قالو ذرك " يوالف "

[مشكلتي]

السلام عليكم
عندي اختي تزوجت منذ 3 اشهر ونصف
الشهر الاول كانت عند راجلها... ثم حياتها كلها معانا في الدار ( بقيت انا لم اتزوج بعد ، والدي ، والدتي وهي متزوجة عايشة معانا وناسية راجلها )
تخيلو 5 ايام من الاسبوع معانا
حتى والدتي نطقت لااراديا قالت ليها" احكمي دارك "
انا ماعندي مامدخلني في حياتها الخاصة لكن من الواجب نصح اختي
قلت لها كيفاه تتغدي معانا وراجلك شكون يغديه ؟؟ قالت لينا ذرك يوالف
انا تشوكيت
تخيلوا حتى النوم تنام معانا
هنا والدي اللي عمرو ماتتدخل في حياة اخوتي الذكور والاناث كي شافها جميع الايام تنام معانا تصبح معانا تفطر معنا وتتعشى معانا
قالها روحي دار راجلك ؟؟؟
كيفاه ترقد معانا والراجل مسكين يرقد وحدو ؟؟؟؟ لا غداء لاعشاء لامراة تقوم امور الدار ؟؟؟؟
وقبل أسبوع بالضبط والدتي شعلت فيها شعلة وحدة قالت ليها :لماذا تزوجك الرجل ؟؟؟
ماو باش تعاونيه وتقومي بامور الدار والمسؤولية ،، حتى الغذاء والعشاء وحقو ، مالا تزوجك ديكور ؟؟ "
وهي معلابالها والو في الزواج ( تحساب تزوجت الراجل بنك يصرف عليها فقط )
هنا حدث المتوقع في نظري
قبل 3 ليام الراجل رفعت قضية طلاق ضد اختي
( هنا ولت تبكي صح ،، تحسابو يجري وراها ) ودخلت بعضاه ودمرت نفسيتها
وجيت تشكي لينا ... ونحن واش رايحين نديروا ليها ( صراحة كثرت ليها )
وجاء زوجها وقال ليها "كملي عيشي حياتك مع داركم "
وحالو اختي غاضتني بزاف
يعني مع الحل المنطقي في مثل هذه الحال لكي نمنع الطلاق ؟؟