طريقة تحضير البكبوكة يمـــــــــــــ

[om wafaa]

طريقة تحضير البكبوكة على الطريقة الوجدية

موضوع الأخت ام وفاء جزاها الله خيرا :

نجيب الدوارة ونظفها مزيانو نخرطها مزيان ونغسلها من الشوائب كنقطع قطع كبار نصنع منها جيوب بواسطة ابرة وخيط .. من بعد ناخد باقي الدوارة مع الرئة ونقطعهم باستعمال مقص خص يكون التقطاع رقيق بزاف.ميتعداش واحد سنتيم ..كنقطع معاهم الكليتين فقط ميحتاج الكبدة او اللحم
نقطع عيهم 2 بصلات وربطة المعدنوس وراسين الثوم وحفنة الروز مغسول وحفنة الحمص مقشر وكاس صغير الزبيب و الزيت والعطرية كمون بزايد+فلفل اسود +تحميرة سكين جبير+خرقوم +قليل من القرفة…نخلطوكلشي ونبداو نحشيو الجيوب لي عندنا …فاش نكملو نخيطوهم…
اما على نصيب ناخدة كوكوت ونشحرو فيها البصل ونضيف مطيشة بنوعيها والمعدنوس والزيت والعطرية
وشوية حمص صحيح وبعض قطع الدوارة او الكرشة .
ملاحظة :
البكبوكة متكونش كبيرة بزاف .تجي على حساب على حساب كف اليد…عنداكو تعملو كرة كبيرة …
وحتى فاش تكوني تعمري البكبوكات ضربي حساب الروز غدي يكبر…خلي مكان على حسابو….
و بالصحة و الراحة.

*/]