افيدوني يا عباد الله

[مشكلتي]

منيش باغية لي يلومني ويقولي علاه

منيش حابة لي يقولي ماش هاك وحرام عليك وكل شي

قصدتكم خاطر علابالي بهاد الشي وماكلاه تعاودو تسمعوهولي

مشكلتي اني تعرفت على واحد عن طريق النت،، والسبب كان انو في نفس الدومان تاعي ،، والله نيتي كي قبلت نحكي معاه هي تبادل الخبرات والمعلومات فقط

وعندي اخرين من نفس الدومان ، ونفيدو بعضانا ديما ، لكن هدا الشخص فقط ،، احببته

كنا نحكيو حكايات عامة غير في مجال الدراسة وكدا ،، حتى نهار قالي اني حبيتك

لم اطاوعه،، صديتو وانا نبكي خخاطر بادلتو نفس الشعور بصح ماكنتش حابة نخسر ثقة ورضاية ربي

بقيت نقاوم ونردو للطريق ونقولو حرام ،، يعدو يامات ويعاود يولي ،، قالي والله حبيتك وناويك للحلال

حتى يوم وصلتلو فكرة اني نبادلو نفس الشعور ،، وصلتلو الفكرة خاطر ماحبيتش نخسرو

وحبنا راه كل يوم يزداد،، كل يوم يقولي رانا نديو في الذنوب،، وانا نقولو عندنا ماعصينا ربي لازم نحبسوها

رغم انو الاحداث هادو كامل صراو في فترة تاع شهرين

وعندي فقط اسبوع من لي وصلتلو فكرة نحبو ،، لكل رضاية ربي قبل كل شي،، سمانة وانا نبكي لانو مالقيتش حل يريحنا ويرضي ربي

هو ينبهني لهاد الشي وانا ثاني

ياخاوتي شوفو ليا بعين رحمة ،،حطوني ختكم ولا بنتكم وقولولي وش ندير

رانا حابيين نرضيو ربي في زوج،، مي كل مرة نقولو نقطعوها نعاودو نوليو واحد مايقدر يبعد على الاخر

كل مرة نقولو نقطعوها نعاودو نرجعو

كلامنا كامل راه يدور في قوليلي واش نديرو وقولي واش نديرو

حتقولولي على الزواج،، نعم لقد اراد ذلك،، قالي خليني نحكي مع ماماك وانا رفضت،، هو يريد تصريح من امي باه تبقى على اطلاع بلي رانا نحكيو،، لكن علابالي والدتي مابيدها ديرلنا والو هي ثاني

قالي نخليك احكي مع اختي،، وانا خلي نحكي مع اختك ثاني،، باه تعرفي بلي راني صحصح ناويك للحلال ،،

لمهم اخاوتي حطوني في مقام ختكم ولا بنتكم وافيدوني،، ورايحة نسمع كلامكم حرف حرف،،

باغية حاجة ترضي ربي وماتخلينيش نخسر هاد الانسان ،، مع العلم الزواج راه بعيد بزاااف هدي اقلللل حاجة 7 سنين بحكم قرايتنا فيها بزاف عوام
يعيشكم مدولي حل وماتخلونيش هاك