و الله اني في حاجتكم

[mohamed mahboule]

قدر الله أني ديت الباك بمعدل 12 ما عليش الحمد لله على كل حال انا خيرت st و البعض نصحني ب biomÉdical و كاين لي قالي دير biologie و كتين لي قالي دير mi و كاين لي قالي دير مدرسة عليا للاقتصاد ... والله اني في حيرة و تخلطت عليا مت هي التي ترونها الانسب و إن كنتم تجدون ما هو أفضل من هته الاختصاصات قولولي الله يجازيكم لا تبخلو علينا
و الله لم أجد ملجأ غير جسر المنتدى
الله يحفظكم ما تبخلوش علينا مابقاش الوقت

[rihab99]

أخي انا أيضا تحصلت على 12 للأسف كنت أطمح لأكثر و لم اتوقعه لكن الحمد لله
البعض قال لي لا تقومي بإختيار الـSt و البيولوجيا ايضا
انا اخترت مدارس عليا لانها مدرجة في القائمة و اخترت انجليزية اتوقع ان يقبولني انجليزية
انا علمي
كاينين تخصصات اخرى ,.. إذا كنت تفهم مواد أدبية
و لا بيولوجية
او ننتظر الاعضاء الاخرين الي عندهم تجربة احسن
وفقك الله ♥

[ماري]

أنا نشوف اخي الكريم sm خير من st لانو في السنة الثانية ممكن تدير اختصاص chimie اللي شخصيا انا نحبو... أما المدارس العليا اخي فنم راهم غير يكدبو عليك باسكو التالية تحبس عند 13 قريب 14.. وشوف انت اللي تميل ليها و اتوكل على ربي

[amieuraissa]

السلام عليكم

اخي اختي الفاضلة .. المدارس العليا اولا تحتاج معدل 13 فما فوق على حساب معدلات القبول السنة الماضية ..

اضافة الى الاختيارات اللي عملتها اخي الكريم ، اتبع رغبتك اذا كنت من محبي العلوم و التحصيل العلمي فأمامك بيولوجيا و تكنولوجيا

كلها تخصصات في المتناول كونها تحتوي على تخصصات جيدة في السنة الثانية و الثالثة و الماستر

اما عن المدرسة العليا اسأل عن معدلات القبول و الله أعلم هكذا رأيي و الله ولي التوفيق

..

[Hika Hika]

ana ma jarabthomch mais kayen bzaf li daw kima mo3adal ta3ek wdarou st ushb

[عطر السماء]

بيولوجى ما عندها حتى مستقبل
و st تانى قريبى قراها و راهو عاطل عن العمل

[amieuraissa]

المشاركة الأصلية كتبت بواسطة عطر السماء

بيولوجى ما عندها حتى مستقبل
و st تانى قريبى قراها و راهو عاطل عن العمل

السلام عليكم اختي ، احترم رأييك و لكن الأرزاق بيد الله و لله الحمد

يعني هي تحاول تختار الشي اللي تقدر تقراه ، واش الفايدة أني نختار حاجة ما نقدرش نكمل فيها و نبقى نبكي على الاطلال

مشكلتنا دائما أننا نربطوا الارزاق بالقرايا او بالتخصص فيه شغل ما فيهش .. صحيح من جانب الشغل الواحد يتقلق ، لكن


الانسان يحاول يشوف روحه وين يقدر يروح بالقرايا تاعه ، يمكن ربي يفتح عليه بدكتوراه و تتوظف قبل الجميع

و الله انا افضل انها تعمل حاجة اللي تشوف باللي تقدر تجيب رحها ، و في الجزائر صراحة حتى شيء ما جا كيما بغاه الواحد

صح و لا لا ههه

و الله ولي التوفيق ، و شكرا لتفهمك اي استفسار رانا هنا و بارك الله فيكم

[عطر السماء]

المشاركة الأصلية كتبت بواسطة amieuraissa

السلام عليكم اختي ، احترم رأييك و لكن الأرزاق بيد الله و لله الحمد

يعني هي تحاول تختار الشي اللي تقدر تقراه ، واش الفايدة أني نختار حاجة ما نقدرش نكمل فيها و نبقى نبكي على الاطلال

مشكلتنا دائما أننا نربطوا الارزاق بالقرايا او بالتخصص فيه شغل ما فيهش .. صحيح من جانب الشغل الواحد يتقلق ، لكن


الانسان يحاول يشوف روحه وين يقدر يروح بالقرايا تاعه ، يمكن ربي يفتح عليه بدكتوراه و تتوظف قبل الجميع

و الله انا افضل انها تعمل حاجة اللي تشوف باللي تقدر تجيب رحها ، و في الجزائر صراحة حتى شيء ما جا كيما بغاه الواحد

صح و لا لا ههه

و الله ولي التوفيق ، و شكرا لتفهمك اي استفسار رانا هنا و بارك الله فيكم

عليكم السلام
اكيد اخى الكريم احترم رايك
و الارزاق بيد الله
لكنى تحدتت على فرص العمل بالتخصصين بمتله من الواقع
قريب لى قرى st و كمل ماستر و كش و ما لقاش خدمه
كذلك صديقتى قرات بيلوجى راهى 3 سنين متخرجه و لا خدمه لا والو
اكيد كل واحد وميولو لكن انا بريت ذمتى و حكيت اللى نعرفو على التخصصين لانى كيما نحب لروحى الخيرو نحبو لغيرى
وكيما قلت انت الجزائر ما فيهاش حاجه قد قد

شكرا جزيلا تقبل مرورى و رايي وبارك الله فيك

[rafif.ra]

باختصار لو كنت مكانك لاخترت mi او انجليزية

[lili 4am]

يا اختي صلي صلاة الاستخارة
و اظن ان مهما كان التخصص الذي سيتم توجيهك اليه ستنجحين فيه باذن الله
لاننا نقوم باستصغار بعض التخصصات مثلا علوم المادة او حقوق او علوم سياسية ففي فرنسا للدخول الى مدرسة العلوم السياسية يجب مستوى جد عال ليس فقط معدل البكالوريا بل مستوى الثقافة العامة كذلك فصحيح في الجزائر ليس لدينا نفس المستوى لكنني اظن مثلا لو احد يدرس biologie و يكون له مستوى عال اي يدرسها بالفعل سيتحصل على عمل و يستطيع ان يقوم بالابحاث بالطبع مع بعض العراقيل في الجزائر
هذا مجرد راي و انصحك بصلاة الاستخارة

[noussa hadjer]

و الله افضل حل هو صلاة الاستخارة و عن تجربة .بالتوفيق