مشكلتي زوجي

[مشكلتي]

السلام عليكم ورحمة الله وبركاته

كما هو واضح من العنوان مشكلتي زوجي .......تقريبا السؤال موجه للرجال اكثر من النساء ممكن نلقى واحد يفهمني في طبيعة زوجي......ممكن الكثير ميعتبرهاش مشكل من الاساس ويقلي كنت قادرة تتناقشي فيها مع زوجك .........انا نرد عليه ونقلو تناقشت كثيرا لكن اكتشف في كل مرة انو يفوت فيا فقط بالدارجة نتعنا ضاحك عليا ........



زوجي منسميهش بخيل لكن انا اخر اهتماماتو ......انعطيكم مثال على اساسو ممكن نلخصلكم الحكاية كاملة وانتو اسقطوه على حياتنا بصفة عامة واش رايكم في راجل تقولو مرتو اني سخفت على ماكلة تتباع برة جيبلي منها ولو حبة وتستناه وفي الاخير ميجيبلهاش .....ليس بخل ولكنه استهتار يصرف على كلش الا عليها عاطي اهمية لسيارتو اكثر منها سيارتو كي يحس بلي فيها عطب يجري بيها للميكانسيان اما مرتو ولا مرة خسر عليها كشما ناقصك والا فرحها بحاجة جابهالها في ايدو ..........حكيت ىمعاه اكثر من خطرة لكن دون جدوى افكر جديا في رميه من حياتي حتى الهدرة منشبعوش بدارجة نقولها مجابنيش فقط باه نطيبلو ونلبيلو احتياجاتو انا امراة قارية مثقفة عاملة جميلة خلوقة يعني مانقصني والو باه نحصر حياتي في رجل ......................

علابالي رايي مش حيعجب الكثير خاصة الرجال اللي حيقولولي المراة خلقت لتخدم الرجل ومكانها في البيت ....انا نجاوبكم ونقلكم كي يحسسني زوجي اني مثل سيارتو ضرك نعاود نفورماتي حياتي .....سؤالي للرجال واش رايكم بحكم العشرة مزال عندي 1 بالمئة تردد هل ممكن يتبدل خاطر صايي كاسي تعمر من جيهتو وقتنعت بلي هذا هو