عجيجات بطاطا بطريقة صحية و بنينة

سيرين 5 · 2016-03-30, 11:35

1- في كسرونة حطيت حبة بطاطا تتغلى مع حبتين بيض

2- و في مقلاة حطيت حبة صغيرة بصل رابي مع حبة حار مقطعة يتقلاو في شويا زيت (نصيحة ما تحطوش الحبة تاع الحار طغى الذوق تاعها و خبا النكهات الأخرى) و المعدنوس

3- حطيت حبات زيتون يتغلاو باش نحيلهم الملح الزائد

4- كي طاب الزيتون ميكسيتو مع البصل و الحار و حطيتو مع البطاطا معبزة و البيض معبز و الطون و جمعتهم بحبة بيض

5- و زدت نشفتها بشويا فرينة تاع القمح الكامل

6- شكلتها عجيجات و رمدها في الفرينة تاع الشعير و بعدها في البيض و بعدها لاشابلوغ و دهنت صينية الفرن بالزيت و ستفتهم و زدت دهنتهم بشويا زيت من فوق باش يتحمرو

7- و قدميهم بالصحة و الراحة طريين من الداخل و يقرمشو من برا لكن نصيحة استغنو عن حبة الحار لأنها خباتلي النكها الأخرى كيما الطون و الزيتون و تقدرو تزيدو الجبن قليل الدسم