امانه تعاونوني اخوتي

[المُعادلة الصّعبة]

السلام عليكم اخوتي
انا طالبة ثانية ثانوي شعبة رياضيات
اواجه مشكله ، ليست في صعوبة الدروس ولا الدراسة ، وانما المشكلة في ضبط نفسي والتحكم بها لادرس
مانيش مديتها طول فالقرايه تاع الصح
الفصل هذا سقوط على العام الماضي ، جبت تقريبا 16 ، والسبب ، مانيش رح نكذب عليكم ونقوللكم لا القرايه صعيبه ولا اني تعبت وماجبتش ولا حتى االامتحانات صعيبه بالعكس تماما ، جابولنا اختبارات وفروض سهله فالمتناول لو كنت انا متهلية فيها شوي كان بالامكان نجيب حتى 18 ولكن هنا وين االمشكل.
تلقاوني الفايس بوك مضيعلي نص نهاري بلا فايده ، ما عندي فيه والو بالعكس زادني سفها وتفاهة ما استفدت منو شي
كأنها حاجه تقوللي اخطايك من القرايه ، نضل بالساعات وانا مكونكتية ما نستعملو حتى في حاجه تفيدني نهائيا البته
نتوما علابالكم باللي شعبتي بالذات وبالاخص هي ، تحتاج اجتهاد يومي وومكثف وحل تمارين رياضيات وفيزياء
وانا علابالي بهذا الشي ومقتنعه بيه ولكني مصره على الخطأ اللي راني ندير فيه

هاذي انا للي حاطه حلم بين عينيا معدل 18 او اكثر
هذي انا لي لطالما لطالما حلمت وستنيت برك وقتاش نطلع ثانية ونقرا شعبة رياضايات باش نتمتع بالتميز تاعي ونحقق امتيازات على قد ما قدرت
بالمقابل هذي نفس الانا لي حاليا تكتفي بحل التمارين السهله وتماطل وتاجل وتتكاسل
مع انو الوقت متوفر المراجع الدروس كلش متوفر ، فاهمه دروسي كلها كلها الحمدلله ، فالقسم نقرا لكن مشكلتي الدار الجو مايساعدش نقرا
ولا بالاحرى انا مش متوفره
عييت نقنع نفسي باللي لي ندير فيه غالط غاااالط نهلك في روحي ومستره في خطاي بلا اي ضمير
كي نشوف ناس تقرا وقاتله روحها نسخف نحب نرجع كيما كنت
عبالي بروحي كون نحط راسي نجيب حتى 19 كي والو واثقه من قدراتي
ولكني ماحبيتش نتسقم نتريقل
اللفايس نغلقو ونعاود نفتحوو
اغلب وقتي حتى كي نفتح باش نقرا شوي ، اني نقرا مشني مانقراش هلاص ، بصح نجيبها هك نص ساعه نقرا وباقي الوقت يا اما تخمام فالفارغات
يا اما ننعس ، ولا نروح نفتح الفيس ونجيبها حتى لليل ونخلي قرايتي
مالعمل بالله ماحبيتش نفهم راسي يابس عبالي لطريقهاذي ماتخرجني لوالو مع ذلك مستمره فالخطا
نصيحه طيب؟