احتاج الى النصيحة ارجوكم

[zina flower]

مرحبا اخواني اخواتي سوف ادخل مباشرة في صلب الموضوع انا ابلغ من العمر 23 سنة متزوجة منذ حوال 7 اشهر اعيش مع اهل زوجي وانا الان اعاني منهم كثيرا هم من منطقة وانا من منطقة لكن من نفس الولاية تعرفت على زوجي وجاء لخطبتي لكن بعد الزواج تبين ان اهله لا يحبونني او بعبارة اخرى مايحبوش البرانية دائما يجرحونني بالكلام وانا لا ارد عليهم ابدا فقط احكي لزوجي لكن منذ ايام قليلة قامت اخت زوجي بشتمي ونعتتني بابشع الصفات حتى انها قالت باني لا استحي لاني عرفت زوجي ثم جاء لخطبتي كما نقول بالعامية نتي لي جبتي راجلك يعني ماتحشميش وقالتها بكلام بذيء جدا لا يمكنني قوله وقالت اني غير نظيفة في ملابسي واني واني....؟..ومن غضبي اتصلت بابي لياخذني الى بيت اهلي طبعا بموافقة زوجي وزوجي الان لا يتكلم مع اهله لانه احس بالهانة فما رايكم انصحوني.للمعلومة فقط زوجي لديه منزل مستقل لكني اخبرته ان اعيش مع اهله والان انا ناااااادمة )راني نحس بالذل والاهانة والله العظيم حتى امه وابوه كي سمعو سكتو وماقالو والو عجبهم الحال وانا طبعي مانرجعش الهدرة ونحترمهم بزاااااف على جال راجلي ) وانا حاااامل ادعولي عذرا على الاطالة

[أم ريتاج زهرة]

اختي اولا ربي يثبت حملك و الزعاف خطر على البيبي حافظي على روحك
ثانيا انتي راكي في عقلك ؟؟؟؟ الناس تحوس على السكن المستقل و انتي تحوسي على العايلة و المشاكل انتي اللي روحتي للمشاكل برجليك المهم كلش فات و على والديه الكنة جامي يعطوها الحق ظالمة و لا مظلومة المهم زوجك عطالك الحق

[zina flower]

المشاركة الأصلية كتبت بواسطة أم ريتاج زهرة

اختي اولا ربي يثبت حملك و الزعاف خطر على البيبي حافظي على روحك
ثانيا انتي راكي في عقلك ؟؟؟؟ الناس تحوس على السكن المستقل و انتي تحوسي على العايلة و المشاكل انتي اللي روحتي للمشاكل برجليك المهم كلش فات و على والديه الكنة جامي يعطوها الحق ظالمة و لا مظلومة المهم زوجك عطالك الحق

شكرا اختي انا وحدة جااايحة طلبت لباش نسكن معاهم بصح ندمت وراجلي يعرفني مانيش تاع ماشاكل وراه عاتيني الحق بصح قوليلي كي نرجع كبيفاش نولي نتعامل معاهم وشكرا

[أم ريتاج زهرة]

يا اختي الكريمة كي ترجعي هاد المرة رجعي لسكن مستقل
و ماتروحيش الا للمناسبات ما تقطعيهمش ماعليش فوتي على جال راجلك كاش حاجة روحي و اخته قيسيها في الثقيل و ماتخرجيش العيب من عندك. خير ما تولي عندهم انتي الظالمة و مين تولدي لهي في البيبي تنسي الدنيا باللي فيها
الكنة جامي تولي بنت امالا اربحي ملاحتك و راحتك بالتوفيق حبيبتي

[yako02]

جل البنات كي تعرفك انو عندها مسكن خاص مسكينة تختار العائلة زعما معليش نفوتو معاهم شوية يوالفونا و نوالفوهم حقا و عذرا غبااااااااااااااااااااااااااااااء
عندي سكن وحدي نعم نقول نسكن وحدي كل واحد يبقى في حدو و يبقى الاحترام و الله المشاكل لي راهي تصرا بين عائلة الزوج و العروسة مسكينة تافهة جدا و لاتستحق حتى نزعف عليها و لكن للاسف مجتمع ناقص ثقافيا و اجتماعيا و تفكير سطحي
من راي اختي طالبي بالذهاب الى سكنك الخاص خاصة راكي تقولي شتموك و عايروك جبتي راجل ايه هوما مزال ميتزوجو و ممنعرف كيف رايحة تتزوج راهي ضامنتها هي سبحان الله على عباد كيفاش دايرين
انتي راكي حامل متقلقيش روحك و نصيحة مني اختك في الله انا مش متزوجة و لكن نعرف حاجة اذا بغيت عدوك يموت اسكت و خليه اهم حاجة عندك زوجك يكون في صفك و تهلاي فيه و تهلاي في روحك
تقبلي مروري

[محمد جديدي التبسي]

ارحعي لبيتك وانعلي الشيطان كوني اوعي وارزن وثقلي روحك لازم تكون عندك شخصية قوية لا تسمحي لاحد بان يهينك وعاملي الناس بأخلاقك لا بأخلاقهم..الحياة هكذا ليست سهلة فيها تحديات كثيرة خاصة انت في عامك الاول بعد فترة ستستقر الاوضاع تفائلي خير تجديه ..ربي يهنيكم

[اللؤلؤ الابيص]

ربي يسلكك بخير وعلى خير ان شاء الله اطلبي من راجلك تسكني وحدك واعفسي على روحك واطلبي السماح من والديه حتى وماكيش غالطة وقولي لراجلك يرجع يحكي مع والديه على خاطر حرام يعادي والديه حتى وكانو غالطين واجبدي روحك اختي على سلفتك هادي على خاطر رح تزيدلك غير المشاكل وربي يكون في عونك

[solinne]

عجيبة غريبة كيفاه عندك بيت وحدك وقاعدة وصابرة على هاذ المعايرات هاذي بلا ما تخمي فيها عيطي لراجلك وفهميه مليح بلي لازم تستقرو وحدكم وخليه يدي القش وروحي ديراكت لدارك وقيسيهم في خبر كان وعيشي حياتك وخطيك من القيل والقال وهاذي فرصة تتحجي بيها باش تعيشي وحدك اغتنميها وان شا الله فيها خير

[صبرا13]

السلام عليكم و رحمة الله و بركاته
قبل ان اجيب عندي سؤال: هل زوجك من أبدى الرغبة في السكن مع بيت أهله فوافقته، ام انك انت من قال لنسكن في بيت ابيك؟
فإما اذا كانت الاولى وهذا المرجح، فلا ارى عيب في ذلك فكثيرا من الرجال من يتراجع عن المرأة كثيرة الشروط ، فلقد سّهلتِ فسهل الله عليك.
أتمنى ان تجيبيني قبل ان أواصل

[أم شهد*]

العام الاول نتاع الزواج يجي صعيب ياسر مش معناه العوام لخرين ساهلين بصح تكون فهمتي العقلية وعرفتي كيفاش تتصرفي وكيفاش تتعاملي مع الظروف
واش راح نقولك اصبري وراه ربي يفرج عليك و تعمريش راسك بهدرتها هذو هم الطفالات يتصرفو مع زوجة الاخ على انها ضرتهم

[اياد حياتي]

انتي ديتي برجليك للمشاكل وعند راجلك دار وحدو واش تسناي انا كون فوضوي نسكن فيه الله يجيب الي فيه الخير

[zina flower]

المشاركة الأصلية كتبت بواسطة صبرا13

السلام عليكم و رحمة الله و بركاته
قبل ان اجيب عندي سؤال: هل زوجك من أبدى الرغبة في السكن مع بيت أهله فوافقته، ام انك انت من قال لنسكن في بيت ابيك؟
فإما اذا كانت الاولى وهذا المرجح، فلا ارى عيب في ذلك فكثيرا من الرجال من يتراجع عن المرأة كثيرة الشروط ، فلقد سّهلتِ فسهل الله عليك.
أتمنى ان تجيبيني قبل ان أواصل

انا قولتلو نعيش مع داركم واذا بدات المشاكل نخرج لداري وحدي بصح هو درك راه مسكن واحد فدار قالي نكملو 5 اشهر ولا 6 ونخرجو

[صبرا13]

المشاركة الأصلية كتبت بواسطة zina flower

انا قولتلو نعيش مع داركم واذا بدات المشاكل نخرج لداري وحدي بصح هو درك راه مسكن واحد فدار قالي نكملو 5 اشهر ولا 6 ونخرجو

بعني هناك تفاهم من المبدأ فالقضية محلولة من اصلها يبقى قضية صبر.
بتصرفي بحكمة و لا تجعلي عقلك وراء لسانك، اي فكري ثم تكلمي و ليس العكس، مثلا و هذا الشائع اللذي طلقت فيه الكثيرات كقول " يا داري يا ربي ينوب" هذا لا تقوليه و لو مزحا، و أنا اقصد اللفظ و ليس حقك في بيت مستقل، فنعم لهذا الاخير لكن ليس بالغصب و سوء الأدب، تكلمي مع زوجك بأدب و قولي له ان اخته ما زالت صغيرة و ان طيشها و اندفاعها قد يدخل كل أطراف العائلة في الصراع، حتى أبويه وان لم تسيئي لهما فمن الغريزة ان يكون الوالد رحيما بولده، فطول مدة الاحتكاك قد يأتي على صبر الجميع. و لا تنسي انه يؤخذ بالين ما لا يؤخذ بالشدة، اما لغة التهديد و الوعيد فلا خير فيها.
اما اذا عدت الى البيت فلا ترد على كلام سوء و اكضمي الغيض، و كوني كما قال الشافعي
يحدثني السفيه بكل قبح فاكره ان أكون له مجيبا
يزيد سفاهة فأزيد حلما كعود زاده الإحراق طيبا
فان افحشت لك اخت زوجك القول ثم رددت بمثله، فما مثل ذلك الا حمقاء كلمت حمقاء ( و لا أظنك كذلك ) فبما تفضلتي عمن اشتكيتي؟
فان أردت اجرا من الله تبتغيه و انت حامل تنتظرين الولد، فأحسني لأهل زوجك و اغفلي عن زلاتهم، عسى الله ان يسهل وضعك و يرزقا ولدا قرة عين شفاء صدر بارا مثل من أنجبته، و قد جاء رجل الى النبي (ص) فقال ان لي قرابة اصلهم و يقطعوني و أحسن اليهم و يسيئونالى، و احلم عنهم و يجهلون علي فقال (لئن كنت كما قلت فكأنما تسفّهم المل، و لا يزال معك من الله ظهير عليهم ما دمت على ذلك) رواه مسلم
المل : الرماد الحار و الظهير يعني الناصر و المعين
فمن أراد ان يملك رقاب الناس يحسّن اليهم و ليصبر على ذلك، اما اخت زوجك فلا يجب على زوجك ان يظهر لها الغيظ و العداء و يجب ان تتفهمي ذلك، لان ذلك سيكون كمن يكب الزيت على النار و الله الموفق

[أم اسحاق]

ربي يفرج همك حنونة كبري بالك واضربيهم في الزيرو

[AMINA.Z]

خلاص راهي محلولة ...اصبري ست اشهر
و كس. ترجعي ما تشبعيهمش هدرة و احبدي روحك عليهم
عني كون ما تتحتمش ما تهدري معاهم ما تخالطيهم
و اذا ما عحبهمش الحال ..قوليلهم ...نهار تحتارموني حوسو عليا.