موضوع مميز تفضلوا صور عزومتي تاخذو افكااار

ام رويدة · 2016-03-17, 14:35

السلااام عليكم ورحمة الله
حضرت عزومة للفطور حبيت نشارككم بيها بلاك تدو افكار...المهم درت شربة فريك ومونشون ورولي الدجاج واللحم المفروم بالزيتون والشومبينيون مرقة بيضا طبعا ودرت جاج محمر مرفوق بطاطا مقلية وارز بصوص الدجاج..طاجين الحلو حميس سلطة
تعمدت ننوع بين الاطباق الرءيسية درت واحد ناشف وواحد مرق يعني خير كل واحد وش يحب درت تان مونشون بكريمة الجبن تان حبيت نبدل ونبعد على المقبلات اللي فيها لحوم كالبوراك او الكيش مثلا لان الاطباق غنية باللحوم
الخبز درت تاع ام اماااني روووعة روووعة ربي يبارك فيها ما نقدرش مانهدرش عليها ربي يرجعها بالف خير يااارب
التحلية درت غير كريم كراميل تان تاع الغالية ام اماني وقدمتو مباشرة مور الفطور مع اتاي هدا ماكان لاخاطر ضيافي راحو مباشرة مور الفطور
نبداو بالكواليس ومبعد التقديم بسم الله على بركة الله تفضلو

نتمنى يعجبووكم وارى تفاعلكم واي استفسار حول الوصفات اوما شابه انا في الخدمة....والسلام عليكم

ام سراج وملاك · 2016-03-17, 15:07

مشاء الله عليك اختي ام رويدة ماهيش حاجة جديدة عليك اطباقك دائما متميزة بصحتكم وربي يدومها نعمة للجميع

ام رويدة · 2016-03-18, 11:11

اقتباس:

المشاركة الأصلية كتبت بواسطة ام سراج وملاك

مشاء الله عليك اختي ام رويدة ماهيش حاجة جديدة عليك اطباقك دائما متميزة بصحتكم وربي يدومها نعمة للجميع

امين يااارب شكرا اختي ام سراااج على المرور الجميل

ام ايمان 11 · 2016-03-17, 15:09

يعطيك الصحة كل شي رووووووعة تسلم ايديك .

ام رويدة · 2016-03-18, 11:20

اقتباس:

المشاركة الأصلية كتبت بواسطة ام ايمان 11

يعطيك الصحة كل شي رووووووعة تسلم ايديك .

الله يسلمك اختي باارك الله فيك

ام عبدو و ملاك · 2016-03-17, 15:09

الله يبارك كلشي بالطبع بارك الله فيك وزاد في رزقك
برك سؤال الرولي تاع الدجاج كيفاه طيبتيه والوصفة تاع المونشو ادا حبيتي وبصحتكم

ام رويدة · 2016-03-18, 11:19

اقتباس:

المشاركة الأصلية كتبت بواسطة ام عبدو و ملاك

الله يبارك كلشي بالطبع بارك الله فيك وزاد في رزقك
برك سؤال الرولي تاع الدجاج كيفاه طيبتيه والوصفة تاع المونشو ادا حبيتي وبصحتكم

امين غاليتي ام عبدو ولك بالمثل ان شاء الله
فما يخص الرولي درتلو لكل من اللحم والدجاج شوية بصل وثوم مفروم معدنوس رشة ملح رشة ف اسود وروليتو مليح في ورق السيلوفان ومبعد زدتلو ورق الالومنيوم وحطيتو في قدر فيه ماء وغطيتو ....يعني طيبتو في الماء كما تقدري تان تطيبيه على البخار يشد وقت اطول شوية
اما المونشون درت العجين المورق السحري بوصفتي راني دايرتها موضوع وكريمة الجبن تاع ام تاج اللي هي 2فناجن لاتاي حليب زاءد بيضة زايد 2مغارف فرينة انا ندير1ميزينة وواحدة فرينة نحطهم على النار ونخلط حتى تعقد ومبعد نحيها من النار ونزيدلها5قطع فرماج ونستعملها
نحل العجين بشكل طولي وندير فالطرف الكريمة ونرولي دورة وحدة وندهن بالبيض باش ما تتحلش ومبعد نقطع وندهن بالصفار ونطيبهم في حرارة مرتفعة ومبعد ننقص نخليهم يزيدو سوية ونشعل مالفوق
وبالنسبة للكريمة كاين تان تاع ام اماني رووووعة
.