إعتذار عن موضوع " أكره النساء "

[مشكلتي]

السلام عليكم ورحمة الله وبركاته
لأنني لم أستطع الرد على الموضوع ..فقد كتبت لكم هنا حتى

أقدم إعتذاري للجميع على موضوع "أكره النساء " وخاصة للنساء
أنا آسف جدا ..والحالة لا تستدعي طبيب نفسي أو رقية وإنما حالة نفسية وقلت أنني أعاني منذ الصغر
منها وطرحت مشكلتي حتى أتخلص من هذا الإحساس وليس قناعة أو رأيي هكذا في النساء
لكن بعد قراءة الردود تحرك بداخلي لوم شديد على ما كتبت .. فأنالا أتدخل أبدا في ...
حكمة الخالق عز وجل من خلقه للمرأة والعياذ بالله .. ولا أرمي نساء المؤمنين أو الصحابيات رضوان الله عليهم بأي حقد أو كراهية ..
بل بالعكس أنا مسلم والحمد لله وأعرف قيمة المؤمنات سواء كن صحابيات أو حتى من لمست فيهن هذا الإيمان عبر الردود
إخواني أقدم لكم جميعا إعتذاري ولو علمت أن الموضوع سيأخذ منحى المساس بالعقيدة أو يؤذي مشاعر بعض النساء ما كتبته
فعلا أنا أعتذر وأطلب من مشرف القسم أن يلغي موضوعي الأول لو تكرم

[المهاجرة لربها]

اعتذارك اخي مقبول لكن ما كان له داعي ان تتأسف من ناحيتي فهمت مشكلتك و انا اردت لك النصح وان اساهم و لو بالقليل بمساعدتك ان تتخطى هذه المشكلة النفسية
معاذ الله اخي نحن لم نطعن او نشك بعقيدتك او ايمانك فهذه مسألة اخرى مطلقا لم نقصد هذا فقط باسمي و بالنيابة عن اخوتي اعضاء المنتدى نأمل من الله ان تقفز قفزة نجاح و ان تفك قيود هذه الاحاسيس التي تقيدك و تحبس افكارك و تحصر علاقاتك حتى مع افراد عائلتك من النساء

اجعل لنفسك فرصة و فكر دائما بالايجاب و ان هناك نساء شريفات عفيفات خلقهن الله قرة اعين و حاول ان تكون نظرتك للمرأة بانها هي الام و الام هي الحنان

اتمنى لك اخي التوفيق و ان يرزقك الهداية و راحة البال و الطمأنينة و الهناء

[زبدة ذايبة]

يا أخي الردود التي قرأت ليست تشكيكا في عقيدتك مطلقا أو اتهماما لك

في بعض المرات نحتاج لأن نفكر بصوت مسموع

وهذا المنتدى أحد الأسباب الداعية للتصحيح

المؤمن مرآة أخيه

قد تكون الردود قاسية في كثير من المرات لكن الهدف منها هو مساعدة صاحب المشكلة

أنت تقول تكره النساء. وهناك من النساء من تقول تكره الرجال

يساعد الواحد منا الآخر حتى يتجاوز محنته. أو نمنعه إن كان في مقدورنا أن يتصرف خطئا

هذا ديدننا هنا

وديدن كل من يحرك أصابعه على لوحة المفاتيح ليساعد غيره

نتمنى لك كل التوفيق والهداية

[*فرح*]

كنت سأرد على مشكلتك البارحة فأجلت الموضوع..و لكني و جدتها حذفت اليوم.
اسمح لي بالرد هنا.
أخي شعورك هذا ليس بالمشكلة أبدا إلا من جهة زوجتك.
إذا عندك شعور نفور من النساء...مش مشكل..اجتنب مخالطتهم و خلاص..ما عندك ما تديرلهم بحبك و لا كرهك...بصح كيما يقولو أحكم سابعك ...كيما قال الدكتور ابراهيم الفقي :
ظروفك الخاصة لك وحدك و أدبك مع الاخرين حق للجميع ..لا تخلط مشاكلك و ظروفك النفسية بتعاملك مع الاخرين.

أنا لي غاضتني زوجتك المسكينة.
هي لي عايشة معاك و هي لي تستحق الحب الحنان و الرحمة.
ربي سبحانو قال "و جعل بينكم مودة و رحمة " و الله هاذ الاية تقيس بزااااف و تحرك المشاعر لي راك دافنها.
و الرسول صلى الله عليه و سلم قال " خيركم خيركم لأهله "
و الله راك ظالمها بزااااف بكرهك ليها و نظرتك إليها.
هي تركت دار باباها و أحضان أمها و أمان اخوتها و حنان العائلة نتاعها ..باش تجي تخدمك و مقابل ذلك واش تركت تلقاه عندك...بصح انت مقابل ذلك لاقيتها بالكره.
ما تقوليش راني مأدي حقها و حاجة ماهي عايزتها.
لالا يا أخي ...المرأة تحتاج تعمر قلبها بالحب و الاهتمام أكثر من تعمر كرشها بالماكلة و لا جسدها بلباس خطرا هاذو قادرة تشريهم من مالها بلاما تحتاجك.
و ما تقولش هاذي حاجة ميش بيدي...لالا ...بيدك و برجليك و بفريستك كامل بعد.
شوف....انتا حطيت مشكلتك هنا باش نساعدوك..بصح أكبر شخص يقدر يساعدك و بالاك يكون الوحيد بإذن الله هي زوجتك..
ميش تروح تقولها راني نكره النساء و نكرهك نتي يا مرتي ...واش ندير ؟
و الله دمرها ميش غير تقيسها.
لالا..قصدي آخر....و اعتابرها فترة علاج .و أخلص النية لله سبحانه و تعالى .و احتسب الأجر قبل العلاج.
انت دير خطوة و ربي يرسملك طريق.اعقلها و توكل.
باش يليان قلبك و تخرج من هاذ الأفكار لازم تخالط المرأة بأسلوب آخر...على هاذي اخترت زوجتك لأنها هي المرأة لي عايشة معاك.و هي لي لازم تنحي هاذ الاحساس بالكره اتجاهها.

حاول تتقرب من زوجتك أكثر اهتم بيها أكثر حسسها بالحنان و الحب...عبرلها بالكلمات الطيبة و بالأفعال...لا بغى ميش من قلبك و الله توالف و تولي تستشعر كل كلمة تقولها بإذن الله.
ما تعايطلهاش باسمها عيطلها بأسماء دلال ( تعرف قصدي ).....اذا طيبتلك أمدحها لاشتا كسرة محروقة .
مين ذاك جيبلها هدية و لو بسيطة جدا كعلبة شوكولاطة أو وردة(لابغى نتاع نيلون) و قدمهالها بابتسامة لابغى مزيفة (ولكن نتا في كل مرة حاول بكل قلبك و مشاعرك تستشعرها )
اهتم بيها...مثلا كي يكون البرد قولها البسي باش ما تبرديش..ماتاكلش حتى تقعدو مع بعض...
شاورها مين ذاك و لو في أمر بسيييييط باش تحس هي بالاهتمام و تحس انت بضرورة التكافل الأسري و الشورة بيناتكم....عاونها في كاش حوايج (انت بادر لابغى تزيد تعرقلها برك بتخلاطك )
دير des jestes يضحكو (ميش قصدي تولي كلون....بصح مين ذاك دخل طابع الفكاهة في علاقتك معاها باش ما تحسوش بالملل....ومام الضحك مع بعضاكم يلين قلبك )
و خاصة خاصة الكلام الطيب و الاهتمااام ولي معاها روميو زمانك.
كاين بزاف فنون ....أنا ما نقدرش نتعمق أكثر بصح عطيتلك فكرة عامة.

و الله هي باذن الله راح تحس بالفرق و راح تسعى ثاني كيما نتا و اذا كل واحد حاول اسعاد الثاني هنا تعيشو حياة زوجية سعيدة.

علابالي تقولي أنا نكره هكذ ..و أصلا ميش نابعة من قلبي.و هكذ راني نخدع فيها .....لالا يا أخي...هكذ راك تخدع في عقلك الباطن ...بلي تقدر تحب و تقدر تحرك مشاعرك و أحاسيسك...و مع الوقت يصدق عقلك و تولي و الله تستشعر بصدق كل كلمة تقولها وكل فعل تقوم بيه...ومانيش نخرط من راسي...و الله دراسات علمية و انسانية هزيتها من الدكتور ابراهيم الفقي.
اعتابر هاذي المدة لي تكون أعمالك مش من قلبك مدة علاج من بعد راه يليان قلبك بإذن الله.
و باش تساعد نفسك أقرا قصص على حياة زوجية سعيدة و اهتمام الرجل بزوجته...ولا اتفرج لعلماء نفس ولا مشايخ يتكلمو على هاذ الشي..سقسي في المنتدى في الأقسام كيفاش تحب زوجتك و تكسب حبها...باش تزيد تتحفز أكثر.
و دااااائما افتكر قدوتنا رسول الله صلى الله عليه و سلم...كان حتى يتسابق مع عائشة رضي الله عنها و يهزها فوق ظهرو ويلعب معاها....يعاونها ...و بزاااف حوايج..مالا دير في بالك بلي راك تقتادي بيه و احتسب الأجر
و الله و تكمل هكذ يجي يوم و تندم أنك ما أسستش أسرة مبنية على الحب و الاهتمام ..لأنو هاذا واش يدخل السعادة و الضحك و الفرح لنفسك و لعايلتك.
و باذن الله اذا خرجت من هاذ الحالة النفسية و عشت بالمودة و الرحمة لي قال عليها ربي سبحانو، راح تشوف الفرق الكبيييييير ...وراح تشوف ان شاء الله تأثيرو على نفسك و سعادتك و راحتك ..و حتى على تربية أولادك و نفسيتهم.

الزواج نعمة و تآلف و استقرار عاطفي و تعاون...ما تضيعش هاذ النعمة و الهدية من الله و استغلها مليييييح راح كلشي يحلى في حياتك....حتى الأشياء لي راك تشوفها بسيطة و تافهة ضرك..راح تولي تعنيلك بزاااف و تولي مصدر سعادة خطرا راك عايشها بأسلوب آخر.
..
..
أما بالنسبة لكرهك للنساء الأجنبيات عنك...أنا لا أعتبرها مشكلة.المهم ما تظلمهمش.
علابالي راح تقولي نتي قلبتيها مشكل كبييير بيني و بين زوجتي...و أنا اعتابرتو كذلك...لأنه كذلك و أكثثثثثثثثثر. كيفاش راح تنطابق عليك الآية "و من آياته أن خلق لكم من أنفسكم أزواجا لتسكنوا اليها " و انت meme pas ما تحملهاش.
لاه يعني ماكمش عايشين مثل زوجين سعييييدين و متفاهميين.و دارهم معمرة ضحك و سعادة و حب و اهتمام من الطرفين و الحل كااااامل بيدك.
والله راك مفوت عليك وحد السعادة و الاحساس...تتحسر عليه.

استعن بالله بالدعاء...خاااااااااااصة
بالتوفيق...
و كالعادة : تقبل جرناني لي كتبتو.

[>>أثر الفراشة~~]

الحمد لله على سلامتك ^^ اكتب الرد ولا اخشى ان تكره تعليقي ~~ ه ه ه ~~

غيمة عابرة ~~ تمر باي انسان~~ في لحظة عاصفة~~

[mrmilano1984]

يااخي الله يهدي كل واحد صراحة انت نفسيتك ونفسك عاملة هكدا صح نغهمو شعورك اتحاه النساء انت ربما زدت هكدا الخ حاول استغر مولاك حتي انا وصلت فترة نكره النساء ليسو كلهم طبعا الفئة لي راك تعرفها يكرهوك في كل شيء حاشا بنات الفاميليا تاع الصح كي تتزوج وحدة تصونك عرضك ودارك وتخاف ربي الخ والله ماتخاف مرا صوتها ماترفعو ابدا عليك ولا تخونك ولا تخرج دون ادنك وتحترمك وحتي النضرة تاعها ليك نضرة تاع حياء وخجل

[أم سلوى]

الجرنان مفيد جدا.هههههه
كفيت ووفيت.

[mrmilano1984]

اخي ماكاش احن من المراة لازم تعرفلها برك روح معاها بلعقل برك والله نعمة تكون عندك زوجة خصوصا لو تعرفلها والله ماتشبع من الحنان تاعها والدفئ تاعها وااهتمام والعناية المراة هي كما قتلك امك قبل كل شيء لدا انا واش حكيت لي غاضني كامل جمعتهم في سلة واحدة وهدا خطا

[شريعتي]

اللهم اهدي أخينا لما تحبه و ترضاه

[Kenza mosta]

اللهم اهديني و اهدي المة الاسلامية اجمعين

[salamsi]

اتمنى لك اخي التوفيق