هلموا اسهل واحلى والذ جينواز لاجل عيونكن

[جنة الفردوسْ]

حبيباتي توحشتكم بزاف ان شاءالله راكم بخير اليوم جربت الجينواز بكرام شانتي وقلت لازم نشاركها معاكم
4بيضات كبار او 5بيضات متوسطات يكونو بدرجة حرارة الكوزينة +رشة ملح +5مغارف كبار سكر وخليتهم بالباتور حتى تولي كي الكريمة وتقدري تضيف مغرف او اثنين تاع الكاكاو +7مغارف فرينة لكن تغربيليهم وتضيفي بالشوي وتقلبي من الفوق للتحت +باكي خميرة وباكي فاني وخليها 10 دقائق طيب ومالازمش تفتحي عليها لا طيحلك الجينواز ا;وراكي تراقبيها من ورا الزجاج تاع الفرن واكي تعرفي اذا طابت والا لالا وامباعد كي طيب اكي تقسميها على زوج و تشربيها شوي شاربات خفيفة باه تكون طرية وامباعد نوجدو الكرام شانتي ونعلملوها كالاتي نجيبو كاس شانتي مع كاس حليب بارد واتقدري تضيفي شوي كاكاو(اختياري)ونضرب بالباتور و تحشي بيها الجينوزا تاعك مع الفواكه اللي تحبيها (انا درت البرتقال والموز) وتغلقي وزيدي زيني بالكرام شانتي وزدت زينتها بالموز والبرتقال.ودرت خطوط تاع شوكولا ممممممم
تنبيه
اخواتي اللي ماتحبش تسقي الجينواز بالشاربات لانو راح تجي حلوة بزاف تقدر تسغنى على الشاربات لكن بشرط انها تضيف في مقادير الجينواز مغرف زبدة ذايبة والدور تاع الشاربات او الزبدة الذايبة هما يرطبولنا الجينواز تاعنا

ونخليكم مع الصورة