ياسبحان الله!...ذا الفلك اتبدل. بقلمي

[medcherif03]

السلام عليكم... هذه الكلمات بقلمي medcherif03

ياسبحان الله!...ذا الفلك اتبدل &&&&&&& و رجعت ارذايل تحكم وآستولات

هذا جا على البلا راه آمعول &&&&&&& ما يعرف حرمة ولاقدر هيهات

ولاخر تلقاه كي الشيطان آمهول &&&&&&& جا متحزم رافد معاه الويلات

تلقاه ابن الناقصة كي عنو اتسأل &&&&&&& أمو لبصيلة وبوه راس أثويمات

قليل الأصل يجي آمعفس فالمدخل &&&&&&& أمصحح وجهو وين ولاه يبات

تلقى فيه أوصاف منهم تتعلل &&&&&&& لا تربية باينة لا زيونة خصلات

طالق فمو داير لسانو منجل &&&&&&& يستاهل الكي يتكوا بسبع كيات

مثلو كي لجرب يعدي و يخلل &&&&&&& و ما تخالطشي بعدو فيه العدوات

لا تقول آذيب يتربى و يدلل &&&&&&& ويلا آمنتو قول أطفرت و آخلات

واللي يعرف يخالط أولاد الأصل &&&&&&& تلقاهم جنبك فالمحاين و العثرات

معدنهم صافي طيب كي لعسل &&&&&&& لويز الحر يعطيهم آسبع صحات

و آلذهب... أذهب عمرو ما يتحول &&&&&&& و يبقى معدن حر طول السنوات

سومو غالي ما يرخس ما يذل &&&&&&& و عند الفاهمين يشرى بلا بيعات

هاذ الدنيا بهدلتنا كيفاش الحل &&&&&&& و فتنتنا يا سامعي و آتهنات

و حلاوتها طولت مابغات أتزل &&&&&&& ما طقنا لقحارها علينا و آتقوات

ما آتبعها يا آبني عندك تهمل &&&&&&& ما تتركها خلاص شاور بالنفحات

و عندك ترخس يا بني كون آفحل &&&&&&& و آتماهل في مشيها دير آفرنات

راها حنت على الشمايت تتكسل &&&&&&& و دارت يا حليلك أسبع دورات

واه جرو الذيب ياكل هو لول &&&&&&& ولد البية يشبعوه من الفضلات

شوف القرد عاد يفهم و يصهلل &&&&&&& و سبع الغابة ركبو فوقو لبنات

ماضنيت في الطير الحر يتبهدل &&&&&&& ويشووه العديان على حفنه جمرات

واه ارجع الخو في خوه يشعل &&&&&&& وما يسألشي عنو حتى للممات

يتحزم لو على العداوة و يعول &&&&&&& يحفر لو حفرة يفسد لو لحياة

يزهى كي شوفو معدوم و يشل &&&&&&& وقدام القاشي أيطيح آدميعات

لا تنسى ربي سبحانو عز وجل &&&&&&& كيما تحفر لو راه موجدلك حفرات

رد بالك راها دعواتو تقبل &&&&&&& و يبارك لو في كل ماهو فات

أنعل ابليس يا العاصي راك اتزل &&&&&&& لا تظيلم! ويحك راه ظلمات

واستغفرمولاك عندك لا تغفل &&&&&&& يمحيلك لذنوب ترجع حسنات

و اللهم صلي على خير الرسل &&&&&&& صاحب لغمامة مول المعجزات

يشفع فيا ما يخليني نحصل &&&&&&& سيد الأمة راه اشفيعنا يا سادات