بروبلام تسلام 2

[مشكلتي]

السلام عليكم

شكرا لكل من رد على الموضوع
مشكلة ضحك صح و الله الموقف صعب خاصة انا من ناس لنكره نتبهدل بالخصوص نتعامل مع اجانب وعائلتي موجوده منعرف جاي هك انا مهتم جدا بطريقة اللقاء من البداية لانها ستكون الواجهة يعني تصرقاتي في اول لقاء راح تبقى نفسها الى اخر العمر كشغل قوانين لنوليو نمشيو بيها
الفتاة لا تربطني بها اي صداقة نعرفها من بكري من بعيد برك و هي كدلك حتى رقم الهاتف تعها معنديش و الرؤية الشرعية معملنهاش انا بعث خويا يحكي مع والدها المهم وافقوا و تفاهم معاه على موعد زيارة لتعارف بين العائلتين و ثاني يتفاهمو ع شرظ و يحدوا موعد العقد و الفاتحة في يوم واحد المهم انا حكيت مع خويا في هدا الموضوع هو سهلهالي قالي في الزيارة متروهش خليني ندبر راسي

الدي يقول ام الزوجة لاتزال اجنبية نفرضو تم الزواج كل شيئ يعني تصبح غير أجنبية و محرم ؟ يعني مين نكون منسلمش عليها نولي نسلم عليها ؟ دجيني بيزار يانبداو نسلمو من لول يا منسلموش خلاص حسب ردودكم نشوف فيها نلقي السلام من بعيد برك و نبقى هكدا و لو بعد الزواج و لجرى جرى منحطش روحي في موقف محرج مانمد وجي لا نمد الفرصة باه يعطيوني وجوهم
بروبلام تاع تسلام الله غالب لانو ناس كامل تسلم على حماتهم نورمال قلت ربما عند زواجي تصبح ام زوجتي من المحارم او شيئ من هذا القبيل و الواضح ان الامر تقاليد لتعزيز العلاقات و الله من هادي عرفت علاش منقدروش نتزوجو ترونكيل بدون ضغط نفسي و الحسابات التافهة و السبب العلاقات و التقاليد المتعفنة تخليه ميعرفش منين يبدا قادر تعمل حاجة بنية بغير قصد يتوسوسولك و تولي حكاية السهرة بلاك لبنات يشوفوها حاجة عادية لكن تضر شوية يا درا الشباب ليقصد والد الفتاة و يلاقي الرفض
ربي يستر برك