اصبحت عالة

[مشكلتي]

سلام
لا استطيع الشكوى لاحد اكتب لكم مشكلتي وعبارات الحزن تخونني
مشكلتي تقصير زوجي في مصاريف المنزل ومصاريف ابني الان حتى مصاريف الطبيب

اعلم ان المعيشة غالية لكن مش لهاد الدرجة اعاني منذ الامس بالم في ضروسي لم يحرك ساكنا قالي روحي لتاع باطل وكي نروح رح يقلعولي ضروسي ميكسروش راسهم
الطبيب على العام منروحلوش حتى كي درت العملية الجراحية القيصرية وراها عطاوني دوا يصل قيمته لمليون وراه زيد نشري يعني الحسبة فوق المليون هكاك شرالي منه شويا ووراها مزادش شرا
معلاباليش كيفاش نحكي راني حشمت من وضعيتي يقولي راني نوكل فيكم علاش انا جيته من المجاعة
كان يعطيني مصروف 4000 وراها كي جبت ولدي نحاهولي وراها ردهولي هاداك المصروف منشريش فيه لعمري وين نروح وين وصل بيا الحال بعد مكنت نشري الجديد في دار الوالد وليت نروح نطابس للفريب والشيفون باش نشري لولدي ونستره قدام الناس
حتى الالعاب ولدي معندوش رحت سلفت من عند اختي شريتله ومقتلوش راني سلفت قتله هدية من اختي
من نهار زيدت بولدي عاد بخيل علينا ومحسسني داير فيا مزية جاتني خدمة مقبلتش على جالة ولدي مزال صغير بالرغم انه عجوزتي اللي كانت رح تحكمهولي خفت عليه خاطر هي تربي في ملايكة صغيرة 3 سنين ومدايرة عملية على عينيها متقدرش تعسهم في زوج
مانيش نادمة على كي مخدمتش من جهة من جهة وليت نشوف باللي الخدمة هي الوسيلة الوحيدة راهم الاساسيات مكانش حسب لحكاية تقولوا راجلي يخدم عساس بصح هو يخلص 5.5 مهندس
وصلت للكلام اللي قالتهولي مرة امه المرا اللي متخدمش راه تحس روخا عالة على زوجها وانا وليت نحس هك
كرهت شعور نمد يدي وانا يدي قادرة تجيب دراهم حلال مانيش نخمم فيا في لبسة او مكاياج او توافه راني نخمم في صحتي في ولدي راهو 7 اشهر
منقدرش نشكي للعباد ولا دارنا اهلي مصورته قدامهم باللي راجلي كريم بزاف
ساعات مكان والو في الدار تخلص الخضرة منلقاش وش نطيب تبقى المقرونة منلقاش الطمام باش نطيبها المهم ديما كاينة حاجة ناقصة وكي نهز من صوارد ونروح نشري يتشنف عليا
لدرجة انه مرة تبهدلت قدام خويا جا في العيد ملقيتش واش نحطله في الصينية لا كاين قهوة لا حليب لا عصير
اني ملقيتش وش نقول الشكوى لربي اللي نده نصيحة ينصح
واللي معندوش يدعيلي يفك ربي ضيقتي رح قلبي يوجع فيا وكتفي ليسر يوجع

[afrimat]

تحياتي لكي يا مكافحة و يا بنت الفاميلا و الله العظيم تاثرت بكلامك و انا اقراء في طرحك بين السطور لاحظت عدة اشياء منها الجيد اكثر من السيئ مع كل ظروفك لاكنك كنت مثالية
اختاه زوجك الله يهديه لو نحكيلك مشاكلي انا تحيري فيا لاكن رايح نقلك حاجة العمل للراجل واجب لازم يصرف على زوجة و اولادو بلاشرط .لاكن رانا نشوفوا الحياة غالية و المعيشة صعيبة لازم شويا صبر كوني فحلة انت زدمت في الحياة و تزوجتي و هدا ما كتبو ربي لاكن الحاجة لدات اليد مهيش عيب يكفي انك تعتمدي على الصبر ربي يقويك على الاقل راهو عندك راجل مزير شوى . نعرف نساء متزوجات والله هي تخرج الصباح تخدم وراجلها راقد ينوظ علي العشرة صدقيني يا اختي مرتو تهين فيه وهو حاط روحو راجل
انت بعيدة على هدا المثال و الحمد لله ربي يقويك و يصلح رايك و اصبري اصبري
بعد الشدة ياتي الفرج

[متهور]

فرج الله كربتكما ورزقكما البركة.

[imadpetro]

يكفيك شرفا بقائك في البيت وترك العمل لزوجك ولا تنسي أن الحياة دار الهموم والنكد.
لا توجد عبارة أستطيع أن أقولها لكي فقط أنك قدوة للعديد من النساء .
حفظك الله ويسر أمورك وإن شاء الله يهدي زوجك وتكون أسرتكم مبنية على الود والرحمة والتعاون.

[زبدة ذايبة]

ردود الرجال تدعوك للصبر والمثابرة والمرابطة وزيادة التحمل !!!!!!!!!!!!!!!!

سيدتي الفاضلة

حاولي تعرفي ياهل ترى بالفعل راتب زوجك مايكفيش ؟؟؟؟؟؟

مانظنش راه يشريلكم في الكماليات مادام الأساسيات ماكاش

العلاج واللباس والأكل ينفق بلامزيتو

ماعندك ماتراعي في ظروفوا

ومادام راكي متحملة ومازال ما فقدتيش الحياة راح يزيد يزير عليك

هذا الزوج مهمل

رح نفتحلك قوس مارانيش من باب ندخلك الشك لكن أنت أدرى بزوجك

الرجل خلقه الله عزوجل للإنفاق وهذي آية في القرآن موجودة يتكلم فيها الله عزوجل على الرجل والصفة اللي فيه

تأكدي تمام التأكد إذا ماكانش راجلك يخبي الدراهم ويخزنهم أو يصرف على الأهل تاعو

تأكدي أن هناك شيئ ثاني راه يصرف عليه حاجات بزاف تاكل مال الراجل من بينها المحرمات

ماوصلناش للأشياء اللي وصلوا ليها الصحابة يتصدقوا بتخبية على زوجاتهم حتى مايبقى والو في الدار

طالبيه بالنفقة وزيري عليه ينفق عليك

مادام راكي ساكتة هو راه مريح ماعندو حتى مشكل وماشي محال راه ينساكم أنكم موجودين انت وإبنك

الوضع اللي راكي عايشة فيه ماشي طبيعي وماشي عادي

صحيح تتعاون الزوجة مع زوجها وتتحمل الظروف الصعبة اللي يمر بيها

لكن يكون يخدم ودراهمو تاكل فيهم حاجة ثانية هذا والله عين الظلم


يبقى هذا رأيي وأنت أدرى الناس بزوجك تعرفيه مليح

عمري ماتشك في روحك . ولا تهينيها

كل هذا الصبر اللي راكي فيه وتزيدي تقولي راني عالة !!!!!!!!!!!!!!!!!!!!!!!

بؤرة المشكلة عندك راهي هنايا

إذا رخستي روحك راجلك مايقيمكش ومايحوسش عليك نهائيا

ماتخرجي تخدمي ماتكسري راسك بالخدمة خليه يتحمل المسؤولية تاعو

وخليه يحس بيك وبمعاناتك وما تضعفيش روحك قدامو هذا حقك ينفق عليك بلا مزيتو وكي مايكونش عندو الدراهم يروح يتسلف باش يعالجك ويعالج إبنو

هذا مابقى غير الروح مازال مانحاهالكش من البخل لاتاكلي حاجة مسقمة


أنا جاوبتك من خلال أمور كثيرة

ربي يصلح حالك

[nanigeo]

كان الله في عونك عمرك ما تحسي روحك عالة هو المسؤول وهذا واجبو مفروض عليه عمرك ما تخمي فالخدمة انا تبانلي يدير فيها بالعاني باه تخرجي تخدمي ويتملص من المسؤولية اطلبي حقك بليونة باه ما يزيدش في عنادو حاولي تعرفي وين راهم يروحو دراهمو وحلي الامر بحكمة وادعي الله يهديه

[riheb razane]

ربي يهديهه

[amira19]

ربي يفرج عليك اختي الكريمة جامي تحسي روحك عالة بالعكس هذا حقك اختي انه ينفق عليك انا نقولك حاولي معاه بالشوي انه يعطيك ربما انت تحشمي بزززاف مï»» تطلبيش منو ...حاوليه بالسياسة الله غالب هدا هو مكتوبك لازم تتأقلمي معاه و تأكدي بلي ماكانش حياة مثالية كل انسان عنده مشاكل في حياته لكن الشاطر يعرف كيفاه يواجه الصعوبات و يتخطاها ماعليش اختي جيه بالسياسة برك ربما يلين و يتبدل
و ادعي بززززاف ربي يهديه و يسخرهولك

[فجر المجد]

المشاركة الأصلية كتبت بواسطة مشكلتي

واللي معندوش يدعيلي يفك ربي ضيقتي رح قلبي يوجع فيا وكتفي ليسر يوجع

فرّج الله كربك و أزال همك وفتح لك أبواب الرزق.
أختي أكثر ما أقلقني جملتك الأخيرة فإن كنت تشعرين بألم في القلب كالوخز او كالضغط ويمتد هذا الألم طول ذراعك الايسر خاصة إذا كان الألم حديث فأرجو سيدتي ان تتوجهي حالا إلى أقرب مستشفى أو بالاحرى مصلحة أمراض القلب(service de cardiologie) للفحص و عمل تخطيط للقلب(ECG) ولا تقلقي بشان التكاليف إذا توجهتي إلى مستشفى حكومي و أرجو أن تكوني سليمة ويكون شكي في غير محله لكن أرجوك أرجوك توجهي إلى المستشفى الآن و لا تؤجلي للغد
رجاء سيدتي خذي كلامي بعين الاعتبار واذهبي فور قراءة مداخلتي ولا تقلقي أبدا فقد يكون مجرد ضغط نفسي وقد يكون امر آخر لن يكشفه إلا تخطيط القلب.
عافاك المولى من كل شر.

[ساجده 82]

سلام ربي يفرج عليك ختي ماعندي ما نزيد على كلام الاخت زبده ذائبه ...
والاخت اللي طلبت منك تروحي للطبيب هذيك راهي قلقه .ماتستهزايش مجربه هذا الالم .على مستوى الجانب الايسر راح يمتد لليد ويصاحبه فشل على مستوى الذراع نسال الله لك السلامه.

[first first]

تفرج باذن الله ماتمرضيش عمرك فالتخمام والقلقة ماش رايحة تعمرلك الفرجيدار ولاتبلومبي ضرستك ولاتكسي وليدك

العمل حل لكن هروب

اقعدي معاه وحاولو تتفاهمو على الضرورييات وتحطو ميزانية للبيت ....................الفايدة ليك وليك
ممكن شهريته لاتسد كل المتطلبات حتى لو كانت 5.5............لكن بحسن التسيير وتقديم الاوليات وماهو اساسي يمكن الخروج من هته الميزيرة.
انت ايضا لما تطلعي على مصا ريفه الشهرية ممكن تعذري بعض التقصير..............والله اعلم


ربي يخرجك من الضيق للفرج


اللهم امين

[om nour elyagine]

لسلام عليكم يااختي ربي حنين كريم كما قالت الاخوات يجب ان تعرفي اين يذهبون المصريات اسمعيني مليح 1)تكلمي معه اساليه بالاك راه يلم باش يشريلكم سكن2 اذا ماقبلش روحي لداركم كتهديد فقط لكن بلا ما تخبريهم
3 الا ما قبلش وعرفت انه بخيل انت تعرفيه مليح الا يصلي يخاف ربي صبري معاه
4 فكري في العمل فهو ليس عيب
المهم يااختي ما كانش قاع اللي راها نايمة في العسل كل وحدة وعلاش راها صابرة اكثري من الاستغفار وصلي صلاة الضحى فهي زكاة من لا زكاة له

[paloma.laila]

khti hadal lawja3 lithassi bih hadak ghir l2a3sab rbbi yfarajha a3lik shufi ghir sabri wash deri hawli tkhadmi fdar ila tqadri deri hwayej fdar obi3i rah lfaqr gua3 dozna mano rah maya9talch

[مصطفى_س]

السلام عليكم

من المفروض و الواجب على الزوج ان يكسو زوجته و ابنه و في حالة المرض لا قدر الله من واجبه ان ياخذ من مرض الى الطبيب

حاولي التحاور معه في هذه النقطة ان امكن طبعا و اختاري الزمن و المكان المناسبين
ان م يفعل شيئا حاولي اخبار اهلك قد يساعدوك او يتكلمون معه ان لزم الامر

تأكدي أن صبرك لن يذهب سدى لا تقلقي ابدا سيجازيك الله على صبرك احسن الجزاء ،قصتك فعلا محزنة و لكن لا تتركي الحزن يسيطر عليك استغفري الله كثيرا و تاكدي انه بعد العسر يسر
أسأل الله العلي العظيم أن يفرج همك و أن ينور طريقك و أن يسعدكِ في الدارين

[محمد جديدي التبسي]

حالكم مشابه لكثير من العائلات في مجتمعنا بل ربما هي الغالبية بل هناك الأسوأ منكم أسر تبيت في الجوع وتعاني المرض
كل البيوت تعاني نقص مواد غذائية في بيتنا الوالد يجيب القهوة يلقى السكر فض يجيب السكر يلقى الطماطم مكاش والكارثة كي يفرغ بيدون الزيت لازم تحضرهالو الوالدة قبل اسبوع باه ما يزعفش
أما شعورك بأنك عالة في بيتك فهذه وساوس الشيطان لأن من حقك ان ينفق عليك زوجك وينفق على ابنه عالجي مشكلتك بالتقرب من زوجك وفتح باب الحوار وابتعدي عن الشجار ورفع الصوت واكثري من الدعاء بالهداية لزوجك وربي يصلح احوالكم