الجزء 165 من كوزينة واش طيبتي اليوم (لمتنا الزينة في احلى كوزينة)

اريج 07 · 2016-05-25, 00:55

السلام عليكم رحمة الله و بركاته
ان شاءالله هاد الكوزينة فال خير على الجميع اسمحولي موجدتلكم والو راح نحط من الارشيف خخخ مالقري شفتوه معليش المهم منكتروش على ام هدول الغالية كترنا عليها بزاف ههههه اسمحولي معرفتش نعبر خخخخ جاتني حاجة كبيرة نفتح الكوزينة ههه
حقا اليوم عندي شهر معاكم هههه
تفضلوا مرحبا بيكم دار داركم جوزوا و متحشموش

حبايبي الكوزينة كوزنتكم ديرو فيها وش بغيتو و خودو راحتكم
ربي يدوم عشرتنا و يخلينا احلى لمة يااغلى حبايب نحبكم تقبلوا مني قبلاااتي

omjoujou · 2016-05-25, 06:29

السلام عليكم ورحمة الله وبركاته
صباح الانوار حبيباتي

اريج نستعرف بيك يا الزينة كي فتحتيلنا جزء جديد من الكوزينة الف الف الف مبروك ان شاء الله تكون عتبة خير عليك وعلينا انتظري مني باروك طازة نلبزو خص نص لكوزينتك عن قريب

omjoujou · 2016-05-25, 06:30

السلام عليكم ورحمة الله وبركاته
صباح الانوار حبيباتي

اريج نستعرف بيك يا الزينة كي فتحتيلنا جزء جديد من الكوزينة الف الف الف مبروك ان شاء الله تكون عتبة خير عليك وعلينا انتظري مني باروك طازة نلبزو خص نص لكوزينتك عن قريب

انتصار فاطنة · 2016-05-25, 06:42

الف مبروك افتتاح هذا الجزء وان شاء الله تكون كوزينتك عامرة بالخيرات يالبسكرية الفحلة

أم محمد تاج · 2016-05-25, 08:22

صباحووووو على الغوالي الحلواااااااات
حبيبة الطاطا الف الف مبرووووووك افتتاح الكوزينة الزينة لي كيفك ونشالله تكون احلى كوزينة نفيدو ونستفادووو يارب
بعض من تلبازي

بربوووشة بعثتها ذواقة

تارت او سيترو فلي فيرين روووووووعة

فووووو تشاراك تاع آسيا يعني تاع اختها رووووعة روووعة رووووعة والله جربوووووه ساهل وسريع ويقطع بزااااف

الفلان اللهلوبي تاع البارح مممممممممم

محكووووك حاااار رووووعة بالgرعة يعني الجريوات لكبيرة والحروور البسكريي والفاح البسكري خص نص ليك حبيبة الطاطاا

ام عبدو و ملاك · 2016-05-25, 08:28

اريج الف الف الف مبروك افتتاح الكوزينة الجديدة وان شاء الله تكون عامرة بالخيرات
طيابك ما شاء الله يا سعد اللي رايح يديك
استناي مني باروك ان شاء الله

om kamilia · 2016-05-25, 08:29

نهاركم سعيد
م جوجو ليك وحشة
ام تاجو حمد لله كملت امتحانات ومبرووووك مسبقا و كل الممتحنين منهم ختى رايحة تجوز الباك
مريومة يا بنت الحومة راكي دايرة حالة , مبرووووووك الكووزية و ربي يفتحها في وجهك الطيب يفتحها على كل الوجوه النيرة لفحلات المنتدى وان شاء الله عتبة مربوحة على الكل نفرحو فيها ونسمعو الاخبار السارة و زغاريت تاع نجاحات , و قدوم الضيف العزيز بالبركة علينا وعليكم

om kamilia · 2016-05-25, 08:30

ام عبدو صباحك اسعد وكل الملتحقات

أم محمد تاج · 2016-05-25, 08:53

ام كاميليا الغالية الله يخليك ياعز صديقة ويتمملك بخيير وعلى خييير يارب

أم سدرة · 2016-05-25, 09:09

ألف ألف مبروك الكوزينة أريج وأخيرا درتي الكوراج وحليتيها نستعرف بيك فحلة ونص استناي مني الباروك راني نكتبلك كن الموبايل والصور كامل راهم في الطابلات من بعد نحطهم

أم سدرة · 2016-05-25, 09:18

صباح الخير عليكم كاااامل البنات كل وحدة باسمها أم تاجو وينك عندك مدة مابنتيش أم عبدو أم جوجو أم كامي انتصار نهار مبروك

أم ياسين الزهراء · 2016-05-25, 09:19

صباح الانوار

دخلت نضرب طلى لقيت بنتي البسكرية فتحت جزء جديد الله يفتحها عليك ويكمل للخير ويهنيك ويخليلك والديك ربي يديم الخيرات والشهيوات كلش فور ويسخف ربي يبارك فيك بصح باين عليك حابسة بابيشة كيما ام محمد تقوليلها طاطا وانا انت قد وليدي الكبير ماتقوليليش طاطا حابسة ههههههههههههه

ام كاميليا ليك وحشة حنونة واش راكي وربي يتمملك على خير

ام جوجو وكل الحاضرات اهلا بيك

ام محمد ان شاء الله تعاودي العام وولادك يوصل للدكتوراة وانت في الابتدائي ههههههههههههههه ربي يوفقهم

مازال ماقررتش لغداء راني نتفرج في مكوكك ام محمد ونخمم قتلتني السخفة

الله يديم النعمة ويبارك فيها ويحفظها من الزوال

نزنق شوي

om kamilia · 2016-05-25, 09:33

ام تاجو يعطيييك صحة على البارووووك كلشيء فوور و المحكوك يشهي و يقتل وحار وتارت سترو في ي فرين هايلة بارك الله فيك
ام سدرة اهلين وشكرا على اطباقك
الداية ليك وحشة كبيرة وشكرا على الدعاء نتمنى ما تفارقيناش طلتك و لمستك تزيد حلاوة في الكوزينة
مريومة سناي كاش ما نلبز هذو الايام باذن الله و نعمروها لك بالخيرات
نخليكم في آمان الله نبدى اشغالي و نولي باذن الله

اريج 07 · 2016-05-25, 09:56

صباحكم ورد و فل و ياسمين على احلى لمة على قلبي
واااع طولت ليوم باه نودت هههه لبارح بايته وراء الكوزينة و النات هبلتني
اممممم راكم مزهيين الكوزينة خموس عليكم
ام جوجو اهلين حبيبتي نورتيني بطلتك اممم اكيد راح مشوفو ابدعاتك في الكوزينة
انتصار فاطمة مرحبا بيك اختي الكوزينة كوزينتك
اهلين ام عبدو وملاك هاذي غيبة توحشناك
صباحك عسل ام سدرة نورتي حنونتي
ياعمري على طاطاتي عمرتلي كوزينتي بالخيرات اممم من البربوشة لابيري للمحكوك امممم نموت عليه بزيت زيتون و الله ياتحليات مخلاوش فيا يامي يامي يعطيك الصحة يا لحبيبة ربي ينجحلك وليداتك و بوسيلي مريومتي
ام كامي حبيبتي طلتك عندي بالدنيا و مافيها متعييش روحك كي طلي علينا تكفينا
ههههههه ههههههههه هههههه ضحكتيني طاطا ام ياسو ههههه طاطاتي حبيبة قلبي احلى بابيشة و لكن من حبيت ليها حبيت نعطيها اسم خاص يميزها ههههه
ربي يخليك و يحفظك و ياريت كل يوم نصبحو على نورك و تنورينا الكوزينة بطلتك روحي طيبي المحكوك وادعي لطاطاتي امممم
مرسي حبايبي نورتوا الكوزينة

اريج 07 · 2016-05-25, 10:00

ياعمري شكون دخلت ليزاتي باروكك سابح و لا طازة ميهمش المهم طلتك علينا حبيبتي و اطباقك لا يعلى عليها يا عمري