انصحوني

[مشكلتي]

السلام عليكم انا فتاة ابلغ من العمر 22سنة تقدم لخطبتي شاب يعمل معي في عمره 24سنة هوا ناس ملاح لكن المشكل في تصرفاته فهو يحب الحديث كثيرا مع الفتيات وبعض الاحيان كي نقولو حنا يتهارشو وانا لا احبذ هنه التصرفات فهل هو حقا سبب يمنعني من القبول به لاني موسوسة رجل في العمر هذا مازال ماشبعش دنيتو مازال صغير لانشاء بيت
وصليت صلاة الاستخارة واشعر بالتردد

[toulay]

وعليكم السلام ورحمة الله تعالى وبركاته
شوف اختي le fait que جاء خطبك مادابيه ينحي هذا le vice لانو كون يبقى هكذا راح يصراو بيناتكم غير les problèmes
يا اختي واش نقولك شوف واش يخرج عليك مكيش obligée ترتبط بواحد كيفو عندو cette mentalité وتاني مع احتراماتي راني نشوف فيه مزال صغير خلاص ودبر راسك
اذا كنتي satisfaite ربي يسهل بيناتكم ان شاء الله واذا non غير فضها من درك
وصلي الاستخارة وابقى ادعي ربي سبحانه وتعالى
بالتوفيق

[زبدة ذايبة]

يا بنتي هذا النوع من التصرفات يتعبك بزاف

ماراكيش رايحة تريحي نهائيا لوكان يكون الراجل فيه هذ المواصفات

راح تبدى التليفونات، ,les SMS الفيسبوك وووووو

ماراكيش رايحة تريحي صدقيني

راح تبدى الشكوك والوساوس والقلق

تزيد الخلافات والمشكلات

كل يوم تقوليلو علاش تهدر مع فلانة

وفلانة علااش تعيطلك في الليل.

وين كنت؟ وين رحت ؟

والريحة هذي شكون دارهالك؟

راك جيت فرحان شي وش كاين؟؟؟؟ ، ولا مع من كنت ؟؟؟؟


وأمثلة كثيرة جدا من هذا النوع

لوكان تزوجتي بيه ولقيتيه على هذا الشكل

لوكان عطيتلك رد آخر مختلف على هذا اللي راكي تقرايه الآن


لكن

بما أنك لاحظت هذا الأمر وانت ماشي عاجبك هذا الحال

ماتحمليش نفسك فوق طاقتها.

مشاكل كثيرة وكبيرة تحدث بسبب هذه التصرفات

إذا كان هو يشوفها عادي وماشي حرام هذا يعني ماراهوش رايح يحبس من هذا الشيء

وخاصة أنه خطبك ومازال يكمل في طريقتو اللي راه عليها

بالتالي ماراهوش رايح يتبدل

وهذا رايح يشكلك المشاكل في حياتك الزوجية

ننصحك كي بنتي

اخطيك منو. مازالكي صغيرة. ماترميش روحك على حاجة بانت فيها بوادر المشكلات.

وتأكدي أن المشكلة التي تعترض حياتك الآن وتهملينها

ستظهر من جديد لكن بشكل أكثر تعقيد وأكبر حجما.

رب يوفقك ويرزقك الزوج الصالح

[fatima tappila]

هههههه يا سكرتي 24 عام راكي عاداتو كبير ؟
حبيبتي حطي عينك في عيني الرجل تاع دوك حتى 30 باش يمكنك القول انو كبير و ممكن ياسس بيت و الدليل هو تصرفاتو
كما انو فارق السن بناتكم صغير بزاف و هاد الشي يؤثر سلبا في المستقبل
ارفضيه و لك الاجر

[غربة أهل السنّة]

وعليكم السّلام ورحمة الله وبركاته
أختي أنصحكِ بالإبتعاد ما دمت بعد الإستخارة تشعرين بالتّردد
ثانيا مادام تردّدك بسبب أمر كلامه مع الفتيات فعندكِ ألف حقّ
لأنّك ستعيشين حياتك في شك بما أنه لا يمشي بنفس المبدأ وهو الإبتعاد عن الجنس الآخر
إختلاط الرجال بالنّساء هو ما جرّعلينا المشاكل وهدم الأسر
وقد يراه البعضُ أمرا عاديا لكن فاحذري قبل النّدم
وفّقكِ الله

[blanche rose]

حبيبتي نصيحة قالهالي أبي
لا تتزوجي بزميلك في العمل

بعيد عليك فالخدمة وتتوسوسي فما بااالك قدامك ويدير هكذا.. والكارثة يتهارشو
المفروض الاخت ما تتهارشش مع خوها فما بالك برجل غريب

وزيد ممكن زميلة تحب تقلقك تروح تهدر معاه وتستفزك والكارثة اذا هو ما راعاش شعورك

لا أنصحك به
وخذي بنصيحة والدي
ربي يسعدك

[عائشة قدوتي]

و عليكم السلام
لا أدري ما أقول ما قلتيه عنه غير مريح و تخافي في المستقبل يكون أكثر
و أيضا سنه صغير ..نصيحتي استخيري مرارا ..و متتسرعيش مازلتي صغيرة
و يجيك اللي أفضل منو رزين و محافظ..
بالتوفيق لك

[أم عبد الكريم]

24 سنة مزالوا صغير .....على الزواج و الدليل يتهارش مع لبنات ........الرجال بكري في عمروا كانو يجاهدوا و جابوا الاستقلال هو يتهارش ..........

[ملاك الامل]

انا نطن بلي فوتيك منو خير

[نور لاتراه]

السلام عليكم
إما ان هذا طبع فيه,او ان نقص في الرؤية عنده
فهناك دائما حدود فمابالك ان كان مقبلا على تاسيس اسرة
فهاته الصفة خطيرة ولها عواقبها ان تجاوز حدوده
استخيري مجددا واستشيري وتريثي وبناءا على ذلك قرري
فأنتِ ادرى بالحال والاحوال
يسر الله لكِ

[AMINA.Z]

احكي معاه و قوليلو
قلة احترام ليا انك تحكي و تضحك مع بنات اخرين
و اذا بقا يتفلسف و يقولك عادي و انا هاذي هي طبيعتي
قولو ترضاها تشوفني ندير مع اي واحد كيما راك دير انت مع البنات !!!!
اذا قنع ...قولوراح نعطيك شوية وقت و نشوف اذا تبدلت و اذا لا ...قولو ربي يسهل

[oumhana]

حبيت نسقسيك كعرفتيه يعني قبل ميجي لداركم كان هكذا ؟؟؟ إذا نعم علاش قبلتي ؟ولا برك باه يقولو فلانه تخطبت؟أخطيك أخطيك وأخطيك.وربي يرزقك بوليد لحال لييعرف كارك.أما هذو صحاب عزيزه بواسه ل 25سنة مزالو يتهاوش ومع من مع زميلاتو؟؟؟؟هذاغير أخطيك هذ ميكبرش.وأنت إذابطلتي منو إلتزمي حدودك متكثريش الهدرة لا معاه وسورتوسورتو مع الزميلات السوسات.نوصيك حدودك ثم حدودك ثم حدودك خليه يندم وفكري مليح مشي لي قولك نجي للدار تقوليلو إيه ومنبعد تبداي تكتشفي لعيوب قالو- قيس قبل ماتغيس-
واسمحيلي إذا كلامي وجعك كتكبري تفهمي.

[إسلام الفاروق]

و لاش يشبع في الدنيا ؟ مفهمتش
ممكن حاب يتزوج باه ما يروحش طريق العوجة
يعني انتي تحوسي على واحد شابع من الدنيا تتزوجيه يمل منك و يجوع مرة اخرى يرجع ملذات الدنيا و يخليك
ربي يعطيك زوج صالح

[ايمن تلمسان]

ان شاء الله ما يكون غير الخير...هذو الامور يكونو بصح يتعالجوا ماشي كيما الامور لي ماعندهاش حل