الطلاق بين الاهل و الخوف من الندم

nadine0159 · 2016-05-22, 19:15

اتمنى ظن الاعضاء و العضوات الكرام ان يبدين رايهن لانه مهم و انا محتارة انا متزوجة منذ عام و 9 اشهر زوجي و انا واجهنا صعوبات كبيرة حيث انني تزوجت به و انا من الشرق و هو من الغرب و هو كان يخدم ف الصحراء و عندو عام منذ كملها و درك راهو ف البليدة انا طلبي الوحيد هو اني نروح معاه كرهت الوحدة و ثانيا انا منحته مهلة لانه طلب النقل بلاك يمدولو سكنة المشكل هو البليدة فيها الغاشي و ما طارتلوش سكنة و في الواقع هو رافض فكرة الكراء و انا حاسة بالاختناق في دارهم ما عندي ما نحكيلكم المهم هو راجلي اللي يتهرب من موضوع الكراء و راهو غير ساكت و المهلة قريب تنقضي حتى بابا قالي ياخي قالي شهرين برك علاش راكي قاعدة وانا خدامة الحمد لله نقدر نعاونو بصح خشونية الراس تاعو راح توصلنا للطلاق اكيد مانيش عارفة واش ندير و في نفس الوقت بابا علابالي راح يدخل اذا شكيتلو و زيد انا حابة الاستقلالية وانا صدقوني صبرت اكثر مما تتصورو عليه و عليهم انا كرهت حياتي مملة يجيني 4 ايام كل 20 يوم ماهيش حياة نفوتها غير نغسلو و نطيبلو و نجري منا و منا و لوكتاه هو والف الحياة تاع الزوفر بصح انا نعاني كرهت و زيد رمضان وصل ماذا افعل حتى دارهم مكانش وين ندير الكوزينة او نطيب كرهت نسخف نطيب واش نحب نسخف نشري الماعن كي النسا نسخف نخطط لداري و مستقبلي بصح مكان والو هو ما يعرفش واش معناها الوحدة تعيش الغربة و الوحدة و احلام محطمة

nadine0159 · 2016-05-22, 19:24

هوما ما ياكلوش واش نطيب و هوما كي يوصل العيد ما يخليونيش نطيب لي قاطو العجوز و بنتها يديرو كل شيئ و انا خصرة فوق عشا و تخيلو يهدرو يقولو ماتعرفش هههههه ماعليش على خاطر كل شيئ نديرو بالخوف ساعات ما تصلحليش الحاجة المهم عندي مشكل تاني راجلي يصرف عليهم تخيلو عندي اخته معلمة و اخوه يخدم ف البلدية و اخوه يخدم ف السبيطار و شيخي يخلص التقاعد و غير هو اللي يصرف و فوق عاد الشيئ و الله بزاف بنا الطابق الاول و ما طارلي منو غير غرفة و مازال يفيني الطابق السفلي واش ندير كرهت عييت نهدر يقولي بغيتي نخرج خاوتي برا قلتلو لا بصح خمم فينا و في مستقبلنا

أم شروفة · 2016-05-23, 12:04

يا اختي نوصيك بالصبر ..اكيد هو راه ما لقاش ....وهذا هو الزواج .والله الواحدة منا راها شافت الحقرة والغش ولقينا الصبر هو الحل ويقولو اللي صبرت دارها عمرت ..رايحة تبقاي 15سنة معاهم مستحيل ..لذا اعتبري 5سنوات الاولى من حياتك وكانك في ثكنة عسكرية ورايحة تدي الحرية بعد 5سنوات ..انجبي الاطفال في هاذي المدة واعتبريها فترة تربية وعذاب ليك ..والزمن راه يخليهم يوالفوك ..وايضا انتي تعتادي على عقلياتهم ..لا تتطلقي اختي لان لو تطلقتي راح تندمي ..لان من يضمن انك ستتزوجين وحتى لو تزوجتي من يضمن ان زوجك يخرج مليح كما هذا ...الصبر اختي والله اتكلم عن تجربة لانو وبعد سنوات من زواجي لقيت اني ما كنتش فاهمة الدنيا مليح .وبعد الفراق وجدت انو الامر ما يستاهلش نخمم فيه لحظة ونحرق اعصابي
اما المصروف خليه يصرف واجبو ..وهو خدام في الصحراء لاباي راها لاباس بيها ...لذا خلي دراهم تروح عند اهلو احسن من تروح لجهة انتي مش عارفتها ..ومع وجود الاطفال راهم اهلو يعودو يساعدو فيه وما يلحقش

soulami sousou · 2016-05-23, 19:19

[[[ دعاء لطلب وجلب الرزق ]]]
( اللهم يا مُقيل العثرات , اللهم يا قاضي الحاجات , اللهم أقضي حاجتي , وفرج كربتي , وارزقني من حيثُ لا أحتسب )
( اللهم سخر لي رزقي , وأعصمني من الحرص والتعب في طلبه , ومن شُغل الهمّ , ومن الذُل للخلق , اللهم يسّر لي رزقاً حلالاً , وعجّل لي به , يا نعم المُجيب )
( بسم الله الرحمن الرحيم { قل هو الله أحد } بفضلها يارب , لا تكلّني إلى أحد , ولا تحوجني إلى أحد , وأغنني يارب عن كل أحد .. يا من إليه المُستند , وعليه المُعتمد , عالياً على العُلا , فردٌ صمد , مُنزه في ملكه ليس له شريكٌ ولا ولد , ورزقهُ ميسر يجري على طول المدد , ياسيدي خُذ بيدي من الضلال إلى الرشد , ونجني من كل ضيق ونكد , يا إله الفضل , بحق { الله الصمد * لم يلد ولم يولد , ولم يكن له كفوا أحد } .. )
( اللهم إن كان رزقي السماء فأهبطه , وإن كان في الأرض فأظهره , وإن كان بعيدا فقربه , وإن كان قريبا فيسره , وإن كان قليلا فكثره , وبارك اللهم فيه )
( اللهم سخّر لي الأرزاق والفتوحات في كل وقت وساعة , وهوّن علي كل صعب , ويسّر علي كل عسير , اللهم أقذف في قلبي رجائك , وأقطعه عمّن سواك , حتى لا أرجوا أحداً غيرُك , اللهم وما ضعفت عنه قوتي , وقصُر عنه عملي ولم تنتهي إليه رغبتي , ولم تبلغه مسألتي , ولم يجري على لساني مما أعطيت أحداً من الأولين والأخرين من اليقين فحصني به , يا رب العالمين )
( اللهم ارزقني رزقاً حلالاً , اللهم وأستجب دُعائي بلا رد , اللهم إني أعوذ بك من الفقر والدّين , وقهر الأعداء , سبحان الله المُفرج عن كُل مكروب , ومدّيون , ومحزون )
( اللهم إني أسألك أن ترزقني رزقاً حلالاً واسعاً طيباً من غير تعب .. ولا مشقة .. ولا ضيرٌ ولا نصب , إنك على كل شئ قدير )
( اللهم لا تجعل بيني وبينك في رزقي أحداً سواك , واجعلني أغنى خلقك بك وأفقر عبادك إليك , وهبّ لي غنى لا يُطغى , وصحة لا تُلهى )
( اللهم إني أسألك من فجأة الخير , وأعوذ بك من فجأة الشر , اللهم صُب لي الخير صباً صباً , اللهم وارزقني طيباً )
( يا كريم .. اللهم يا ذا الرحمة الواسعة , يا مُطلعاً على السرآئر والضمآئر , والهواجس والخواطر , لا يعزبُ عنك شئ , أسئلك فيضة من فيضان فضلك , وقبضةٌ من نور سلطانك , وأُنساً وفرجاً من بحر كرمك , أنت بيدك الأمر كله , ومقاليد كل شئ , فهب لنا ما تُقرُ به أعيُننا , وتُغنينا عن سؤال غيرك , فإنك واسع الكرم , كثير الجود , فببابك واقفون , ولجودك الواسع المعروف منتظرون , يا كريم يا رحيم )

soulami sousou · 2016-05-23, 19:19

[[[ دعاء لطلب وجلب الرزق ]]]
( اللهم يا مُقيل العثرات , اللهم يا قاضي الحاجات , اللهم أقضي حاجتي , وفرج كربتي , وارزقني من حيثُ لا أحتسب )
( اللهم سخر لي رزقي , وأعصمني من الحرص والتعب في طلبه , ومن شُغل الهمّ , ومن الذُل للخلق , اللهم يسّر لي رزقاً حلالاً , وعجّل لي به , يا نعم المُجيب )
( بسم الله الرحمن الرحيم { قل هو الله أحد } بفضلها يارب , لا تكلّني إلى أحد , ولا تحوجني إلى أحد , وأغنني يارب عن كل أحد .. يا من إليه المُستند , وعليه المُعتمد , عالياً على العُلا , فردٌ صمد , مُنزه في ملكه ليس له شريكٌ ولا ولد , ورزقهُ ميسر يجري على طول المدد , ياسيدي خُذ بيدي من الضلال إلى الرشد , ونجني من كل ضيق ونكد , يا إله الفضل , بحق { الله الصمد * لم يلد ولم يولد , ولم يكن له كفوا أحد } .. )
( اللهم إن كان رزقي السماء فأهبطه , وإن كان في الأرض فأظهره , وإن كان بعيدا فقربه , وإن كان قريبا فيسره , وإن كان قليلا فكثره , وبارك اللهم فيه )
( اللهم سخّر لي الأرزاق والفتوحات في كل وقت وساعة , وهوّن علي كل صعب , ويسّر علي كل عسير , اللهم أقذف في قلبي رجائك , وأقطعه عمّن سواك , حتى لا أرجوا أحداً غيرُك , اللهم وما ضعفت عنه قوتي , وقصُر عنه عملي ولم تنتهي إليه رغبتي , ولم تبلغه مسألتي , ولم يجري على لساني مما أعطيت أحداً من الأولين والأخرين من اليقين فحصني به , يا رب العالمين )
( اللهم ارزقني رزقاً حلالاً , اللهم وأستجب دُعائي بلا رد , اللهم إني أعوذ بك من الفقر والدّين , وقهر الأعداء , سبحان الله المُفرج عن كُل مكروب , ومدّيون , ومحزون )
( اللهم إني أسألك أن ترزقني رزقاً حلالاً واسعاً طيباً من غير تعب .. ولا مشقة .. ولا ضيرٌ ولا نصب , إنك على كل شئ قدير )
( اللهم لا تجعل بيني وبينك في رزقي أحداً سواك , واجعلني أغنى خلقك بك وأفقر عبادك إليك , وهبّ لي غنى لا يُطغى , وصحة لا تُلهى )
( اللهم إني أسألك من فجأة الخير , وأعوذ بك من فجأة الشر , اللهم صُب لي الخير صباً صباً , اللهم وارزقني طيباً )
( يا كريم .. اللهم يا ذا الرحمة الواسعة , يا مُطلعاً على السرآئر والضمآئر , والهواجس والخواطر , لا يعزبُ عنك شئ , أسئلك فيضة من فيضان فضلك , وقبضةٌ من نور سلطانك , وأُنساً وفرجاً من بحر كرمك , أنت بيدك الأمر كله , ومقاليد كل شئ , فهب لنا ما تُقرُ به أعيُننا , وتُغنينا عن سؤال غيرك , فإنك واسع الكرم , كثير الجود , فببابك واقفون , ولجودك الواسع المعروف منتظرون , يا كريم يا رحيم )

anfal12 · 2016-05-23, 20:48

يا اختي تشيتيني في الجرح ربي يفرج عليك و عليا
انا تاني محبش راجلي يكري راني في 5 سنين وعندي ولد شمبرتي ضيقا بزفاف ماقديتش نزيد اطفال
راني كل يوم نهبل فيه باش يكري معرفتش كيفاش ندير

أم ياسين69 · 2016-05-23, 22:46

كاين العكس نتاعك elle profite de la situation . مثلا نتي راكي تقولي خدامة الحمد لله امالا لمي دراهمك خبي كيما يقولو خاطر يجي نهاى وين غادي يقواك ماعنديش .او شري الماعن و قش الدار [ضروريات طبعا] او حطي في بنك هدا ادا كنت تخدمي في حالة العكس sur يعطيك مكتوب تقدري دسي منو وتشري واش تحبي. لازم يتعود اعطائك مصروف خاطر قاع الوقت غايب. اما عن باقي العائلة ما تعمريش راسك مابغاوش يخلوك توري شطارتك راكي مازالك عروسة و صغيرة عندك متلا هدا المنتدى تتعلمي منو بزاف الله يبارك او طلبي تتعلمي حاجة باه تلهاي فيها و ما تخميش بزاف. الاهم مين يجي راجلك بعد غياب طويل ما تلقايهش بالزعاف ولا بالتنقريش باه ما تعطيهش l occasion يهرب عند اهلو بالعكس لازم من عندك ما يخرجش. ونتي و شطارتك. و صدقيني والله غير يجي النهار وين يقرر يسكن وحدو باه يعيش حياتو و ديري حاجة تعلمنها انا بعد سنوات من التجاىب و المشاكل انو حتى حال ما دام على حالو. و اما الطلاق فالعياد بالله ما تزيديش تفكري فيه جيتي من الشرق للغرب وريلنا شطارتك بنتي و رانا كامل معاك و اولا و اخيرا ربي معاك. Bon courage.

nadine0159 · 2016-05-24, 10:19

شكرا حبيباتي على النصائح راني نعاني تجيني القلقة انا علابالي الهدرة تاعكم صح بصح راني سخفت ندير الدار صحاباتي يهدرو على ديارهم و واش يشريو و واش يطيبو و انا نشوف بالعين

~~ibtihal18~~ · 2016-05-24, 12:17

يا ختي لعني بليس و نحي كلمة الطلاق من لسانك و اذا كل وحدة فينا يجيها مشكل تجري تطلق راهي خلات هذا هو الزواج لازمو صبر كبيييييييييير و بزاااااااااف نسا في حالتك او اكثر منك و رانا كامل بلا دار و كاريين خردة ماشي مامبا دار ما نقدرو نتصرفو فيها ما نقدرو ندخلو ليها واش نحبو و الحمد لله و عادي لانو دوام الحال من المحال و يجي نهار و تستقلي وحدك نهار يلقا عندو عرمة ذراري وحدو يخمم يستقر و ان شاء الله ربي يرزقك بالذرية اللي تونسك و رح تتبدل حياتك حتى لو قعدتي تسكني معاهم و ابروفيتي ربيه مليح مدام ما يحتاجوكش تطيبيلهم و تاني على المصروف خليه يصرف هذو والديه و خاوتو مي في نفس الوقت ما يبخلش عليك و هذا حقك انو ينفق عليك حتى لو كنتي خدامة و رح يجي نهار يفيق مع روحو بلي يحتاج يلم صوارد و يدير الدار ما تتقلقيش برك الزمان راه يمشي غمضي عينك و فتحيها تلقاي روحك خرجتي وحدك و تاني حاجة لوكان نقارنو انفسنا بالناس ما نقدروش نعيشو لازم نشوفو اللي اقل مننا باش نقنعو و نحمدو ربي على واش عطانا شوفي المريض و حمدي ربي على الصحة و شوفي للفقير و حمدي ربي عندي واش تاكلي و شوفي اللي بدون ماوى و حمدي ربي انك مستورة في شامبرة و هكذا
الطلاق مش ساهل غير هدرتو مش ساهلة فمابالك تطلقي بالفعل
ربي يسهلك و يفرجها عليك و علينا اجمعين

oum imane83 · 2016-05-25, 10:24

اقتباس:

المشاركة الأصلية كتبت بواسطة ibtihal18

يا ختي لعني بليس و نحي كلمة الطلاق من لسانك و اذا كل وحدة فينا يجيها مشكل تجري تطلق راهي خلات هذا هو الزواج لازمو صبر كبيييييييييير و بزاااااااااف نسا في حالتك او اكثر منك و رانا كامل بلا دار و كاريين خردة ماشي مامبا دار ما نقدرو نتصرفو فيها ما نقدرو ندخلو ليها واش نحبو و الحمد لله و عادي لانو دوام الحال من المحال و يجي نهار و تستقلي وحدك نهار يلقا عندو عرمة ذراري وحدو يخمم يستقر و ان شاء الله ربي يرزقك بالذرية اللي تونسك و رح تتبدل حياتك حتى لو قعدتي تسكني معاهم و ابروفيتي ربيه مليح مدام ما يحتاجوكش تطيبيلهم و تاني على المصروف خليه يصرف هذو والديه و خاوتو مي في نفس الوقت ما يبخلش عليك و هذا حقك انو ينفق عليك حتى لو كنتي خدامة و رح يجي نهار يفيق مع روحو بلي يحتاج يلم صوارد و يدير الدار ما تتقلقيش برك الزمان راه يمشي غمضي عينك و فتحيها تلقاي روحك خرجتي وحدك و تاني حاجة لوكان نقارنو انفسنا بالناس ما نقدروش نعيشو لازم نشوفو اللي اقل مننا باش نقنعو و نحمدو ربي على واش عطانا شوفي المريض و حمدي ربي على الصحة و شوفي للفقير و حمدي ربي عندي واش تاكلي و شوفي اللي بدون ماوى و حمدي ربي انك مستورة في شامبرة و هكذا
الطلاق مش ساهل غير هدرتو مش ساهلة فمابالك تطلقي بالفعل
ربي يسهلك و يفرجها عليك و علينا اجمعين

Rani mwafkat à la kol kalma koultiha

Sahibat le mawdhou3 Rabi yfaraj alik w alinéa

nadine0159 · 2016-05-25, 13:08

امين شكرا على تفاعلكم

sasou2013 · 2016-05-31, 14:45

ربي يفرج عليك و علينا ياودي لوكان تشوفي هم ناس تناي همك المهم رام خاطيينك خليهم يطيبو و نتي تفشي راني بكوزينتي وحدي ملكتش ربي وكيلهم انا يجوني لكوزينتي يا اختي و يخربو و تهموني في شرفي و صبرت مرت سلفس تجي تحل عليا تواقي تع كوزينة و سال دوبان و قالو معفونة متحلش تواقيها قلت خليهم انا مادام نروح نخدم و هوما بونيشات يهوولي الداارررر باه منقلقش .....و انا و الله والله يا اختي غير نرفدهم و نحطهم في الشغل هوما شحال من مرة في الدار الدود كلاهم انا حمد لله داري دخات على السيمان و تولتها نهار 3 تع زواجي سبت روحي نطيب و انا صدقيني مغرف معنديش بعد ما لوستس دارت فيا الباطل خرجتني من الدار نهار 3 يوم نمشي و نبكي في الزنقة على جال خرجت مع راجلي و خرجو فيا غير كلام العيب و مزالم دايرين فيا الباطل درك رام يفرقو بيني و بين راجلي غير نجي من خدمتي يجو يعيطولو سحقينا هدي و هدي ...و لا يبعتولي ولاد سلفي يقعدو عندي في بيتي و الا يديهم يدور بيهم المهم منقعدوش كيفكيف انا و راجلي
وش نحكي وش نخلي في الوحم ديالي سمعو بيا اونسانت جاو ليا للبيت حبو يدربوني من بعد انا قريب طرحت راحت قعدت في دارنا و كي نروح لدارنا تنود القيرة في الدار علاه تروح لماليها حتى كي مايكونش راجلي يبات في الخدمة لازم نبات وحدي و انا مريضة و منروحش لدارنا مالقري قريبة...
سمحيلي يا اختي طولت عليك قلبي راه معمر راني نحكيلك باه تفهمي بلي مكنش لي راي مهنية وكلي ربي و ربي يفرج عليك حاولي تقنعي زوجك و متخميش في الطلاق لانو انا تالموضاقت بيا الدنيا هدا لايام خممت نطلق بصاح خممت راه جايني مزيود وزيد بزيادة منيش حابة نحققلهم الشء الي حبوه

nadine0159 · 2016-06-01, 13:50

Ana tlabt yaddini puisque nafsiyan maniche pliha kraht wana norgod wahdi kraht mahtaja lahnana mahtaja lwans mahtaja nhass rani mra mahtaja ykoun m3aya ki namrad ki yamrad waldo ki naskhaf ala haja kol chi hatta alhadra f telephone maychaba3nich ghir za3ma nahdar haja hak walla hak ykoupi manakdarch nousaflak almo3anat

(( هبة الرحمن )) · 2016-06-01, 16:09

نقولك اختي مشكلتك لا في أهله ولا هم يحزنون أنت بحاجة الى زوج يكون معك دائما. ...لو أنه معك الان لما تضررت من أهله.....بالنسبة للطبخ فطبخ الغرب يختلف تماما عن طبخ الشرق وانا من الغرب وأدرك جيدا ما اقول.
الله غالب تأتي أوقات على المرأة تحتاج زوجها معها رغم أنها لا تبين ذلك ...لكن للأسف الرجال يجهلون ذلك إلا من رحم ربي....
انت راكي خدامة تمر عليك أوقات تتمنين فيها أن يوصلك زوجك إلى العمل ...أو تخرجين معه لقضاء ما يلزمك.....
الوحدة للمرأة المتزوجة قاتلة جدا.
تعلمين لماذا أتحدث معك هكذا لأن زميلتي بالعمل وهي صديقتي المقربة تعاني بعد الزوج مثلك يلتقيان يومين في الشهر واليومان يمران شجار ....والله العظيم تحكي لي وتبكي خاصة وانها يتيمة الام ولا يوجد اقرب لها مني ...تحكي لي ادق التفاصيل لتفضفض عن نفسها وكل ذلك أثر سلبا على صحتها .....
أعانك الله .

nadine0159 · 2016-06-01, 23:13

صراحة انا قررت ان ياخذني معه او ساعتبره لا يحبني انا حابة في كل وقت راجلي معايا مالا علاش تزوجت باش نعيش وحدي مالا لوكان بقيت في دارنا خير انا طلبت يكريلي و يديني بلاك تم تم يمدولو سكنة و نتهناو بصح اذا ما حبش نروح لدارنا و نقولو كي تلقالي حل نرجعلك البارح ولدي مرض دامي سلفي للسبيطار ف الليل حسيت روحي ثقلت عليهم صح هادا ولد خوه بصح ثما ف السبيطار ما وقفش معايا انا نجري منا و منا المهم قلت في نفسي لوكان جا راجلي مت نتقلقش كيما هاك انا درك حاصلة مخاف نيتم ولدي نخاف نضحي و نندم نورمالكو هو يقول نجيب مرتي تغسلي و طيبلي و تونسني ووووو هو لا تقعدي عند بابا و ماكا مكرة فيك ههه مكرة هادي جامي سمعت بيها اول مرة مطيح فيها