الكلام من فضة والسكوت من عرب

[مولود حداد]

السلام عليكم
هذه القصيدة طلب طفل صغير من أبيه أرقام الزعماء لمخاطبتهم وهم في القمة العربية

قـُتْلُـو يَابَابـَا اعْطِينـِي الـرَّقَـمْ *** نْتَاعْ القِيَادَاتْ اللِّي رَاهُـمْ فَالقِمَّـة
العَرَبِيَـة بَـاهْ مْعَـاهُـمْ نَتْكَـلَّـمْ *** وْيَسَمْعُـوا مَنِّـي صُـوتْ الأُمَّـة
ضْرَبْـتْ ضْرَبْـتْ لاَ حـَدْ اهْتَـمْ *** مَـا هَـزُّوا وْمَـا قَالُولِـي كَلْمَـة
قـُلْـتْ نْسَمَّـطْ وْنْـزِيـدْ نْصَـمَّـمْ *** وْيَاحَسْرَاهْ يْجِيُبـوكْ نَـاسْ صَمَّـا
حَتَّـى الشُّجَـاعْ فِيـهُـمْ تـْقَـدَّمْ *** قَالْ عَفْوًا خَطْ الأُخُوَّة مَاعَادْ فَالخَدْمَة


قـُلْـتْ نَبْقَـى نْتَبَّـعْ مَـنْ بْعِيـدْ *** وْنَـقْـرَا جَــدْوَلْ الأَعْـمَـال
لْقِيـتْ بَـرْكْ بَـيَـانْ تَنْـدِيـدْ *** وْمِلَفَّـاتْ قَالُـو رَاهـُمْ تْـقَـالْ
صِرَاعْ حُدُودْ بِين احْمَدْ وْسْعِيـدْ *** وْفَـمْ الشُّعُـوبْ لاَزَمْلُـو تَكْبَـال
الرَّايْ اللِّي يَنْفَعْ ارْمُوهْ بَالتَّشْدِيدْ *** وْثَقَافَة عَجْرَامْ سَرْحُولْهَا لَحْبَـال
تْمَنِّيتْ لَوْ جَا فِيهُمْ وَاحَدْ رَشِيـدْ *** يْقُولْ فِلِسْطِينْ هَايْ تْعَانِي الاَهْوَال


خَانُوا وَالأَقْصَى بْخْيَانَتْهُمْ تَنْبَـاعْ *** بْأَبْخَسْ الأَثْمَانْ لْذُوكْ المَلاَعِيـنْ
أَحْفَاذْ الخَنَازِيـرْ بَنِـي قـَيْنُقَـاعْ *** وَاللِّي عْلِيهُم غْضَبْ رَبّْ العَالَمِين
وَكْتَاهْ نَفَهْمُـوا أَبْعَـادْ الصِّـرَاعْ *** مَالفُرَاتْ لَلنِّيلْ هَلْ رَانَا مُدْرِكِيـنْ
اليَهُـودْ أنَـاسْ ذَوُوا أطْـمَـاعْ *** تَوَّسُعِيَّـة وْمَاهُمْـشْ مَقْتَنْعِيـنْ
حَتَّـى يَحْتَلُّـوا كُـلَّ البِـقـَاعْ *** وْيْعِيثُو فَسَادًا هُومَـا المُفْسِدِيـنْ


عْيِيتْ أنَا نَفْهَمْ هَاذْ المَرْضَـى *** وْعْقُولْهُمْ مَـا حَبَّـتْ تَرْتَـبْ
السَّلاَمْ رَجْعُوهولْنَـا مُوضَـة *** وْنَحَّاوْ مَالقَامُوسْ فِقْهْ الحَرَبْ
قَالُو حُكْمْ المَرِيكَانْ بِيهْ نَرْضَى *** وْجَسْدُو حَدِيثًا فِي ذُوكْ الخُطَبْ
إذَا كَانْ الكَـلاَمْ مَـنْ فَضَّـة *** فَالسُّكُوتْ دَائِمًا مِـنْ عـَرَبْ


هَاوْ تْسَبْ النَّبِي وَالأُمَّة عْلَى حَالْهَا *** الخُمُولْ وَالخُذْلاَنْ سَاكَنْ للنُّخـَاعْ
أَرْضْ الدَانِمَارْكْ لاَ طَابَتْ دْيَارْهَـا *** كَثْرَتْ عْذَابِـي وْزَادَتْ الاَوْجَـاعْ
يُومْ رِيشَة السَّمْ طَلْقَتْ عْقَارَبْهَـا *** عْلَى سِيدْنَا مُحَمَّدْ خَرْقَتْ الاَضْلاَعْ
قَالُـو حُرِّيـَة الفِكْـرْ وْصَاحَبْهَـا *** لَبْسُوهْ مَنْ جَُرْمُو ثُـوبْ الإِبْـدَاعْ
الله عْلَى مُجْرَمْ الرَّسْمَة وْكَاتَبْهَـا *** وَالله عَالجَرِيدَة نَاشَرْهَا وَالبَيَّـاعْ


يَا صَاحَبْ الحُوضْ تَرْوِي شَارَبْهَا *** يَا أَوَّلْ الخَلْقْ رْسُولْنَا يَا شَفَّـاعْ
النَّفْسْ ضَاقَتْ مَالحَسْرَة وْأَسَفْهَـا *** مَـا بَـانْ رَدْ قَـوِّي وَلاَ دِفَـاعْ
نْحَسْ أنُّو الشَّمْسْ تْعَيَّطْ فْمْغَارَبْهَا *** إلاَّمُحَمَّدْ وْشْكُونْ لَلشَّمْسْ سَمَّاعْ
وَرَّاهِي الأُمَّة عـْرَبْ وْعْجَايَمْهَـا *** وَرَّاهُمْ الزَّعَامَاتْ وْوِينْ الأَتْبَـاعْ
وَقَّّعْ وْعَمَّرْ الوْرَقْ وَامْلاَ جْوَانَبْهَا *** الذِّيبْ يَرْعَى كِي يَلْقَى وِينْ يَرْتَاعْ