مستقبل مجهول

[مشكلتي]

السلام عليكم
خوتي أنا حاب نفرغ واش راهوا في قلبي و أيضا لو كان هناك حلول إنصحوني بيها
المهم أنا تخرجت من الجامعة هاذ العام بشهادة لاليسونس و لكن ماحلولناش الماستر فالولاية تاعنا ..أدفعت أنا و بعض الأصدقاء في ولاية مجاورة و قبلو البعض لإكمال دراستهم و أنا لم أكن ضمن القائمة ..المهم غاضتني بزاف و لكن قمت قلت لازم ندير حاجا نلهي بيها روحي لأن الشغل ماراهوش ساهل ..قنت دفعت في مركز التكوين المهني كمحاسبة و تسيير عن طريق التمهين و الحمد لله كنت ضمن المقبولين و لكن راني حاس بالضيقة لأني حسيت روحي طيحت في المستوى لأن لي معايا لهم شهادات الثالثة ثانوي و أنا جامعي و كاين لي يلومني و يقولي واش راك دير معانا و كان جيت كيفك و كان مارانيش نقرأ هاذ القرايا ..المهم راني زت خممت و راني نقول نلتحق نسلك الخدمة الوطنية و لكن هناك من ينصحني نكمل هاذ التكوين ...فما الحل ؟

[*أم كوثر*]

وعليكم السلام
ولكن...أين أنت من كل هذا؟؟ أين رأيك؟ ولما تتأثر بآراء الاخرين؟؟
هو مستقبلك اذن وحدك تقرر ان كنت تواصل ام لا
زد على ذلك ...لاعيب في هذا التخصص وان كان أقل من مستواك ..المهم أن يضمن لك عيشة هنية بمرتب يكفيك ان تعيش بكرامة ولا تتكل على أحد.

[rose de sable s]

عادي يا اخي مهم انك تستغل وقتك و دير ديبلوم مفيد ممكن هو يفيدك اكثر من شهاده جامعية
علي اقل ممكن عام قادم تنجح في ماستر

[oumhana]

يا اخي متسمع لكلام لخرين دير دبلوم في يدك خير من تقعد تكيل في الطريق و لعل وعسى بلاك يفرجها ربي تعشي تخدم بدبلوم هذا وتروح تقرا ودير ماستار و دكتوراه رحمت ربي واسعة .

[منى6019]

السلام
مشكلتك هي مشكلة كل الشباب الجزائري
اذا كنت تريد اكمال الدراسة فجرب حظك العام المقبل
معظم تخصصات ليسانس مقبولة في التعليم...و طبعا انت تعرف مشكل الخدمة الوطنية
ارى ان هذا اول مشكل يجب التخلص منه
ثم بعده تقدم للماستر و لا تياس حتى لولم تنجح ..ستكون هناك فرص باذن الله

ملاحظة: انا ادرس في الجامعة و اعلم ان الماستر مفتوح للجميع... اتساءل اين مشكلتك

[أم سيفاكس]

لا يوجد أي إشكال في دراسة تخصص في ايطار التكوين المهني خاصة المحاسبة تخصص مطلوب كثيرا وقد تجد به عمل.
المهم لا تيأس وادفع ملفك في جامعات أخرى حتى تواصل الدراسة العام المقبل ان شاء الله.
انا شخصيا اعرف الكثير من الاشخاص تحصلوا على ديبلوم في التكوين المهني بالزيادة على الليسانس.
بالتوفيق.

[أثيلة]

السلام عليكم
اخي لو كنت مكانك كنت اكملت التكوين المهني لان تعدد الشهادات يعطيك فرص اكثر في العمل
بالتوفيق

[mino 13]

اذا تكوين فى نفس مجالك فراك ضيع وقتك اخي يعنى شئء واحد يعاد عليك
اذا راك ناوي تكمل دكتوراه دير ماساتر عام جاي
انا مثلا ماستر تسيير راني فى عام بطالة الخدمة قليلة وبالمعريفة
يعنى ماستر لا يعنى اي شئ ادا عندك معريفة انا انصحك روح شوف خدمة وطنية فى جانفي وكي تخرج روح تخدم بليسانس وعادي تقدر كي تلحتق بالعمل تسجل فى ماستر يعنى مخصكتش ضيع وقتك

[pomaria_aindefla]

كمل في هذا التكوين كلما تععددت الشهادات كلما ضاعفت من حظوظك في الحصول على وظيفة بعد نهاية التكوين إتجه للخدمة الوطنية إن لم تكن قد أعفيت منها موفق

[karimtito]

ربي يفرج همومك وييسرلك طريق صحيحة تمشي عليها

[abdelka22]

خويا أنت كمل هاذ التكوين لأن الأفضلية الان راهي لصحاب التكوين على الجامعيين و الله ديها من عندي ..ربي معاك

[kingwil]

اخي الكريم انت لم تفرط في اي شيء مقابل هته الشهادة بل احسنت العمل بملء فراغك
في نفس الوقت ابحث عن عمل و الباقي على الله
هنالك بعض الوظائف بشهادت المحاسبة افضل بكثير من اليسونس عسى ان تكره شي و هو خير لك

[Amouna.DZ]

لدي قريبة لها أخوين كلاهما مهندس في البتروكيماويات تخيل أنهم بقوا 5سنوات بطالين لم يجدوا عمل في تخصصهم إلى أن فتحت مسابقة يحتاجون موظفين مساعدين لكن المسابقة تخص الذين لم يتحصلوا على البكالوريا شلركوا في المسابقة على أساس مستوى 3ثانوي نجحوا و الشهادة مازالها فالخزانة و هوما ماشاء الله فتحوا ديار و لباس عليهم

[زبدة ذايبة]

الوقت = المال

دير مليح هذ القاعدة في راسك

مادام ماعندكش خدمة أو دراسة الشيء اللي راك فيه خير من تبقى فارغ

صحابك يقراو وآخرين يخدمو وانت يديروك لعبة يقصروا بيها كي تخلاص شغالاتهم

واحد مايغلطك

مادام راك تخدم كمل وتوكل على الله

السنة الجاية زيد حاول في موضوع الماستر

ممكن يفتح عليك ربي من حيث لاتحتسب

[ziad_hp]

المشاركة الأصلية كتبت بواسطة زبدة ذايبة

الوقت = المال

دير مليح هذ القاعدة في راسك

مادام ماعندكش خدمة أو دراسة الشيء اللي راك فيه خير من تبقى فارغ

صحابك يقراو وآخرين يخدمو وانت يديروك لعبة يقصروا بيها كي تخلاص شغالاتهم

واحد مايغلطك

مادام راك تخدم كمل وتوكل على الله

السنة الجاية زيد حاول في موضوع الماستر

ممكن يفتح عليك ربي من حيث لاتحتسب

بسم الله الرحمان الحمان الرحيم
أولا المال لا يساوي الوقت و لا يمكن أن يساويه
المال يمكن مضاعفته أضعافا مضاعفة أما الوقت فلا يمكن

ثانيا أما بخصوص مشكلتك أخي العزيز
أنت تدرك أن ما ينقصك ليس إلا مجرد القليل من المحسوبية لإجتياز الماستر
لا تيأس حارب من أجل البقاء و إثبات قدراتك و مواهبك و لا تنتظر يد المساعدة من أي انسان او جهة رسمية
فمشكلتك يعاني منها الملايين من الشباب الجزائري المهمش ضحية البيروقراطية و الفساد العارم
أما بخصوص التكوين لا عيب فيه و يمكن أن تحتاجه يوما ما