هذي لنفاس

ماتملك سلوان تلقاها عدوت أفراحي

بين ألآهات و الُأف بُركانه إحساس

كاظم جهاد صبر نضمد بيه أجراحي

مزيلف فكر عقلي ساكنه وسواس

بين ظلوع مسجون ذا سباب أقراحي

يمشي بهواه شلا حين يغير اللباس

لكباد ساقمة السم لاطم كل النواحي

نواح و الصمت يلمد داس على داس

عقلي مهاب و القصيدة تبقى سلاحي

ماني شيخ بجيوشه يسكت كل الناس

ماني شاعر نعرف طبوع كل نواحي

هاوي أنا و الهوى بلسم لكل حساس

قوسي دأبي عقلي رماح ذي رماحي

يامرسم نحكي معاك على هاذ الباس

راهي عواصف هايجة هزمت أرياحي

مول الحق عندك تلام كي راه أتقاس

حين ترفعت عزارا الذم كلاب النباحي

شلا منك غير عساس يعس عساس

حُساد نفوسهم صحاب تحيا صلاحي

تمسيتي آتيارت كُرمك سبت لمساس

راه خيرك زلباح فوق أزهور فواحي

جفت أعيونك و أشتاقينا جرعة كاس

باقي غير ماضيك في يم تاريخ ملاحي

وين حقنا منك خبريني يا هذا لساس

في ذلملخص بكيتك من عمق جراحي

بقلم العبد الضعيف:/ عبد العزيز شرفوح
17/12/2016
https://www.djelfa.info/vb/images/icons/Hourse.gif