جينواز الشوكولا بطريقة سهلة جدا جدا تنفع للخدامات بحالي و حتى لي مشي خدامات ... خخخخ

[انا هي رزيقة]

السلام عليكم حبيت نحطلكم طريقتي السهلة جدا المعتمدة في الجينواز ربما فيه لي يعرفوها انا لقيتها في النت . في هذا الطريقة لازم تحضري كل المكونات تاعك قدامك . مثلا انا درت جينواز تاع 5 بيضات و 150 غرام سكر و 150 غ فرينة منزوع منها مغرفتين فرينة و معوضة بمغرفتين كاكاو مغربلة مع 1 لوفور . نفصل الصفار عن البياض و نحط البياض في الاناء لي رايحين نخدمو فيه و الصفار في اناء اخر و نضيف رشة ملح في البياض و نضربوه بالمضرب الكربائي حتى يبياض و يولي مثل الثلج مع اضافة ال150 سكر لي محضرة قدامك. هنا لازم السرعة مباشرة بعد ما تشوفي البياض تاعك ولى مثل مورانغ عاقدة زيدي الصفار في الخليط ضربيه تم تم زيدي الفرينة المغربلة مع الكاكو و اللوفور على 3 دفعات دون ان تتوقفي عن الخلط بالمضرب الكربائي . و توقفي بمجرد ماتشوفي الفرينة دخلت في الخليط . و طيبي الجينواز بااطريقة المعهودة دون فتح الفور حتي تشمي رائحة الطياب تاعها .
و الصور توضح هنا اضفت الصفارهنا اضفت الفرينة و هذي جينواز درتها بهذ الطريقة معمرة من الداخل بشانتيلي مخلطة بشكولا سوداء مذابة هو نفس الحشو لي موجود من الفوق ذرذرت عليه شكولا مبشورة