طبق الشخشوخة من مطبخ الپرنسيسة^_^

[أثيلة]

السلام عليكم و رحمة الله و بركاته
أخواتي كنت من قبل وضعت شرح لطريقة صنع الشخشوخة الجيجلية و نال إعجاب العديد و كاين عدد من الأخوات طلبوا مني طريقتي في تحضيره الطبق و ليس العجين فقط
لأسباب و اخرى لم أستطع وضع الطريقة و هي عادية و مثل كل الناس و لكن سوف أضعها فقط للين طلبوها

أولا نداوي الطاوة كيما نقولو بالعامية بصل و ثوم و رند و جزر و ملح و زيت و راس حانوت أو توابل

و نحطها تتقلى على نار هادئة بزاف

بعدها نروح ننقي الدجاج أو اللحم و نغسلو و أنا استعمل دجاج

لما تتقلى شوية نضيفلها الدجاج ونخليه يتقلى معاها

نزيدلها شوية

و نخليها حتان يمتص الدجاج الصوص و يتغير لونو و نمرق

و ننقي الحضر لي نحب نضيفها و نغسلها و لما يطيب شوية الدجاج نقصها و نضيفها

نخلوا المرق يطيب و نروح للشخشوخة
هي تكون يابسة نحضروها بالقناطر فالصيف و نجيبوها نحطوها مباشرة على البخار بعد ماندهنوها بزيت مائدة

و لما تكمل نضيفلها شوية ماء كيما تتشمخ مش بزاف و نخليها تنشف و نعاود نديرها على البخار نعد مانضيفلها شوية زيت مائدة حتى ماتلصق في بعض

و لما تكمل نضيفلها شوية زبدة طبيعية أو حسب واش تحب

و بعدها تكون وجد المرق تاعنا نطفي عليه و فالمرق يكون من قوف ايدام أو زيت نهزوه و نفرغوه فوق الشخشوخة تاعنا شوية كيما تاخد الطعم تاعو و تكون ناشفة مش نشمخوها بزاف


و نسربيو فالصحن


هي كاين لي يضيفولها حمص أو اي نوع من الخضار وأنا ماكان موجود حمص و أيضا الللحم ماحمرتوش فالعادة ندخلو للفرن و لكن الوقت كان ضيق لأنو جيت من الجامعة مباشرة ليه


و مع الشخشوخة ضروري يكون موجود فلفل حار

سلطة


فاكهة


و فالنهاية كانت هذه هي مائدتنا للعشاء و صحة و عافية للجميع


تقبلوا مواضيعي
أختكم في الله
رشا