معلومة غريبة عن توظيف الضباط (شرطة-جيش-درك) اخبرني إياها ضابط fs شخصيا

[abdou amsterdam]

السلام عليكم
خاوتي كنت معا واحد ضابط fs هو لي يدخل الخدامة و عندو معارف كبيرة ... إلخ
وسوسني كيما قالي بلي كي تدفع الدوصي تاع ضابط لازم تكون جامي عاودتي العام في القراية -جامي دوبليت
و الله حيرني اسكو المعلومة تاعو صحيحة و لا خاظئة ربي يعيشكم اكدولي لاكان صحيحة و لا لا في اقرب وقت يا خاوتي لأني نقرا في الجامعة و قريب نخسر العام

[بن اصفية اسماعيل]

لا أساس لها من الصحة أدفع الملف والباقي على الله
المهم تكون عندك شهادة جامعية

[jaycutler]

المشاركة الأصلية كتبت بواسطة بن اصفية اسماعيل

لا أساس لها من الصحة أدفع الملف والباقي على الله
المهم تكون عندك شهادة جامعية

هما في الحقيقةعلابالهم بكل شي علينا لخطرش يديروا بيفي كامل علينا ولكن كل شي بيد ربي لخطرش لتل تعرف واحد مكرر شعال من خطرة راه ربح وراح في عنابة ملازم اول يعني حتى حاجة مراهي مؤكدة

[mohRline]

الله يفرج عليك أخي

[amine19s]

ليست الشرطة من يقرر اخي
قانون الوضيف العمومي هو الدي يقرر
و لا توجد اي مادة تحكي على الشي لي راك تقول فيه
شكرا

[islamnd]

kayna menha khoya jamé madoubli w en plus ykoun l'age ta3ak : 22 ans licence / 24 master voila

[siradj18]

نعرف السيد دوبلا في الجامعة و دوكا راه ضابط شرطة ..

[amine0007]

مكانش منها طول المهم السن نتاعك يكون مقبول وشهادتك .اصلا كي تشوف بانسبة للضباط في الدرك طالبين 22 سنة معناتها هاديك هي لي مايدوبلي حتى عام كي يتخرج يكون عندو 22سنة بصح كي دوبلي عام برك معناتها تولي 23 سنة وهكا فاتك الوقت.............................

[sof-r]

الصحيح هي انك تكون دخلت 5 سنوات تدرس+تكون عندك 21 سنة

اي هده السنة التوضيف خاص باصحاب 95

وهدا ما حدت العام الي فات في الدرك

اما ادا كنت تملك ماستر2 فالسن 23 سنة

صديقي نهار زيادة ماحابوش يشدو عليه دوسي

[abdelhakim-92]

نزيد نقولك حاجة أنا في وهران سقسيت بوليسية قاتلي اللي دفع من قبل وخسر ولا دفع ومارحش فوت الكونكور تاع ضباط الشرطة مايقبلوهش واذا دفع ضابط وخسر ومن بعد دفع عون امن ماغاديش يقبلوه
لكن تباني كل هادا خرطي