لا اطيقه

[مشكلتي]

[size=5]ما رايكم في رجل يقارب سنه الخمسين ويتصرف تصرفات لاتمت للرجوله بصله
انا من صغري تخليت عن تصرفات الصبيه وقلدت الكبار وكبرت في وقت مبكر جدا
هذا الشخص بغضته مرات ومرات وابتعدت عنه بسبب مستواه العقلي الصغير وتفكيره الغبي وافتعاله للمشاكل مع اني انسانه سيريوز بزاف ومعنديش ابدا الكلام الزايد ونعمر الفيد باشياء مهمة وانا اكاد اختم البقرة وعندي بزاف مواهب وهذا الشخص مالقري قرى ودا ليسونس ومشهور قدام الناس بلي ناس ملاح الا ان حقيقته العكس تماما عقله اصغر من عقل الناموسة وتفكيره تافه ويتدخل في امور لا تخصه مثلا تلقايه يعرف كل اسرار لنساء حتى صبغة تاع لشعر حافظها
كرهت من هذو العباد الصغار ومنقدرش نعيش مع غبي
ومكاش غنية مش حافظها
انا شفت راجل تاع الصح يعرف يصنع الكراسى باللوح والمسمار ويعرف يخدم بالاسمنت ويعرف يصلح ادوات كهربائية بينما هو يعرف غير يتفرج مسلسلات عاطفيه ويتبعفي مشاهير العالم وش من صباط لبسوه ووشمن صبغه داروها
تافه جدا
عدة مرات عبرتلو على كرهي الشديد لمستواه الضعيف فالتفكير وقتلو بلي منقدرش نحمل عقليه هابطه كيما هاك بصح يعاود نفس الخطء ويصر ان يبقى جحش غبي
انا ماقدرتش نزيد نتحمل وهو يصر انو يتمسك بيا لانه يقول لي لن اجد وحدة ماتشرطش وما تتقلشش كيما انا
انا صح مشرطتش حابةغير نجيب اولاد ونربيهم ونخرجهم قراء للقرءان مثل الدوسري والسديس
بصح هو والله مايستاهل

[ام رضوان]

السلام عليكم
اولا اختي فهمينا شكون هذا الشخص انا مافهمتش الا زوجك اوخطيبك او.....؟ قولينا باع نقدرو ننصحوك
ثانيا اختي القران راهو يربي ويدير هيبة للي يحفظو
بصح من خلال كلامك راكي داخلة عليها غير الفاظ ماتعجبش اسمحيلي
كيفاش جحش ناموسة......الخ
ربي يهنيك اميييين

[Rafik.B]

الامر وببساطة انه لا يناسبك ولا يناسب توجهاتك في الحياة ، ولاتضلميه معك لأنك تحتقرينه ولاتضلمي نفسك ايضا ، و أضيف بعض التعقيبات "جحش وغبي " ليس هكذا والأفضل ان تدعي له بالهداية ، "انا صح مشرطتش " وحدة متشرطش معناها في الأمور المادية ومظهر الشخص اما فيما يخص الشخصية ارى إنّو من الضروري إنّو تكون بعض التوافق وهو ليس شرط بل ضروري للنجاح الزواج . وايضاً اذا قادرة تتقبليه وتوجهيه للسراط السوي المستقيم فلك اجر عظيم ايضا . على كل حال انتى ادرى .

[~أميرة أميري~]

هههههههههههههههههههه جحش نموسة ههههههه برايي انتي لي يخصك تكبري عقلك

[غزلانْ]

السلام عليكم

على ذكر سيرة مشاهدته للمسلسلات و....أنتِ زوجته

و بصفته زوجك فكيف لكِ تنعتيه ب" جحش و غبي "

و تريدين أبناء حفظة للقرآن !!

فالأولى بك ان كنت زوجته أصلحيه ارشديه لا تسبيه و تحتقريه

و ان كنت لاتريدينه غير ذلك فكان ينبغي عليك الارتباط

برجل له حرفة بصفتك مهتمة كالنجار أو بناء..

ان كان اختيارك تقبليه و عليك بأن تطيقيه

بالتوفيق

[somis]

واش يقربلك هاذا الشخص ؟؟ من وصفك ليه باين انسان صامط الا كثر عليك احكي لباباك ولا لخوك يتفاهم معاه و كان الله في عونك

[أم عبد الكريم]

ا (شفت راجل تاع الصح يعرف يصنع الكراسى باللوح والمسمار ويعرف يخدم بالاسمنت ويعرف يصلح ادوات كهرباىية )
هههههههه ضحكني تحديد لمفهوم الرجولية .......


ء( ويصر ان يبقى جحش غبي)
ههههههههه
يا اختي شر البلية ما يضحك

[mrmilano1984]

جابلي ربي هدا موضوع لاعلاقة داخلين يتمسخرو بينا صراحة الفاظ سوقية وزد وحدة عمري ماشفتها تهدر علي راجلها وتفضحو كفك بتلك الطريقة الفاضحة غريب موضوعك حيرني

[ابراهيم داود]

ان كان زوجك اتمني ان يخلصه الله من شخص مثل..... امراة تحتقر زوجها وتسبه في غيبته وتذكره بسوء لا وفقها الله........ حاولي التخلص من صفات المراة النكدية......

[فاتي تيارت]

راجلك راهو عادى لوكان تشوفى بعض الرجال اواواوه منهم احمدى ربكم وحاولى تفهميه غير بشوية

[faty05]

هذا راجلك و لا وش ؟؟؟؟؟
اذا راجلك اصبري و بركاي ما تجي تسبي فيه هنا
و اذا خطيبك افسخي الخطوبة خطراش طحتي فيه تسبي من ذركا اذن من بعد كيف؟؟
اذا صديقك .... بدون تعليق

[لحن الحياة.]

no comment.....!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!

عبد ما تطيقيهش بعدي عليه وانتهى

[زبدة ذايبة]

هذا اختيارك

إذا كان زوج انت اللي اخترتيه

وإذا كان جحش انت اللي اخترتيه

[نور الفجر02]

هههههههههه ربي يعينك على رجل يشةف مسلسلات ويتبع لاكولار تاع شعر لكن عيب عليك تسبيه خاصة اذا كان زوجك ...حاولي معه ربما يمكنك اصلاحه

[AMINA.Z]

لا تطيقينه ..ابتعدي عنه و انتهى