يا من والفناك لا تغدى عنا... \/ بقلمي \/

medcherif03 · 2016-03-01, 18:55

مهداة لكل الأحبة

يا من والفناك لا تغدى عنا \/\/\/ الا كان انسيت حنا ما ننساك
دير الواجب لاديراللوم علينا \/\/\/ و مادرناش العيب الا حبيناك

من مدة و زمان ونا في غبنة \/\/\/ ويلا كان امشيت انا نستناك
ما طول لغياب راني في محنة \/\/\/ يا حبي غضبان عني واشنواك

صارحني و تفش عني وتهنى \/\/\/ مادسش في خاطرك قالوح وراك
يا وناسة خاطري ذالحب اجمعنا \/\/\/ بلاما شاورني و لا شاورناك

واش ذنبي لا كان قلبك اهجرنا \/\/\/ ماحنيتي في غرامك يا مقساك
ياشومة مرار وحشك بهدلنا \/\/\/ وسقانا كيسان من هجرك و اجفاك

قولي لي وعلاش راكي زعفانة \/\/\/ يا عمري بميات كية نتفداك
تدرمم عني العارم باحنانة \/\/\/ و تومي لي بالعين وتقولي بركاك

يا ولفي ارموش عينك نعسانة \/\/\/ انتي في راحة ونا جبت اهلاك
خافي ربي ياختي مادرتي فينا \/\/\/ قلبي و عظايا ما طقنا لهواك

حبك في الأجيال مثلو ماشفنا \/\/\/ ما حسوه ارهاط مثلي نتحداك
يا مضنونة فيك راني نستنى \/\/\/ و خلاني قلبي سافر راح معاك

يا عاشق بامثالنا نحلف بركانا \/\/\/ ما تلقى راحة ما تصيب ادواك
واش نعمل للقلب فط و خلانا \/\/\/ ماصنصف لي ما صبت معاه اسلاك

تمت بقلمي medcherif03

fatimarokaya · 2016-03-01, 19:40

قصيدة جميلة جدا .اهنؤك على موهبتك.

medcherif03 · 2016-03-01, 20:32

مشكورة الأخت فاطمة على مرورك و يعطيك الصحة و العافية

بوبكر بن علي · 2016-03-01, 23:50

مول المحبة من ويوك تهنا.....مهلك ديـــــــما وسط عــــــراك
الله يبرد لك صهد المحنـــة..... من بعد التشغاب تصيب السلاك

يعطيك الصحة الشاعر محمد...وفقك الله

medcherif03 · 2016-03-02, 01:16

ألف شكر على مرور الرائع أدامك الله لنا و حفظك

فاطمة شلف · 2016-03-02, 07:50

السلام عليكم ورحمة الله وبركاته
والله رائع بارك الله فيك وفي قلمك
تسلم يدك
تحياتي

medcherif03 · 2016-03-02, 11:29

شكرا على المرور

بوبكر بن علي · 2016-03-02, 11:55

العفو استاذ محمد....حفظك الله ورعاك...

تحياتي