مللت من حياتي

[مشكلتي]

السلام عليكم .. انا بعمر ال19 و من المفروض ان ايكون احسن ايام حياتي و لكن .....
مللت من حياتي بالرغم من انني متفوقة في دراستي .. لكن لا اصدقاء لدي لا اعلم لماذا يكرهونني بالرغم من انني لا افعل لهم شيئا و لكن كل هذا لا يهمني مشكلتي أمي ... أمي امرأة ستينية العمر لكنها بصحة جيدة و الحمد لله كل ما أفعله لا يعجبها .. حتى ان فعلت كل ما تريد .. دائما تحبطني باني لست كالفتيات و لا افهم و انا حيوان بدون ان ننسى معايرتها لي بالحيوانات و غيرها .. اذا جلست لارتاح لا يعجبها الجال بقولها ( النسا صح صح اللي يخذمة الخدمة على حقها ما يلقاوش درج يقعدوه ) ما حكاتش معايا يوم كاي ام و بنتها بنتي وشبيك واش خصك واش مقلقك بنتي احكيلي لالا جاااااااااااامي و كأي واحدة مالقاتش الحنان من عند امها اي واحد يمدهولها تروحلووو حبيت واحد اول واحد نتعرف بيه و وثقت فيه اخر و هو قد الثقة تاعي و جامي دار حاجة تقلقني ولا تبكيني بصح انا كرهتوووو ديما نبكي ديما نشكي ديما مقلقة ... ملييييت و الله مليت و المشكل انها تعايرني قدام الناس راي امي اللي يضرني يضرها علاه تقول للناس بنتي راي تهدر مع واحد فالتيليفون و دير و دير مجرد حكايات فالتيليفون وين تنوض تردني كأني راني نذير في الحرام معاه
قولولي واش حلي

[mrmilano1984]

انتي عديمة الثقة في نفسك للاسف الشديد حسب ماتحكين مشكلتك ليست في امك مشكلتك في ثقتك في نفسك ضائعة راجعي احوالك راكي تشكي وتندبي ودايمن تبكي هدا دليل عدم الثقة تماما في النفس صدقيني هاو مشكلتك ابسط شيء دريلو حساب راكي 19 سنة مازالكي هاك الله يهديك فيقي

[دنيا الامل 18]

مهما كان هي امك حاولي انت التقرب منها والتحدث اليها عن كل ما يدور في راسك وما تعنيه صدقيني لا توجد ام لا تحب اولادها ولا تتمنى لهم الخير

[♥ياسمين عاشقة العلم3]

شوفي حبوبة ♥♥♥ماتقلقيش روحك استغفري ربي وادعيه هو اكيد رح يستجيب وثانيا هادي تبقى يماك☺☺اتقربي منها قد ما تقدري وحاولي ماتزعفيهاش♥♥والنصيحة المهم اللي مقدمهالك ديري ثقة في روحك والاصدقاء راهم معمرين انتي برك اعرفي واش تخيري .♥♥♥

[فايزة1207]

احنا المهات دايما نحوسوا يكونوا بناتنا قافزات ويعرفوا لشغل الدار باش نهار تحل دار تكون في امستوى
انت حاولي ديري اساسيات الشغل مع امك لان حتى اذا راهي صحيحة بصح كبيرة
انا في الاربعينات لكن ارهق جدا من اشغال المنزل ونتمنى يعاونوني بناتي بلا ما نطلب منهم هنا نحس انه عندهم روح المسؤولية
لانه البنات لهاهم الفايس والصحبة عن صلاتهم وواجباتهم وكي تزوج تجيب ولدها تربيه امها والمعيشة يصرف عليها الاب وتزيد تجيب راجلها معاها واش من معيشة هادي
ان شاء الله يعجبك ردي

[لحن الحياة.]

المشاركة الأصلية كتبت بواسطة فايزة1207

احنا المهات دايما نحوسوا يكونوا بناتنا قافزات ويعرفوا لشغل الدار باش نهار تحل دار تكون في امستوى
انت حاولي ديري اساسيات الشغل مع امك لان حتى اذا راهي صحيحة بصح كبيرة
انا في الاربعينات لكن ارهق جدا من اشغال المنزل ونتمنى يعاونوني بناتي بلا ما نطلب منهم هنا نحس انه عندهم روح المسؤولية
لانه البنات لهاهم الفايس والصحبة عن صلاتهم وواجباتهم وكي تزوج تجيب ولدها تربيه امها والمعيشة يصرف عليها الاب وتزيد تجيب راجلها معاها واش من معيشة هادي
ان شاء الله يعجبك ردي

فايزة وشراااااااااااكي هذي غيبة توحشناااااااااااااك ايييه هربتي وما رجعتيش لينا قع ليك وحشة

[الحركش]

اعرفي كيفاه المهم تلقي حل
الله المستعان
...

[مديحة .]

يااختي انا نقولك حاولي ارضي امك باي طريقة اتركي كل شيء حتى ترضى عليك يماك لانك مارايحاش تحسي بيها غير كيتروح وتخليك حاولي اشبعي من وجهها لان الام لاتعوض تولي تحوسيبرك تشوفيها وماتقدريش
والحاجة الثانية نوصيك ارجعي لربي سبحانه ادعي ربي سبحانه وصلي الصلوات في الوقت والله ربي سبحانه مايخيب اللي يدعيه ويتقرب ليه
والحاجة الثالثة يا اختي الصحبة هادي مجرد علاقة عابرة كلها اماني وتوهمات كلها وعود كاذبة اذا تركتيها الله عز وجل يعطيك احسن منها ==من ترك شيئا لله عوضه الله خيرا منه==وربي هو الحنان المنان هو ييعطيك كل شيء اتقربي من الله تعالى وشوفي حياتك تتبدل كليا اذا رضي الله عنك ارضى كل الناس ربي كبير سبحانه وحتى واحد مايحبلك الخير كيما يماك صح كاين بعض الامهات الله يهديهم مايخبيو والو يعرفوش يتعاملو مع اولادهم ومابصح بالأخير انتي ارضيها ليرضى عنك الله تعالى

[سماح 2]

سلآمْ ,
المشكلـة ليست مشكلــــــتك فقطْ , الكل يعاني من نفس الشيء , ان لـْم يكن من طرف الأمْ فمن الأبْ ,,
مع الأسف والدينــآ نعممْ كل العربْ تقريبــآ يسيؤون معــآملة او التعامل مع أولآدهمْ , تجدينهمْ يصرخونْ معظم الوقت ونعار طول عقابهم فنيانينْ ماديروا والو مهمــآ درتي حتى كن تكوني بنيتي دار بين ليلة ونهــآر ماتعمرش عينيهمْ , خســآرْة )= والله خسارة , في العوض يعلموا أولآدهم ويربيهم ويحسوهمْ بالثقة بالأمــآنْ , تلقايهم يحطمولهم المعنويــآتْ ونعتهم بالحيواناتْ , تربية قاسيــة جدا لذلك الكل يبحث عن الحنــآن في طرف آخر ,,

الأغلبية ترعــى أبناءهــآ حتى كن دافعي عن حقوقك علاه أماما تهدري معاي هكــآ تقولكْ واش خصك نوكل ونشرب ونرقد فيكْ )=
يكبروا فينا غير جسديــآ ,,

تحملي وخلآهْ , كيمــآ يقول بابا يجي نهار وتتوحشي البخس تيعي

[توبة نصوح]

أختاه عودي الى الله والحنان اللي راكي تحوسي عليه برا محال تلقايه ولو ظنيتي بللي لقيتيه تكوني غالطة غالطة غالطة
رضاية يماك هي الأولى لأن يماك تاج راسك ورضايتها هي لي تدخلك الجنة الأغلبية يقولوا والدينا ما رباوناش بالحنانة بالصح هوما في بالهم كي يربوا اولادهم يوكلوهم ويكبروه هادي حنانة الكل تقريبا ما يحسش بحنانة والديه ولكن متأكدين أن والدينا يحبونا لو مهما داروا فينا الشر هادي يماك لوكان تشوفي صحبتي يتيمة كيفاه تبكي على يماها ماتزيديش تشكي من أمك اصبري واحتسبي لأن أغلبية الأمهات يبهدلوا بناتهم وحاجة ما تعجبهم واش تحبي الشي اللي ما دارتوش هي تحب تشوفك انتي اديريه
أكثري من الاستغفار وادعي ربي يجنن عليك قلب أمك وابتعدي عن العلاقات المشبوهة والصحبة في هاد الوقت راهي ولات تاع مصلحة
مازالك صغيرة تكبري وتشوفي العجب الصحابات غير يوجعوا الراس

[kaderr09]

السلام عليكم
لا حول ولا قوة إلا بالله
بغض النظر عن معاملة الأم لك، لأنها تبقى أمك و يجب أن تبريها و تصبري عليها. ولكنك لست متفوقة في حياتك ، فعلا ما تفعلينه حرام شرعا فالعلاقة بينك و بين الشبان قد تودي بك إلى الخسارة خاصة لإحساسك بالنقص العاطفي.
ابتعدي عن مثل هاته العلاقات فلازلت في سن يسهل فيها التلاعب بالبنات. ولا تظني نفسك ’قافزة و تعرفي صوالحك’ لأن العديد من اللاتي غرر بهن لهن نفس المنطق.
فقط نصيحة من منظور الرجال و الله ولي التوفيق.

[الجزائريه]

بدلي_روتين_تاعك_ربي_يهدي_نفسك

[أم درين]

بالنسبة للامهات الستينيات اعتقد انهن يشتركن في هذه الصفات
امر عادي لازم تصبري
لانهم موالفين كيما بكري ومايسقيوش على بناتهم
ماتتقلقيش نورمال
بالنسبة لحديثك يا اختي اراك ابتعدت عن جادة الصواب
فهذا ليس حل بل مكيدة من مكائد الشيطان خصوصا وانك مازالك تقراي
لاكان الامر جدي قولي لهاذا الانسان يجي لداركم يخطبك والا صدقيني الشيطان صعيب
ونتي مازالك صغيرة
وصلي ركعتي استاخرة لله (استخارة من لاحول له ولا قوة)
وماتشكيش للناس وتخلي ربي
الناس ماعندهم مايديرولك
ماقلناش يسمعوك تفرغي قلبك شوية معاهم لكن صدقيني كلما حكيتي معاهم زيدتي حزنتي
صلي لربي وبكي ودعيه يخفف عليك
ومسألة التيليفون حاولي تنسايها
تلهاي بقاريتك
حافظي على صلاتك لانك حسبا تباني بعدت شوية

والصديقات دعي ربي يجيبلك وحدة مليحة
وصدقيني ماشي غير نتي عندك هذا المشكل
الزمان تبدل والاصدقاء قلوا
وربي هو لي عندو مفتاح مشاكلك
نوضي في وقت السحر (قبل الاذان الاول تاع الصبح)
ودعيه يخفف عليك

واهم شيء تقدري تديريه انك تهدري مع امك قوليلها حابة نتبدل يا امي ونرجع ندير واش يرضيك
حتى تحسسيها بيك كثر باذن الله

وننصحك تخلي قرايتك متنفس جميل
حطي القراية حلم تنالين به رضى الله
خليها روضة وجنة مزهرة
ماتهمليش الدروس ونظمي وقت ولاكان احتجت شيء من النصائح في هذا الامر رانا هنا باذن الله

[الداعي الى الحق]

ادا كان كلامك صحيح فهدا يعني ان امك تغار منكي فاحدريها

[ثلجَة]

رب يفرج عليك اختي و يهدي والدتك لما يحب و يرضى