حيرتني اللوبيا اليابسة

نصارنصار · 2016-10-02, 14:40

السلام عليكم اخواتي نسقسيكم على اللوبيا اليابسة كي ناكلها في المطاعم تجي هايلة الحبات قاع طايبين كيفكيف و خاثثرة و انا مرة ما صلحتلي ديما يجوني حبات طايبين و اخرين نصنص ارجو المساعدة منكم

kahina maam · 2016-10-02, 15:55

essalem, ya la qualité machi mliha sinon la prochaine fois ki taybiha khliha hata grib etdhoub ou zid taybiha fi cocote minute

حياتي نبع امل · 2016-10-02, 21:56

بلاك النوعية لي تشريها عيانة
الملح هو اللي يخلي الحبوب ماتطيبش مليح .لازم الملح حتان تطيب خلاص باه تضيفي الملح
ممكن ايضا تضيفي شكارة تاع خميرة كيميائية تولي محرحرة وطايبة كامل كيف كيف

حياة نور الدين · 2016-10-02, 22:13

اختي نفخيها ليلة كاملة ومنبعد طيبيها وخليها كي طيب مليح دوزنيها والملح في الاخير

نصارنصار · 2016-10-02, 22:37

شكرا اخواتي على الردود كيف اعرف النوعية الجيدة من الرديئة

أم منتصر · 2016-10-02, 22:59

ربما راك تخلطي نوعيتين، وحدة تكون جديدة، و الأخرى تكون قديمة ، و بطبيعة الحال، ما يطيبوش في نفس الوقت، و الباقي كما قالت الأخوات.

ساجده 82 · 2016-10-02, 23:54

سلام شوفي ختي عندي صاحبتي راجلها يبغي بزاف اللوبيا من بعد تقعد تجمع حتى تكره وتقول نزرب نوجد لغداء راجلي يجي يتغدا انا ندوخ .نقولها لوبيا كيفاش توجديها ضرك تضحك عليا تقولي نص ساعه توجد صراحه مادخلتش راسي .حتى جربت .تشمخي اللوبيا ليله من قبل .ولغدوه تحطيها في الماء تغلي كل مادير الرغوه نحيها وكي ينقص الماء تضيفي ماء بارد .من بعد تقريبا طايبه .تقطريها وانصبي مرميطتك كيما مالفه .من بعد لوحيها تولي زبده .انا صاحبتي تكونجليها كي تحب طيب تجبد الكونجيلاتوغ يزيد يطريها.نتمنى تصلحلك

nanoua7 · 2016-10-03, 00:36

شوفي هاذي شفت وحدة مروكية في برنامج طبخ دارت هاد فكرة مع لوبيا و قالتلهم تصلح مع كامل الحبوب وجربتها وعندها مفعول سحري و الله و هي تحطي مغرف اينوكس لي ناكلو بيها في كوكوت تاعك و تبلعي عنها تم تم طيب لوبيا

fadila34 · 2016-10-04, 10:26

شوفي اختي شمخيها فى ماء مغلي يعني حطي الماء يغلي وكي تشوفيه غلا حطي اللوبيا تاعك وطفي النار حتى غدو من ذاك وديريها اطيب فى المرقة

أ م ساجد وسيم · 2016-10-04, 11:52

ديري كيما قالولك البنات تبارك الله نفعوك انا نشمخها ليلة من قبل ونطيبها بالماء الحلو ومانديرش الملح حتىطيب وتحرحر تجي تحفةةةةةة

نصارنصار · 2016-10-05, 15:08

اشكركم اخواتي كي تنجحلي اللوبيا نبشركم

JINANE2012 · 2016-10-06, 11:50

اللوبيا لازم تنفخيها ليلة كلملة و ما تحطيش الملح من الاول، و ما تكريش الماء و خليها حتى تبدى تذوب و ينقص الماء

faty77 · 2016-10-07, 18:48

شوفي اختي انا كنت مثلك جربي هاذ الطريقة ورديلي الخبر اولا اغسلي اللوبيا نتاعك ومن بعد بيتيها في الماء في الكوكوت نتاعك والصباح زديلها الزيت و الملح والفلفل الاسود والكمون و اثنين جومبو دجاج و فلفل احمر ورند واقفلي عليها الكوكوت يعني الماء الي تبات فيه هو لي طيب فيه ما ترميهش وخليها تطيب 45دقيقة

athena7red · 2016-10-10, 14:39

طريقة امي: غلي الوبيا حوالي ربع ساعة و بعد طفي النار ربع ساعة اخرى وبعد اغسليها في ماء بارد و حطيها في كوكوت مع ماء بارد و بصل مقطع رقييييقو سنينة ثوم و طماطم حب مرحية و طماطم مصبرة و كمون وملح وفلفل اكحل و شوية زيت و ورقة رند...اقفل ساعة غير ربع..لازم كمية مليحة من الماء باش يطيبوا الحبات كامل كيف كيف..لحم حطي اللي بغيتي و حتى لو ما حطيتيش تجي تحفة...اسمها في دارنا : لوبيا كونتين...لانها تشبه لوبيا المطعم المدرسي ايام العز و الدلال!

أ م ساجد وسيم · 2016-10-10, 15:32

اقتباس:

المشاركة الأصلية كتبت بواسطة athena7red

طريقة امي: غلي الوبيا حوالي ربع ساعة و بعد طفي النار ربع ساعة اخرى وبعد اغسليها في ماء بارد و حطيها في كوكوت مع ماء بارد و بصل مقطع رقييييقو سنينة ثوم و طماطم حب مرحية و طماطم مصبرة و كمون وملح وفلفل اكحل و شوية زيت و ورقة رند...اقفل ساعة غير ربع..لازم كمية مليحة من الماء باش يطيبوا الحبات كامل كيف كيف..لحم حطي اللي بغيتي و حتى لو ما حطيتيش تجي تحفة...اسمها في دارنا : لوبيا كونتين...لانها تشبه لوبيا المطعم المدرسي ايام العز و الدلال!

والله غي صح ايام العز والدلال الله يرحم اليامات هذوك ....ربي يخليلك لميمة