لهجتي تعقدني

[مشكلتي]

السلام عليكم و رمضانكم مبارك
تحصلت منذ سنة على منصب طبيبة مقيمة بعدما اجتزت المسابقة في العاصمة
كان بامكاني اجتيازه في ولايتي (تيزي وزو) لكنني فضلت تغيير الجو و التعرف على الجزائر العاصة
المشكل انني لا اتكلم جيدا الدارجة ففي كلامي نغمة قبائلية لا يمكنني التخلص منها
زملائي يضحكون من طريقة كلامي ثم يقولون ان لهجتي تعجبهم
الامر يعقدني جدا حتى صرت اتكلم بالفرنسية مع الجميع و حتى المرضى و اهاهم
و آخرتها رئيسة المصلحة غضبت علي فقالت لي "ديري خدمتك مليح اذا ما حبيتيش ترجعي للجبل لي جيتي منو"
فقلت في نفسي هذا كل ما اتمناه...
يا ليتني اتبعت راي والداي و اجتزت الامتحان في تيزي وزو للتحصل على منصب هناك
فهل يجب علي الاستقالة و اعادة الامتحان في ولايتي...

[*أم سجى*]

لا عليك اختي ......أنا لست قبائلية وأتمنى لو كنت كذلك تعجبني لغتهم....ثقافتهم....جمالهم....أدبهم...عاداتهم وتقاليدهم........ربي يوفقك حنونة

[أثيلة]

السلام عليكم
اولا نقولك رمضان كريم و صح فطورك
اختي الانسان عمرو مايحشم بلهجتوا اهدري كيما تحبي و لي ماعجبوش الحال يشوف لروح الانسان يحشم من العيب و الافعال الدنيئة اختي مش باللهجة علي راسك للسماء و قولي انا قبائلية و افتخر و بنت دوار ايه علاه المدينة واش دارتلكم؟؟؟

[رَكان]

لديك مشكل تعانيه أكبر من مشكلة لهجتك ...
ابدئي أولا بمحاولة استعادة ثقتك بنفسك يا طبيبتنا ...
..

[Abe_sparrow1]

أرى أن لهجتك هي جزء من شخصيتك وهو ما يعطيها تميزها وبريقها، المهم في الأمر هو أن يفهمك الناس الذي تحاورينهم، لذلك حاولي استخدام الألفاظ المناسبة حسب السياق (مريض، طبيب، موظف ...). ثم إنه مع مرور الوقت ستتحسن طريقة كلامك دون شعورك بذلك لأن الملكة اللغوية جزء طبيعي في الإنسان، لذا عليك الافتخار بلهجتك ولا تأبهي كثيرا لما يعتقده الآخرون. بالتوفيق.

[مصطفى_س]

السلام عليكم و رحمة الله

هذي مهيش مشكلة خلاص متقلقيش روحك و متخليش الناس تأثر فيك على جال اللهجة تاعك
سامحيني كتبتلك بالعامية
المهم انت قبايلية و افتخري انك قبايلية و اذا راكي بنت الدوار هذا شرف كبير ليك و لعايلتك
هذي قضية وقت برك و كل شيء يولي عادي بالصح كاينة حاجة تخليه يولي عادي و هي ثقتك بنفسك لازم تقويها و كي يحكي معاك اي حد على اللهجة بدون نرفزة و حاولي دافعي عن نفسك
الاستقالة ممكن تكون هروب و هنا لالا لازم تقاومي و تفرضي نفسك طبعا اذا زاد الحال بزاف هنا معليش كي تتبدلي موش تستقيلي
متخليش امر بسيط ياثر على حياتك راكي قبيلية و القبايليات فحلات

ربي يفرج عليك اختي و موضوعك سهل يا دكتورة

[(( هبة الرحمن ))]

بمرور الوقت يستقيم لسانك اذا حاولت التحدث بالعربية ....
أنصحك بعلاج رائع هو قراءة القرآن بصوت مسموع ...
صدقيني أختاه أجانب تمكنوا من العربية بتعويد ألسنتهم على قراءة اللغة العربية ....
هل تستسلمين من أول مشكلة تصادفك ...في جميع القطاعات نواجه مشاكل لا أحد وجد الظروف مهيأة له ...لكن بالصبر نتعود ....

[ibtihal18]

مشكلتك ليس في اللهجة و انما في ثقتك بنفسك و كذلك قناعتك بان لهجتك هي التي تميزك كل واحد منا يتميز بلهجة و عادات و تقاليد خاصة به بالعكس افتخري انك قبائلية و بنت دوار و جبل كما يعتقد البعض و هؤلاء ممن يضحكون اراهم ادنى من التفاهة و لا يليق بهم منصب طبيب او دكتور لاني ارى تصرفهم هذا ليس من الاخلاق و مهنة الطب اخلاق في حذ ذاتها قبل ان تكون مجرد شهادة او مصطلح طبيب مؤخرا التقيت باستاذة فرنسية مثلك من تيزي وزو و تكلمت عادي بلهجتها و لم اجد اي صعوبة او مجال للضحك و هي قالت بلسانها ** حنا في تيزي وزو صح ما نهدروش الدارجة مليح و لكن اللغة العربية قريناها مليح و نفهموها مليح و قالت لحد الان مازلت نشفى واش قرينا بالتفصيل من الابتدائي حتى للثانوية **** و هي استاذة فرنسية لم تتكلم معنا لا بالفرنسية ولا باللغة العربية تكلمت بالدارجة
بالتوفيق اختي في مهنتك و اطردي هذه الافكار من راسك و واصلي مشوارك فسوف لن تبقين مع هؤلاء الذين يسخرون من لهجتك

[yako02]

والله مؤسف انك تخجلين من لهجتك اهدري كيما تحبي ولي معجبوش الحال يبلط البحر و زعما الدزيرين يزوخو على كامل التراب الوطني انومنهم ومكانش كوني عادية و افتخري بمدينتك او دوارك او الجبل لي عايشة فيه هو في العطل يحب الجبل يروح يدير فيهم الشوا و انتي يضحكو عليك ربي يهديهم و انتسي عززي ثقتك بنفسك و قوي شخصيتك و كمليخدمتك عادي و ثابري و اجتهدي و انجحي و تقدميي لامام و هو خليهم في بلاصتهم حتى يولو يشوفو فيك نجمة عالية عليهم يتمناو يديرو كيفك
اهدري القبايلية اهدري العربية الفرنسية الانجليزية حتى واحد مدخلو

[katiya]

بالممارسة ستتحسن لهجتك وعادي يوجد ناس أتوا من الجنوب ومن ولايات أخرى ولا تحرجهم لهجتهم فقط حاولي تقبل نفسك كما انت ولا تنسحبي من العمل بل واجه وتميز باتقانك لعملك ..............ومزيدا من التألق

[رجل من هذا الزمان]

لا عقدة ولا شيء ...اتكلمي بلهجتك و اللي عجبو عجبوا ولي معجبوش كاين الحيوط بزاف .... انا نعرف لقبايل فخورين بلغتهم و لازمك تكوني هكذا راكي من بلاد القبايل الكبرى يعني الاصل او هل راني غالط ؟

[toutà mahboulistà]

لا لا أختييي تكلم بلهجتك وفتخري بيها اللي عجبو الحال عجبو واللي ما عجبوش ان شاء الله عمرو ما يعجبو واللهجة لقبايلية حنا نعرفوها حلوة ورائعة على هاديك اهدري بيها ومتحوسي على حتى واحد أختي
"ارضاء الناس غاية لا تدرك"

[mrmilano1984]

ههه والله عجب طبيبة مثقفة قارية ومتعلمة ودراسات عليا وسهرات تكون فاهمة مفروض هادي حاجة تنغص علي حياتك لو جا اخر مش متعلم ومستواه متدني نقولو اما انتي راكي اطار كادر وتهتمي للاشياء هادو غريب مشكل خلل فيك نفسي كما قالولك

[(( هبة الرحمن ))]

كيف تطلبون منها أن تتكلم بلهجتها ......
هل كل المرضى يفهمون القبائلية وإن تحدثت بالفرنسية هل كل المرضى يفهمون ذلك ؟ .
تتكلم لهجتها خارج العمل ولن يجرأ أحد على إرغامها......
لكن في العمل وخاصة أنها طبيبة عليها أن تحاول التحدث حسب المنطقة قدر المستطاع ...فهي ليست في تيزي وزو حتى يفهمها الجميع.

[muhibbat rrasoul sws]

السلام عليكم و رحمة الله و بركاته
انت طبيبة مقيمة، و على ما فهمت يا اختي في سنتك الاولى
خذيها مني، التي قالت لك هذا الكلام تقصد آذيتك و كثير من الأطباء معقدين ينتظرون الفرصة امام من هم اصغر منهم للانتقام من أمور حصلت لهم لما كانوا بمرتبتك و لإظهار عضلاتهم
انصحك بما أني طبيبة و عاصمية الا تتكلمي بالفرنسية لان الناس راح يشوفوها عنصرية و تكبر و تكلمي بلهجتك صحيح راح يضحكون و لكن لانها ستكون مضحكة عربية بغنة قبائلية قح إنما ليس استصغارا لك أبدا أبدا ولا لاصلك يا أختي، و معظم ناس العاصمة مختلطون جدا جدا و زاد احنا من العاصمة لما نروحو بعض المناطق في البلاد يضحكو على لهجتنا، هذا امر معهود

نصحتك هبة الرحمن بقراءة القران بصوت مرتفع أظن ان هذا سيحس عربيتك جدا جدا جدا و في وقت قياسي و هذا رمضان اغتنميه

فقط أتمنى الا تدخلي في دوامة الجماعات هدا قبائلي و هدا عربي و تتكلمي بالقبائلية امام من لا يفهمهافقط للإيذاء و لا تفضلي المريض الفلاني على الفلاني لانه من منطقتك فتجعلي النعمة نقمة و ستحاسبين

صح رمضانك و كل المسلمين