الذ و اسهل اطباق بالدجاج من كوزينة عزوووووووووفة

عازفة الناي · 2016-06-15, 23:36

مبارك عليكم الشهر الفضيل حبيباتي وربي يقبل صيامكم و قيامكم و يرزقكم كل ماتتمناو
اليوم جبتلكم مجموعة من الذ الاطباق بالدجاج واكيد سهلة التحضير و اقتصادية و تغيير عن المعتاد
دجاج مفور بطريقتي

صدر دجاج في الفرن بتتبيلة راااااائعة

شرائح الدجاج محشية بالسبانخ اممممممم بنة لاتقاوم

شيش الدجاج روووووووعة

افخاذ دجاج محشية اممممممممممممممممممم

نبداو على بركة الله
بسم الله
~~دجاج مفور بطريقتي ~~
طبق سهل و بنيييييييييييين يقتل جربوه واكيد راح يعجبكم
هذي التتبيلة نحط فيها الدجاج ونتركها مدة على الاقل 4 ساعات و بعدها نحط قطع الدجاج فلسيلوفان ونحط معها مكعبات طماطم و جزر و فلفل حار يعطيها بنة امممممممممممممممم ونزيد ثوم حب و الاكليل و نغطيها بالالمنيوم ونتركها تتفور مدة 4 الى 5 ساعات على نار هاااااادئة و كل مرة نعسو الماء بلاك ينشف ~~~ ماديروش كيفي نسيته وزعما تحرقت البرمة ههههههههههههههههه~~~ و بعدها نفتح عليها الالمنيوم و ندخلها للفرن من فوق تتحمر و تقدموها مع سلطات او بطاطا سوتي كما عملت انا
التتبيلة هي : موطارد , ثوم حب مرحي ، معدنوس ، كركم ، اكليل ، زعيترة ، ملح ، فلفل اسود ، فلفل احمر حار مرحي ، ثوم بودرة ، زنجبيل ، و ثوم بالكسبر مرحي، راس حانوت او افاخ و زيت زيتون

البطاط سوتي عملت طريقة الهام 07 رووووووووووووووووووووووعة و تهبل و زدتلها شوي من صوص الدجاج امممممممممم رهييييييييييييييييبة جربوها
https://www.djelfa.info/vb/showthread.php?t=1592046

صدر الدجاج في الفرن قدمته مع روز ساهل و بنين
نتبل صدور الدجاج و نقطع دون مانوصل للاخير كما في الصورة
التتبيلة : عصير ليمون ، موطارد , ثوم حب مرحي ، معدنوس ، كركم ، اكليل ، زعيترة ، ملح ، فلفل اسود ، فلفل احمر حار مرحي ، ثوم بودرة ، زنجبيل ، و ثوم بالكسبر مرحي، راس حانوت او افاخ و زيت زيتون

نقطع بصل شرائح وثوم وحبات طماطم و جزر و معدنوس و اكليل و رق رند و نحطهم فالطبق الفرن و نصب صطرات زيت زيتون و نحط عليهم الصدور و نغطيهم بالالمنيوم وندخلهم للفرن اممممممممممم

شوفو اللون الله الله

~~~شرائح دجاج محشي بالسبانخ ~~ صراحة سريع و سهل و بنييييين و اكيد بريزونتابل
* نقطع صدور الدجاج الى شرائح رقيقة نتبلها بنفس التتبيلة
* نشوح السبانخ فزيت و ثوم وملح
* الطريقة في الصورة موضحة : نضع شوي من الحشو على الدجاج و نزيد شوي فرماج و نغلق بعود الاسنان
*نقلّي الدجاج فزيت و زبدة حتى نحصل على لون ذهبي
* في نفس المقلة نضح شرائح بصل و ثوم و جزر و نشوحهم و نزيد الملح و الفلفل الاسود ورقة رند و عود قرفة و كركم و معدنوس و ن حبات زيتون اخضر مرق تقريبا بزوج كيسان ماء
و نرجع الدجاج للمرق باه يكمل طيابه تقريبا 20 د على نار هادئة

ناتي لطريقة الروز
انا استعملت روز بسمتي روووووووووووووووووعة
سههههههههههههههلة جدا و النتيجة كل حبة وحدها
في طنجرة نعمرها بماء و نتركها تغلي و نزيد لها حبات هيل ، عود قرفة ، شريحة ليمون ، ورقة رند و ملح و نصب فيها كمية الروز و نتركها حتى يطيب
نصفيه و بعدها يكون عندي روز هااايل
انا اضفت له شوي معدنوس

وهذا الطبق بعد ماطاب

شوفو الروز كل حبة وحدها

يتبع

عازفة الناي · 2016-06-15, 23:36

محجوز لتكملة الاطباق
شيش الدجاج رووووووووعة و البنة رهييييييبة
اولا نبدى بالخبز :
كاين في المنتدى اللللاف الوصفات تاع الخبز العربي و هااايلة
لكن طريقتي تختلف شوي فالطهي
بعد مانحل العجين رقيق نطيبه ثواني من الجهتين فطاجين الشخشوخة او مقلة و بعدها نحطه على الشلة تاع الكوشة كما في الصورة وتكون النار قاوية راح يتنفخ و يجي لونه هايل

الدجاج : نرقده فالتتبيلة
و بعدها نحطه فاسياخ الشواء مع البصل و الطماطم و الفلف حار او حلو وشوي ثوم و نطيبه فمقلاه او طاجين و بعدها نحط الاسياخ كلها و فصحن كبير
و نجيب فحم و نخليه يسخن بعدها نحطه فالمنيوم و نصب عليه شوي زيت ونحطه فالصحن تاع اسياخ الدجاج و نغطيه
الدخان تاع راح يعطي للدجاج نكهة تهبل ة تاخذ العقل هههههههههههههههههههههههه
نقدم الاسياخ مع بطاطا مقلية و شرائح طماطم و سلاطة او حسب الرغبة
وممكن نقدمها مع طبق روز يميييييييييييييييييي

~~افخاذ الدجاج المحشية~~
ننزع العظم من الافخاذ و ندهنم بالتتبيلة
نوجد الحشو : روز طيبه نص طياب : كاس روز شوي زبدة و كاس ماء و كركم و ملح و فلفل اسود حبات هيل، عود قرفة
نشوح الفطر فزيت و ثوم و نضيفه للوز اللي طاب و نزيدلهم معدنوس

نحشي الافخاذ و نقفلها باعواد الاسنان

نرجع نحطها فالتتبيلة و نخليها تقريبا ساعة

بعدها نحط الافخاذ فلاكياس الشواء و نزيد معها ورقة رند و حبة طماطم مكعبات و شوي فلفل حار و معدنوس و نغلق عليها و ندخلها للفرن حتى تطيب و تاخذ لون ذهبي اممممم راااااائع و مقرمشة من برا و طرية بنينة من الداخل

و هذي الصلصة تاع الدجاج ام تهبل

ياريت الشرح يكون وافي و كاافي و تكونو فهمتو هههههههههههههههه
نتمنى الاطباق تعجبكم
دعواتكم لي في هذا الشهر الفضيل
اي سؤال اكيد نساعدكم
صحى سحوركم