دوباااارة من قلب بسكرة ياامي ياامي تفضلوا حبايبي

اريج 07 · 2016-05-09, 22:17

السلام عليكم حبايبي

الكثير منكم يحب الدوبارة لكن ميعرفش يطيبها اليوم حضرتلكم دوبارة من مطبخي قصدي مطبخ ماماتي ههههه
اولا نوضو مدام مزال الحال و شمخوا الحمص مع شوية كربونات هههه هاني هنيتكم من تخمام في الغدا تاع غدوى خخخخ

و صباح نوضوا كي الفحلات و حطي الحمص في الكوكوت مع شوية خميرة القاطو و الماء اكيد نبدلوه منطيبوهش في الماء لي شمخنا فيه اووكي
و كي يطيب مليييح نضيفلوا شوية ملح و زيت و ثوم مهرس(مطحون في المهراس)وشوية كمون و زنجبيل و راس الحانوت و نخلوهم فوق النار شوية

و مبعد نروحو نوجدوا لاصوص اممممم ياخرابي
نحي شوية من المرق لي طاب فيها الحمص و شوفي كي ديري حوالي كاس من المرق زيديلوا 2مغارف طماطم معلبة و مغرف فلفل عكري حااار و نص مغرف راس الحانوت و شوية زيت و شوية زيت الزيتون و حطيهم فوق النار يغليو شوية
و بجهة نقطع حبة طماطم مكعبات و 3 جواوات فلفل حاااار و شوية دبشة و فلفل بومنقوع

و مبعد نخلطو قيس ما ناكلوا و اكليد نزيدوا الزيت زيتون فوقها اممممم
اترككم مع الصور توضح اكثر

وهءا الصحن لحبايب قلبي

وااااع على جالكم درت نظارات تالمو ماعودتش نشوف و انا كل يوم معاكم ولا استطيع فراقكم ههههه حبايبي انتظر تطبيقاتكم دعوة خير تكفيني
قبلاااااتي الحااااارة
👄💋👄💋
سمعتيني ام هدول ولا نعاود قبلاتي الحاااارة ههههه سلام حبايبي

x ام رحاب x · 2016-05-09, 22:33

بصحتك حنونة راهي اتشهي تسلم ايدك فحلة

ام محمدْ ومريمْ · 2016-05-09, 22:47

رووووعة حبيبتي مشكورة وربي يحفظلك ماماتك حبيبت قلبك

ام هدول · 2016-05-09, 23:17

رتوجة تشبه بزاااف للحمص لي ندير في طريقة التحضيرمن لي تشمخها حتى طفي عليها فقط الحار مانكترش والدوة تاها يطيب معاها كي نسربيو نضيفو الكمون والدبشة والبصل وزيت الزيتون طبعا
في قسنطينة نقولوها حمص دوبل زيت وطيب على لجمر امممممممممممممممممممممممم
القبلات وصلت مليح كي كترتي منهم خير من وحدة نتقاسموها مانعرف علمن طير

اريج 07 · 2016-05-09, 23:17

اقتباس:

المشاركة الأصلية كتبت بواسطة x ام رحاب x

بصحتك حنونة راهي اتشهي تسلم ايدك فحلة

تسلميلي حبيبتي

اريج 07 · 2016-05-09, 23:18

اقتباس:

المشاركة الأصلية كتبت بواسطة وداد ام محمد

رووووعة حبيبتي مشكورة وربي يحفظلك ماماتك حبيبت قلبك

اميين حبيبتي و يحفضك ما عندك

اريج 07 · 2016-05-09, 23:21

اقتباس:

المشاركة الأصلية كتبت بواسطة ام هدول

رتوجة تشبه بزاااف للحمص لي ندير في طريقة التحضيرمن لي تشمخها حتى طفي عليها فقط الحار مانكترش والدوة تاها يطيب معاها كي نسربيو نضيفو الكمون والدبشة والبصل وزيت الزيتون طبعا
في قسنطينة نقولوها حمص دوبل زيت وطيب على لجمر امممممممممممممممممممممممم
القبلات وصلت مليح كي كترتي منهم خير من وحدة نتقاسموها مانعرف علمن طير

هههههههه
يعطيك الربح على قولت طاطاتي ام تاجو ضحكتيني
تسلمي حبيبتي و الجزائر معمرة خيرات