بركاونا ما تبعوا في النمادج المزيفة و الغاشي يتمسخر بيكم

[culturel]

علاه احنا لعرب ما نعتبروش من الشيء اللي فات...!!!

ياخي الكل يعلم بالشيء اللي صرا في الإختبار الكتابي.....الغاشي كامل راح يراجع في نمادج إجابات مجهولة المصدر وخلي روابط المدونات اللي كل يوم يجيبولك مدونة و يقولك هذي هي الرسمي...و في الأخير كان الإختبار بشكل مغايير تماما و لا شي من اللي حكاو عليه المدونات جاء في الأسئلة..!!!؟؟؟

يا ناس...فيقوا مع رواحكم...المدونات اللي راكم تجيبو في الروابط تاعها...راكم تديرولها في إشهار مجاني بلا فايدة....تلك المدونات غرضها الربح و التكسب من عدد الزيارات و بالتالي مشاهدات و ضغطات أكثر....و الله ما علابالهم بيكم تنجحو و لا تروحو تبيعو اللفت....سامحوني على التعابير....بصح هذي هي الحقيقة.

نحن سذج بطريقة غريبة...نصدق كل ما نراه و نسمعه.....أي إنسان عاقل يستطيع أن يفهم أنه لا أحد يملك الأسئلة النمودجية للمسابقة الشفهية و حتى الأسئلة المنتشرة في المنتديات و المدونات أسئلة قديمة مضت عليها سنوات الضياع و لاشك أنكم لاحظتم التكرار في الطرح في أكثر من موقع و مدونة.

يا رحم والديكم.....هل تعتقدون أن اللجنة المكلفة بامتحان المترشح ستسأله عن منهجية الدرس و مراحله و عن كيفية تقسيم السبورة...و السيد عمرو لا درس في حياتو...!!!!!!؟؟؟ و الله غريب أمركم.

المقابلة الشفهية عبارة عن اختبار ذهني و نفسي للمترشح لمعرفة مدى استعداده للتدريس....بالعربية هل أنت تصلح للتعليم أو لا....مثلا : هل أنت سريع الغضب....متوتر....تعاني من عقد نفسية....عندك مشاكل في التعامل مع الآخرين....متمكن من اختصاصك و لغتك....أشياء من هذا القبيل.

مالا أنا نقوللكم...أخطيوكم من المدونات تاع الخرطي...راها تبروفيتي عليكم و تضلل فيكم....حضرو رواحكم نفسيا و ثقو في أنفسكم...و قابلو اللجنة بعزيمة و ثبات...فالأسئلة اللتي ستطرح عليكم ستكون أسئلة عشوائية و يمكن أن تكون خارج مجال الإختصاص و خارج مجال التعليم.

حظا موفقا للجميع