ردو الله يخليكم يهمني رايكم

[زينونة الجزائر]

بسم الله الرحمن الرحيم
اولا انا فتاة من الشرق الجزائري عمري 23 ماكثة بالبيت قصتي بات كيما رحت لاحدى المدن الساحلية نقضي عطلة الصيف وفيها تعرفت على شاب باحدى السهرات حسيت اني عجبتو بزاف مدامو بقى من 10 ليلا لحد1صباحا وهو يتبع فيا اعطاني رقمو وانا حكمتو بعد الحاح شديد بصح ماحكيتش معاه حتى بعد ماروحت لبيتنا وبدات علاقة مع بعض بمانو عجبني ومحترم وجامي غلط في هدرتو معايا والمدينة الي يسكن فيها قريبة مني المهم حسيتو تعلق بيا وانا تاني تعلقت بيه شوية المشكلة انو عمرو غير 24 ومعندوش عمل ثابت والزواج شوي بعيد على تفكيرو لانو الصغير في الدار والمشكلة الان ماني عارفة نكمل ولا نحبس خايفة نبقى معاه ومبعد مايجيش يخطب وخايفة نخليه ونندم لاني تعلقت به وخايفة اهلي يفيقو بيا والله يقتلوني لانوصح ما بقاليش وقت نلعب فيه وخصوصا انو بنات العايلة كامل تزوجو وانا بقيت نشرط ونحوس نتزوج عن حب وهل في رايكم الزواج التقليدي وعن حب هو الي يستمر
الله يخليكم انصحوني واش ديرو لوانتو في بلاصتي وشكرا والله لادعيلكم في ظهر الغيب وكل واح يقلي واش ندعيلو
وشكرا

[*أنسام*الجنة*]

السلام عليكم ورحمة الله


انصحك قبل أن تتعلقي به اكثر فاكثر أن تقطعي علاقتك به


بما انك احسستي انه شخص محترم وكما تتمنيه صلى صلاة الإستخارة


وادعي في سجود كل صلاة ان يجمعك الله وإياه في الحلال


فانصحك أن تبتعدي عن هاته العلاقات العابرة التي تضر اكثر من نفعها

فغاليتي لا تضعفي أمام هذا الشاب ولو هو يحبك ويحترمك ان ياتي لبيتكم ويضع كلمة


ومن ثم يذهب ويبحث عن عمل ............


فيا اختي لا تحرقي ورقتك وأضن فهمتي قصدي


واسال الله أن يرزقك زوج صالح وتقي

[زينونة الجزائر]

[bبسم الله الرحمن الرحيم
عزيزتي شكرا على الرد والله ريحتيني [/b]

[*أنسام*الجنة*]

المشاركة الأصلية كتبت بواسطة زينونة الجزائر

[bبسم الله الرحمن الرحيم
عزيزتي شكرا على الرد والله ريحتيني [/b]

العفو غاليتي وربي ييسرلك امورك


ويتحققلك كل ما تتمنيه

[sarielle]

SALAM
awalan rletti ki hderti m3ah
taniyan normalement matkhafi la waldik la darkoum la ahlek yfikou bik
madam rebbi soubhanou matekhfa 3lih la kbira wala sghira
wella wash kal?
TALITAN koulilou ydji yekhetbek hebb ahlan wasahlan w frat wl hamdlh
mahebch yakhoya bka 3la khir
kolchi belmektoub
whadi hiya bent lfamilya wella wash kal?
elmouhim rebbi yferredj 3lik w yrezkek bwlid lehlal nchallah



OUKHTOKI FI ALLAH

[sarielle]

حسيت اني عجبتو بزاف مدامو بقى من 10 ليلا لحد1صباحا وهو يتبع فيا

hada momkin ydol 3ala i3djabo mais machi 3la hossn w safaa niytou
el i3djab ta3 essah yban ki ydji kbala ldarkoum

[صحراوي أصيل]

أنــــــــــــــــــا اوفقكي أختي ل. امال على رأيكي
وكذالك لا تنسي صلاة الإستخارة
تقبلي مروري

[الرميساء المتحجبة]

الله أعلم
الله أعلم

[دموع الحيــاة]

الشاب المحترم لا يعطي رقمه لبنت ولا يطلب ذلك
لو كان محترما لتكلــّم مع عائلتك حينها

المهم

هو صغير على الزواج طبعا
ولا أنت كبيرة على ذلك

ليس العيب أن لا تتزوجي وبنات العائلة كلــّهنّ متزوجات

بل العيب أن تتزوجي وترجعي إلى بيتكم وتبقى بنات العائلة كلــّهنّ متزوجات

ما عليك الآن هو دعوته للحضور إلى المنزل والخطبة

وإن أبى فابتعدي ودوسي على قلبك وستنسي أكيد

أحسن من أن تتطوّر الأمور إلى ما لا يرضي


لا الإنسان ولا الخالق

[وائـــل]

السلام عليكم ورحمة الله

أختي الكريمة ...

يبدو أن الاخوات قد أدين واجب النصيحة فبارك الله فيهن

الشاب المحترم لا يعطي رقمه لبنت ولا يطلب ذلك
لو كان محترما لتكلــّم مع عائلتك حينها

ما تقوليش رايحة تضيعي فرصة لأنو ماهوش الرجل الوحيد على سطح الأارض و لي مقدرهولك ربي هو لي يجيبهولك ماشي انت لي جيبيه لروحك .

فانصحك أن تبتعدي عن هاته العلاقات العابرة التي تضر اكثر من نفعها

فغاليتي لا تضعفي أمام هذا الشاب ولو هو يحبك ويحترمك ان ياتي لبيتكم ويضع كلمة


ومن ثم يذهب ويبحث عن عمل ............


فيا اختي لا تحرقي ورقتك وأضن فهمتي قصدي

والسعيد من اعتبر بغيره لا بنفسه

وتذكري أن البنيان المبني على أساس فاسد لابد أن يسقط

وأن الخالق لايضيع مخلوقاته

[منى]

رأي من رأي أنسام الجنة يجب أن تتفادي الاختلاط به و صلي الاستخارة خاصة قبيل الفجر و صليها بخشوع و أكثر من مرة و أكيد ربي راه يسهل في الي فيها الخير ان شاء الله.. أما الدعاء ادعيلنا بلي تشوفيها انت باه تعود صح بظهر الغيب.. و شكرا

[مريم الطالبة]

يا ختي لعزيزة انا من رايي اقطعي العلاقة معاه قبل ما تزيدي تتعلقي بيه اكثر..........و ادا كان ربي كاتبهولك غير هو اللي تتزوجي بيه بصح ادا ماكانش من مكتوبك ماراكيش رايحة تتزوجي بيه مهما كان الوضع تاعكم..........و اللي فيها الخير يجيبها ربي

[مجيد 88]

المشاركة الأصلية كتبت بواسطة مريم الطالبة

يا ختي لعزيزة انا من رايي اقطعي العلاقة معاه قبل ما تزيدي تتعلقي بيه اكثر..........و ادا كان ربي كاتبهولك غير هو اللي تتزوجي بيه بصح ادا ماكانش من مكتوبك ماراكيش رايحة تتزوجي بيه مهما كان الوضع تاعكم..........و اللي فيها الخير يجيبها ربي

والله لالي كنت راح نقول هولك قالاتو الاخت اذا كان باغيك صح راهوا جاك للدار وطلبك من عند امك وباباك
هذا رايي ارجوا ان يساعدك رايي ولو قليلا

[سحاب الليل]

https://www.djelfa.info/vb/showthread.php?t=191900حبيبتي نقلك اقراي هذي القصة الي راه حاطه واحد في هذا القسم برك وانشاء الله تعتابري

[تمر الهنى]

سلام اله عليكم
يا اختاه لا تصدقي كلام الرجال فأكثرهم غير صادقون رغم تمثيلهم ببراعة دور البراءة و الطهارة
نصيحتي لا تكلميه و انتظري عندها ستعرفينه على حقيقته