تكنولوجيا ام رياضيات واعلام الي ام علوم طبيعية

ايمان ليليا · 2016-07-14, 22:22

من فضلكم ايهما احسن راني حايرة بزااف

غزلان1991 · 2016-07-14, 22:27

اول شيئ مبروك النجاح
اما بالنسبة للاختيار بحكم تجربتي راني عارفه شعور الحيره اللي راكي فيه باسكو كامل فوتنا فيه
المهم واش نقولك شوفي نتي لواش تميلي تحبي علوم طبيعية اللي راح تتفرع الى بيولوجيا ولا تحبي حاجه فيها الحساب

ايمان ليليا · 2016-07-14, 22:28

ا اختي نتي اعطيني رايك

عزيز عزيز · 2016-07-14, 22:33

السلام عليكم ورحمة الله تعالى وبركاته
أنا عضو جديد
أختي أنظري أنت وماذا ترين وتحبين من جهة ومن جهة أخرى إسئلي عن تخصصات كل فرع وإلى ماذا يوصل وفيما بعد فرص العمل كل هذه رؤى يجب التطرق لها وشكرا

همساتْ المطرْ · 2016-07-14, 22:52

math infor 444 w niveau 3la biolo w st

amoulette · 2016-07-15, 10:50

انصحك برياضيات و اعلام الي و سمعت ان المتفوقين فيها يمكنهم الالتحاق بالمدرسة العليا للاعلام الالي كما ان فيها تخصات جيدة

سطايفية بكل فخر · 2016-07-15, 12:28

السلام عليكم غاليتي
بداية جاوبني على اسلئتي ورلايحة نقلك
اولا وشحال معدلك
ثلنيا انت تحبين الحفظ او الفهم
تفضلين الرياضيات والكيمياء والفيزياء او العلوم الطبيعية
اي مادة تستمتعين بدراستها
واي مواد تاخذين فيهم نقاط جيدة في الثانوية
من خلال هذي الاسلئة نقدرو نقرو ونتناقشو مع بعض
بانتظار اجابتكم غاليتي

إسـرآء كـوثــر · 2016-07-15, 13:26

السلام عليكم
الف مبروك النجاح و عقبال لنجاحات اخرى
نعم اوافقكم الراي
ماهو ميولك ؟
بالنسبة لتخصص رياضيات و اعلام الي يمكنني افادتك بخبرتي المتواضعة فانا منتقلة الى السنة الثانية رياضيات
هي تخصص جيد و رائع و فيه فرص عمل جيدة و ان كنت جيدة في الرياضيات فانا انصحك به ،في سنة اولى جذع مشترك رياضيات و اعلام في اخر السنة تختاري تخصص واحد رياضيات او اعلام الي و هذا حسب رغبتك و ميولك
بالاجتهاد و المثابرة دائما و بصفة دائمة
و عدم الملل و حضور الدروس و المحاضرات يمكنك التفوق في هذه الشعبة
بالنسبة للعمل فبالرياضيات يمكنك ان تصبحي استاذة و الاعلام الالي اضافة الى التدريس يمكنك العمل في الشركات ...
ان وجهت الى هذا التخصص لاحقا يمكنني افادتك اكثر بالمواد المدروسة خلال السنة و طريقة الدراسة و مرحبا بجميع استفساراتك
حتى في التخصصين الاخريين بحكم احتكاكي بهما فلي صديقات في المجالين
اتمنى لك التوفيق

غزلان1991 · 2016-07-15, 15:46

اقتباس:

المشاركة الأصلية كتبت بواسطة ايمان ليليا

ا اختي نتي اعطيني رايك

اذا حبيتي رايي انا نقولك تكنولوجيا لانها تخصص واسع السنة الاولى تقراي جذع مشترك و السنة الثانية تختاريين التخصص
و احيطك علما انو فرع التكنولوجيا فيه 22 تخصص

سطايفية بكل فخر · 2016-07-15, 15:50

اقتباس:

المشاركة الأصلية كتبت بواسطة غزلان1991

اذا حبيتي رايي انا نقولك تكنولوجيا لانها تخصص واسع السنة الاولى تقراي جذع مشترك و السنة الثانية تختاريين التخصص
و احيطك علما انو فرع التكنولوجيا فيه 22 تخصص

اضافة على معلومتك غايلتي ليس التخصصات كلها في نفس الجامعة هي مقسمة على جامعات
ينبغي للطلبة معرفة هذا ولا يغتروا بالعدد ويظنوا ان كل الجامعات فيها 22 تخصص

Ahlam Sou · 2016-07-15, 16:02

اولا مبروووووك عليك
بخصوص البيولوجيا هي تخصص تقريبا حفظ فقط بالفرنسية ولا يلزمك حظور المحاضرات بصفة دائمة و كاين مواد تاع فهامة مي مش بزاف
ادا قريتي مليح ديري تفرع ميكرو بيولوجي او بيوشيمي " اصعب فروع البيولوجي"
كاين تاني فروع اخرى بيئة و علم الحيوان علم النبات..... مي تقدري ديري بيهم غير التعليم
اما عن فرص العمل التعليم بكل اطواره ادا كملتي الماستر "استاذ علوم الطبيعة و الحياة" او الابتدائي و المتوسط باليسانس او العمل في مختبر التحاليل الطبية . او كممرضة ادا جوزتي تربص " بالمعريفة"
و تخصص الرياضيات و الاعلام الالي شرحتلك عليه الاخت اسراء و تاني هو اصعب من البيولوجي نوعاما " هههه مش بزاف " و فيه لازم تحضري كل المحاضرات
و الاختيار لك على حسب ميولك ادا تحبي الرياضيات او علوم الطبيعة " فيها تطبيقي تجارب "

marinamari · 2016-07-16, 21:43

االسلام عليكم
سمعت بلي لي يقرا رياضيات يقدر يخدم في الشركات في حالة اذا تفرع في الجامعة تخصص احتمالات صح كاينة منها ؟