محتاجتكم بليييز ادخلو انصحوني؟؟؟؟؟؟!

himoprence · 2015-12-18, 21:51

السلام عليكم حبيباتي
عندي استفسار و ياريت تجاوبوني،راجلي جابلي السردين وقالي بدلي طريقة طيابك للسردين جيبيلنا حاجة جديدة،انا موالفة انحيلو الشوك لي داخلو و نحط وحدة فوق وحدة و في وسطهم الدرسة ،لكن مل منها و يحوس حاجة جديدة ، وكي شفن وصفة الاخت ام اماني ربي يخليها نتاع الحوت بالمايوناز جتني في بالي نحط نفس التتبيلة للسردين ،فهل تصلح ولا لا و ادا تصلح كفاه نطيبو يعني نقليه ولا نطيبو في الكوشة و ربي يخليكم و الله راني محتارة ولا زم نطيبو غدوة للغداء ان شاء الله

himoprence · 2015-12-19, 00:24

حرام عليكم 94 مشاخدة و وحدة ما قدرت تردلي

حياة نور الدين · 2015-12-19, 01:46

السلام عليك اختي

اختي ادا كان عندك سردين كبير ممكن تطبقي وصفة ام اماني وديريه في الفرن

وممكن تغلي البطاطا وترحيها تزيدلها صفار بيضة ومعدنوس وبصل رابي وثوم وزعفران وملح وفلفل اسود تخلطي كلش وتحطي مغرف فوق حبة السردين وتغلقي باخرى وترمديها في درسة متكونة من فلفل احمر هريسة اختيارية ملح وفلفل اسود ملح ومعدنوس وثوم ثم رمديها في الفرينة وقليها رووووعة
او حطي حبة سريدين عمري ملعقة بطاطا ورىولي ستفي حبات السردين في مول او صينية فرغي عليهم صوص تومان والى الفرن

himoprence · 2015-12-19, 11:03

مشكورة حبيبتي حياة نور الدين ربي يحفظك في ميزان حسناتك

Esprit f · 2015-12-19, 13:57

ااااااااااامممم خسارة والله شفت موضوعك ضرك رحت شفت وقتاش حطيتيه لقيتو بالامس رحت للساعة لقيتها الوحدة وربعيم دقيقة يعني فاااات لغدا
اسمحيلنا حنونة ممكن اللي شافو المواضيع ما عندهمش رد
لكن مرة اخرى يجيبلك لا ضير في ان تُبدعي ومش شرط تتقيدي بوصفة
مثلااا ديري تتبيلة اما أماني راها هااايلة وانا شخصيا من بكري نتبل الحوت بالمايونيز و الموطارد والله افكار من راسي
المهم تبليه وخليه بجيه وروحي للبطاطا قطعيها دوائر واقليها ما تحمريهاش بزاف خليها بيضاء عادي
روحي للسردين نتاعك حطيه يتشوح فقط على مقلة فيها شوي زيت ياخي ما تخليهش يطيب فاهمتني شوحيه من الجيهتين
ستفي البطاطا في بلاطو الكوشة ومبعد فوقو السردسن وشوي تاني اذا بقالك من البطاطاا ومباعد من فوق ديري طماطم قطعتيها وهيا هكاك فراش قطعيها شرائح مدورين اوكي حنووونة
هنااا اذاا عندك من الاحسن ذري شوي اكليل على البلاطو
واذا عندك مرق دجاج او لحم فرغيه على البلاطو ولوحي للكوشة
اما اذا ما عندكش ماكانش مشكل جيبي مقدار كاس ونص ماء مع مغرف زيت و شوي هريسة وثوووووم مبشور حوالي ثلاث سنات وشوي ملح وطماطم مصبرة ووريقات رند راكي معايا اختي وشويييييي سكر خلطي الكل ولوحيها على البلاطو وطيبي على نار متوسطة والله اختي البنة تجيك ااااحسن الف مرة من نتاع افخم المطاااعم وشهية طيبة
جربيها للمرة الجاية ورديلي
انا شخصيا نستعملها في سمك التونة الكبير يجي قمممممة خاصة مع اكليل الجبل

~~ibtihal18~~ · 2015-12-19, 14:01

تقدري تديريها كفتة والله ما تتشبع درك نحطلك رابط الوصفة تع ***ام رحاب**** جزها الله خيرا
https://www.djelfa.info/vb/showthread.php?t=1890214