مشكلتي

[مشكلتي]

السﻻم عليكم
اوﻻ اريد حذف الموضوع بعد ثﻻث ايام بارك الله فيكم
انا فتاة وككل الفتيات تتمنى زوج صالح بداية مكنتش دايرة الموضوع في بالي اطﻻقا المشكل بدا لما صرت وين نروح نصيب هدا الموضوع زميﻻتي يتكلمو على خطيبهم واخرى قالتلي جاو خطبوني و ماقبلتش اما انا نستغرب وﻻ واحد طرق الباب حتى الخزرة مايشوفوش فيا معظمهم يحوسو على الجمال. بصح نقول الزواج هو مكتوب من عند ربي سبحانه .الامر لي غاضني اكثرررر هو عندي اخي عندو صديقو ماشاء الله سمعتو مرة اخي يتكلم عليه وقال انو يحوس على بنت قصد الزواج و قالو حوست شحال من وحدة و ملقيتش علما انو صديقو شايفني لما كنت صغيرة وقتها قلت في قلبي و عﻻش ميقولوش عليا سواءا اخي وﻻ الصديق و لي حيرني مرة سمعت اخي يتكلم مع امي و قاللها صاحبي مسكين عيا و هو يحوس حتى وﻻ يحوسلي ليا .. اخي دايما يقولي شوفيلي كاش بنت و انا مرة خيرتلو افضل صديقاتي من ناحية التربية و الاخﻻق وحتى الجمال بصح مقبلش بسبب وﻻيتها. حبيت نسألكم خويا يعلم باخﻻقي و ديني في رايكم عﻻش ميعرضتش اختو على الصديق و حتى صديقو مكلموش عليا .نظن انو هاد الموضوع منتشر بزاف البنات يحوسو على بنات لاخوتهم الذكور .و هاد السؤال مخصص للذكور هل تعتقد انت انو لو تعرض اختك قصد الزواج لصديقك الصالح تشوفو امر عيب او نقصان او تبهديل ؟ صرت نبكي كل ما نشوف صديقاتي ﻻبسين الخاتم. ندعي ربي يرزقني و يرزق كل عازب و عزباء بالزواج و الحياة الطيبة .يا ريت تتفاعلو مع موضوعي ولو بكلمة قبل الحذف

[إسلام الفاروق]

خوك لاهي بصوالحو ماشي خدمتو يحوسلك على زوج

لما نكون في سن المراهقة تقولو الاب من يتدخل في حياة البنت وليس الاخ

حوسي انتى على راجل و اقفزي اخطبي روحك ياك انتي راح تتزوجي بيه ماشي خوك

[AMINA.Z]

ربي يرزقك الزوج الصالح
اختي المراة تحس بقيمتها كي يخيرها الرجل عن قناعة و هو اللي يبحث عليها ماش العكس.
اصبري و خليك عزيزة ...و ما تغيرك حتى وحدة ...كل واحد يدي مكتوبو و المكتوب عندو وقت ...اصبري.

[mrmilano1984]

انا عمري مانعرض مانحصل تبدا عقليتي هكدا لانو لو قدر الله يكون مش جيد تدور عليا او ربما تكون فيه عيوب مع بعد الزواج ونحصل نعاها ههه عمري مانديرها هدا رايي انا

[الطيب الجزائري34]

استعيني بامك و افتحي معها الموضوع بالحديث عن الزواج ربما ستقول لاخوك عن صديقه ان كان يرغب في التقدم لك , و لا تربطي حياتك و سعادتك بالزواج.

[beautifulmin85]

السلام عليكم ورحمة الله وبركاته

يعني كما قال الاخوة الامر حساس نوعا ما وحسب رأي ان الامر ليس بتلك البساطة

فالصديق يكون يعرف ادق تفاصيل صديقه ومنها عيوبه فلا يفكر ان تكون اخته زوجة لصديقه

الذي فيه كذا وكذا فالأمر ليس مستساغ والامر لا يعنيك انت فانت تعرفين نفسك وانك تتسحقين زوجا صالحا

لكن الامر يتعلق بالصداقة التي بينهما هي المانع فلو كان مثلا يعرفه من بعيد وليس بينهما صداقة متينة كان ممكن

ان يدلوه عليك ويتقدم اليك ويتعرف على اهلك واخوك ولكن احيانا يكون القرب سببا في البعد

هذه هي الحياة هناك امور تحصل ليس للمنطق فيها اي مكان ومادام انه وصل بك الحال في تمني الزواج

حتى صرتي تفكرين في صديق اخوك فلماذا لا تلجئي الى الله ادعيه في كل ليلة وانتي تصلين ركعتين له سبحانه

ان يرزقك الزوج الصالح فهل سيخيب ظنك وانت تلجئين اليه ؟؟

أكيد لا فالجئي الى الله واصبري ولا تغرنك ما ترينه من قريناتك فكثير مما ترينه ليس حقيقيا

فقد تضحك لك صديقتك وتقول لك انها سعيدة لكن لو رايت واقعها لرايت ربما المشاكل والاحزان

هذه هي الحياة فالشيطان يحاول ان يصور لك مشهدا معينا انه الجميع سعداء وهانؤون وانتي فقط من تعانين

وهذا ليحزنك ويحرفك عن الطريق المستقيم فاياك اياك ان تنخدعي له بل احمدي الله على ما قدره الله واساليه الفرج

ونسأل الله لك الزوج الصالح والذرية الصالحة وان يلهمك الصبر والقناعة والرضى اللهم آمين

[لمسة ابداع]

قلتيها بفمك الزواج مكتوب ربي صدقيني اختي مكانش فد يخطبك واحد عن قناعتو الشخصية رايحة تكوني عزيزة
المهم انا نقولك
اصبري اصبري اصبري
وادعي ربي و كثري من الاستغفار اكيد رايح يجي نهار و تتخطبي و تضحكي على روحك و تقولي صح انا كنت حاطة عيني على صديق اخي
اسئل الله العظيم رب العرش ان يرزقك و جميع بنات المسلمين ازواجاااااا صالحيييييييييييييييييييين

[إنسانة بسيطة]

لو كان المجتمع يمشي بعقيلة كل صديق يتزوج اخت صديقه لما بقيت عنوسة لكنها مكاتيب مقدرة من عند رب العالمين
ولم ينقرض الرجال حتى تنظري لصديقك اخيك ثم ان لاخيك اسبابه ربما لا يريد خسارته في حال عدم تفاهمكما او انه يعلم عنه اشياء ولا يريد توريطك معه او لاي سبب كان

[Rafik.B]

اخوك حتى لو أراد ذلك مش راح يقولو لأنها ثقيلة بزاف او ربما يشوف فيه مش مناسب ليك وكان جا مكتوبك كان ماحوس ما والو وجا ليك مباشرة . نحي صديق خوك من بالك واصبري حتان يجيك مكتوبك في القريب العاجل أنشالله ،الانسان اللي قاصدك مباشرة ومقتنع بيك .