رأيكم يهمني

[مشكلتي]

أول الكلام بسم الله الرحمان الرحيم .. أنا طالبة جامعية سنة ثالثة lmd يعني هاذ العام نكمل ليسانس تاعي 22 سنةوالصغيرة في الدار
مشكلتي مع دارنا كل مايتقدم شاب لخطبتي يرفضوه بحجة مازالت تقرا وصغيرة.. ومايسقسوش حتى إذا كان قابل القراية ولا لا المهم لا علينا..
أنا الآن نعرف شاب منذ سنة ونصف تقريبا وهو قبل بكل الشروط تاع دارنا وحاب يتقدم رسمي هو قال حاب تكون علاقتنا رسمية وفي الحلال هكذا يكون كلش واضح بالنسبة للعائلتين..
أنا ماعرفتش كيفاه نهدر مع ماما ولا خياتي لاخاطرش مانحكيش مواضيع هكذا معاهم كيفاش نجبدلهم كيفاش نفتح الموضوع ؟؟.. راني خايفة مايقبلوش بحجة أنو مازال صغير 24 سنة مع أنه خدام في الدوله الحمد لله ونعم الأخلاق والتربية ودارهم تاني..وحنا راحنا متفاهمين على كلش ومقتنعين ببعضياتنا وحابة تكون الخطبة اليوم قبل غدوة..
ربـــي يججازيكم فيدوني كيفاه ندير وكيفاه نتصرف معاهم الله غالب مالقيتش لمن نحكي من غيركم وسمحولي على الإطالة..