احلى غلاص بالفراز لكل محبات الفراز مثلي

[انا هي رزيقة]

السلام عليكم البارح جربت غلاص فريز من مخاميخي و جاتني النتيجة امممم قلت نوريهالكم بلاك تحبو تعاندوني سورتو محبات الفريز انا نموت عليها و نحوس ندخلها في كل تحلياتي
في اناء عميق درت كاس بودرة شانتيلي و 3 ملاعق كبيرة فلان فراز( او باطة فلان ذوق فراز) مع 3 /4 كاس حليب بارد و كي طلعتهم مليح (لازم يجي عاقد) زدت فيه حوالي 20 حبة فراز مطحونة في الخلاط مع 1/4 كاس حليب و زدت طلعت مليح و الى المجمد . لازم تنحيها من المجمد بحوالي 5 دقائق او اكثر قبل متسربيها . و كي سربيتها زدت فيها قطع فريزصحاح صدقوني الذوق ياي و اممممم ثم امممممم لمحبات الفراز طبعا . و هذي هي النتيجة المنعشة و الحلوة