وصفة صابلي الشوكولا في خاطر ام هارون

[ام صفصف]

باسم الله والصلاة والسلام على رسول الله
اليوم ان شاء الله نحطلكم وصفة هاذ الصابلي


نبداو بالمقادير
500غ زبدة او مارغرين
3صفاربيض
كاس مملوء سكر رطب
نصف كاس جلجلانية محمصة ومرحية
ملعقة قهوة فاني
كيس خميرة الحلوى
فرينة حسب الحاجة

بالنسبة لطريقة التحضير
نخلط الزبدة السكر جيدا،ثم البيض،والجللجلانية والفاني دائما مع الخلط
ثم نضيف الخميرة مع كمية من الفرينة، ونواصل اضافة الفرينة بالتدرج حتى نتحصل على عجينة طرية مانشيحوهاش بزاف ،تكون مليحة

الشكل والتزيين حسب الذوق

انا عملتهم دوائر ولصقت كل 2بالمعجون وعملتلهم على الجوانب كاوكاو مرحي، ومن فوق شوكولا سوداء ورسمت بالبيضاء
تقدرو تعمل كل حبة وحدها ،اي تستغناو على المعجون

وسر هاذ الوصفة هي بنة الجلجلانية المحمصة مع طعم الشوكولا، اروع ما يكون
وفي الاخير نتمنى تعجبكم الوصفة وتجربوها